সাৱধান, নকল নহৰুৰ পয়োভৰ, সীমান্তত ১৬ হাজাৰ কেজি চীনৰ নকল নহৰু
উত্তৰ প্ৰদেশৰ মহাৰাজগঞ্জ জিলাৰ ভাৰত-নেপাল সীমান্তত জাবৰৰ দমৰ পৰা চীনা নহৰু লুটপাত। শুল্ক বিভাগে শেহতীয়াকৈ ১৬ হাজাৰ কেজি চীনা নহৰু ধ্বংস কৰিছিল। এই নহৰু নেপালৰ পৰা ভাৰতলৈ সৰবৰাহ কৰা হৈছিল। পৰীক্ষা কৰাত এই নহৰু বোৰ স্বাস্থ্যৰ বাবে অত্যন্ত বিপদজনক বুলি ধৰা পৰে। এই নহৰু প্ৰাকৃতিক প্ৰক্ৰিয়াৰ দ্বাৰা উৎপাদিত নহয়, ইয়াক কৃত্ৰিমভাৱে খেতি কৰা হয়।
এই নহৰুত বিপজ্জনক ভেঁকুৰ পোৱা গৈছিল। লেব টেষ্টত ব্যৰ্থ হোৱাৰ পিছত এই নহৰু মাটিত পুতি পেলোৱা হৈছিল যদিও বিষয়াসকল সেই স্থানৰ পৰা যোৱাৰ লগে লগে গাঁৱৰ মানুহে মাটি খান্দি চীনা নহৰু উলিয়াবলৈ আৰম্ভ কৰে।
শুল্ক বিভাগৰ বিষয়াসকল যেতিয়া নহৰু ধ্বংস কৰি উভতি আহে, তেতিয়া স্থানীয় ৰাইজক মাটিৰ পৰা নহৰু উলিয়াই থকা প্ৰত্যক্ষ কৰে। বৃহৎ সংখ্যক শিশু, বৃদ্ধ আৰু মহিলাই সেই স্থানত উপস্থিত হৈ বস্তাই বস্তাই চীনা নহৰু উলিয়াই লৈ যায়।
তথ্য অনুসৰি যোৱা এমাহৰ ভিতৰত শুল্ক বিভাগে পৃথকে পৃথকে জব্দ কৰি নেপালৰ পৰা ভাৰতলৈ সৰবৰাহ কৰা প্ৰায় ১৬ হাজাৰ কেজি চীনা নহৰু উদ্ধাৰ কৰিছিল। স্বাস্থ্য বিশেষজ্ঞসকলে কয় যে এই চীনা নহৰু স্বাস্থ্যৰ বাবে অতি ক্ষতিকাৰক, আৰু ইয়াত থকা ভেঁকুৰে গুৰুতৰ ৰোগৰ সৃষ্টি কৰিব পাৰে।
কিন্তু ইয়াৰ পিছতো গাঁওবাসীয়ে সেই নহৰু সংগ্ৰহ কৰিছে, কোনো ভ্ৰূক্ষেপ নাই সেই নহৰুৰ বিপদৰ প্ৰতি। গাঁৱৰ ৰাইজে এই সন্দৰ্ভত কয় যে আমি ইয়াক খোৱাৰ বাবে নহয়, পথাৰত বীজ সিঁচাৰ বাবেহে লৈছো। শুল্ক বিভাগৰ সন্দেহ কম মূল্যত বজাৰত বিক্ৰী কৰিয়ো দিব পাৰে সেই নহৰু, সেয়ে সকলোকে সতৰ্কবাণী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
