দেশৰ সৰ্ববৃহৎ বিমান সংস্থা ইণ্ডিগ’ই ২০ বছৰীয়া জয়ন্তী উদযাপনৰ বাবে যাত্ৰীসকলৰ বাবে এটা অফাৰ মুকলি কৰিছে। এই অফাৰৰ অধীনত কোম্পানীটোৱে তেওঁলোকৰ ঘৰুৱা বিমানৰ ২০ হাজাৰ গৰাকী সৌভাগ্যৱান যাত্ৰীক টিকটৰ ভাড়া ঘূৰাই দিব। অৰ্থাৎ ২০ হাজাৰগৰাকী ভাগ্যৱান যাত্ৰীৰ বিমান যাত্ৰা সম্পূৰ্ণ বিনামূলীয়া হ’ব পাৰে।
IndiGoই এই বিশেষ অভিযানৰ নাম ৰাখিছে Happy IndiGo Day। কোম্পানীটোৱে লাকী ড্ৰ’ৰ জৰিয়তে ২০ হাজাৰ যাত্ৰীক বাছনি কৰিব।
এই অফাৰ কেৱল ২০২৬ চনৰ ৪ আগষ্টৰ পৰা ৬ আগষ্টৰ ভিতৰত ইণ্ডিগ’ৰ ঘৰুৱা বিমান বুকিং কৰাসকলৰ বাবেহে প্ৰযোজ্য। অৱশ্যে মন কৰিবলগীয়া যে টিকট কেৱল ইণ্ডিগ’ৰ অফিচিয়েল ৱেবছাইট, মোবাইল এপ বা AI ভাৰ্চুৱেল এচিষ্টেণ্টৰ জৰিয়তেহে বুকিং কৰিব লাগিব। যদি আপুনি ট্ৰেভেল এজেন্সী, অনলাইন ট্ৰেভেল পৰ্টেল বা আন কোনো ৱেবছাইটৰ পৰা টিকট ক্ৰয় কৰিছে তেন্তে এই অফাৰ প্ৰযোজ্য নহ’ব।
কোম্পানীটোৱে এই অফাৰৰ সময়ত টিকট বুকিং কৰা ২০ হাজাৰ যাত্ৰীক বাছনি কৰিব। নিৰ্বাচিতসকলে ই-মেইল বা হোৱাটছএপৰ জৰিয়তে বাৰ্তা লাভ কৰিব। তাৰ পিছত তেওঁলোকক এটা সাধাৰণ প্ৰশ্ন কৰা হ’ব। তেওঁলোকক শুদ্ধ উত্তৰ দিবলৈ তিনিটা সুযোগ দিয়া হ’ব। যদি তেওঁলোকে শুদ্ধ উত্তৰ দিয়ে তেন্তে কোম্পানীয়ে তেওঁলোকৰ টিকটৰ ভাড়া ঘূৰাই দিব। কিন্তু সৰ্বোচ্চ ৰিফাণ্ডৰ সীমা প্ৰতি PNRত ১০,০০০ টকা নিৰ্ধাৰণ কৰা হৈছে। এই ধনৰাশি ৩ৰ পৰা ৫ দিনৰ ভিতৰত গ্ৰাহকৰ একাউণ্টত জমা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
