যোগী আদিত্যনাথৰ শাসিত উত্তৰ প্ৰদেশৰ অন্য নৃশংস ধৰ্ষণ আৰু হত্যাকাণ্ডৰ ঘটনা পোহৰলৈ আহিছে৷ দুই কিশোৰী ভগ্নীক ধৰ্ষণৰ পিছত হত্যা কৰি গছত মৃতদেহ ওলমাই থোৱাৰ খবৰ বিয়পি পৰাৰ লগে লগে সমগ্ৰ দেশতে চাঞ্চল্যৰ সৃষ্টি হৈছে৷
ঘটনাৰ বিৱৰণীৰ মতে উত্তৰ প্ৰদেশৰ লখিমপুৰ জিলাৰ খেৰীৰ নিঘাছন আৰক্ষী থানাৰ অন্তৰ্গত এখন গাঁৱত যোৱা বুধবাৰে ১৫ আৰু ১৭ বছৰীয়া দুই নাবালিকা ভগ্নীৰ মৃতদেহ গছত ওলমি থকা অৱস্থাত উদ্ধাৰ কৰা হৈছিল৷ উদ্ধাৰ পাছতে আৰক্ষীয়ে দুয়োটা মৃতদেহ মৰণোত্তৰ পৰীক্ষাৰ বাবে প্ৰেৰণ কৰে৷
আৰক্ষী সূত্ৰই প্ৰকাশ কৰা মতে মৰণোত্তৰ পৰীক্ষা প্ৰতিবেদনত অতি ভয়ংকৰ তথ্য ফাদিল হৈছে৷ প্ৰথমে কিশোৰী দুগৰাকীক ধৰ্ষণ কৰি ডিঙি চেপি হত্যা কৰা হয় আৰু ইয়াৰ পাছতে হত্যাকাণ্ডৰ প্ৰমাণ নষ্টৰ কৰাৰ বাবে দুয়োগৰাকীৰে মৃতদেহ গছৰ বান্ধি ওলমাই ৰখা হয়৷
লগতে পঢ়ক গৈছিল শুকুৰবাৰে মছজিদত বোমা দিবলৈ, কিন্তু গ্ৰহণ কৰিলে ইছলাম৷ কাৰণ জানিলে আপুনিও বিস্মিত হ’ব…
ইতিমধ্যে আৰক্ষীয়ে এই ধৰ্ষণ আৰু হত্যাৰ ঘটনাৰে জড়িত থকাৰ অভিযোগত লালপুৰ নামৰ গাঁৱৰ ৬ গৰাকী লোকক গ্ৰেপ্তাৰ কৰিছে৷ ইয়াৰ দুগৰাকীয়ে ধৰ্ষণ আৰু হত্যাকাণ্ডৰ কথা স্বীকাৰ কৰা বুলিও আৰক্ষীয়ে প্ৰকাশ কৰিছে৷ আৰক্ষীয়ে অভিযুক্তসকলৰ বিৰুদ্ধে ভাৰতীয় দণ্ডবিধি আইনৰ ৩০২, ৩০৬ আৰু POCO আইনৰ অধীনত গোচৰ ৰুজু কৰিছে৷
ইফালে ঘটনাৰ সন্দৰ্ভত আৰক্ষীয়ে প্ৰথমে সংবাদ মেল সম্বোধন কৰি দাবী কৰিছিল যে দুই কিশোৰীৰ সৈতে অভিযুক্তসকলৰ পূৰ্বৰে পৰা বন্ধুত্ব আছিল৷
আনহাতে মৃত দুই কন্যাৰ মাতৃয়ে প্ৰকাশ কৰিছে যে গাঁৱৰ এজন যুৱকৰ সৈতে তিনিজন অচিনাক্ত যুৱকে তেওঁলোকৰ ঘৰলৈ আহি মাৰণাস্ত্ৰ প্ৰদৰ্শন কৰি ভয় ভিতি দেখুওৱায় দুই কন্যাক জোৰজবৰদস্তি মটৰ চাইকেলত উঠাই লৈ যায়৷ মাতৃয়ে তেওঁলোকক বাধা প্ৰদান কৰিবলৈ যাওতে তেওঁক যুৱককেইজনে লাথ মাৰি মাটিত বাগৰাই থৈ যায়৷
লগতে পঢ়ক বিদ্যালয়তে ৪ বছৰীয়া ছাত্ৰীক ডিজিটেল ধৰ্ষণ, আৰক্ষীৰ গোচৰ ৰুজু, কোনে কৰিলে এই ধৰ্ষণ?
যুৱককেইজনে দুই ভগ্নীক গাঁৱৰ উত্তৰ দিশলৈ নি পথাৰৰ মাজত ৰ্ষণ কৰি হত্যা কৰে বুলিও মাতৃয়ে প্ৰকাশ কৰিছে৷ দুয়ো ঘৰলৈ ওভতি নহাত দুই ভগ্নীৰ পৰিয়ালে দুয়োকে বহু বিচাৰ খোচাৰ কৰাৰ পাছতে পথাৰৰ মাজৰ এজোপা গছত ওলমি থকা অৱস্থাত মৃতদেহ দুটা প্ৰত্যক্ষ কৰে৷ পৰিয়ালৰ লোকে দাবী কৰিছে যে ধৰ্ষণ কৰাৰ পাছত দুয়োগৰাকীকে হত্যা কৰি গছত ওলমাই থোৱা হৈছিল৷
নাবালিকা ভগ্নীদ্বয়ৰ মাতৃৰ এজাহাৰৰ পিছত উত্তৰ প্ৰদেশ আৰক্ষীয়ে গোচৰ ৰুজু কৰে যদিও পৰিয়ালৰ লোকে আৰক্ষীক মৃতদেহকেইটা বলপূৰ্বকভাৱে লৈ যোৱাৰ অভিযোগ উত্থাপন কৰাত এক হুলস্থুলীয়া পৰিৱেশৰ সৃষ্টি হয়।
এই ঘটনাক লৈ আৰক্ষী আৰু গাওঁবাসীৰ মাজতো তীব্ৰ সংঘৰ্ষৰো সূত্ৰপাত হয়। ক্ষুব্ধ গাওঁবাসীয়েও পথ অৱৰোধ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
