অসম লাইভ২৪ঃ বিবাহ দুটি হৃদয় এক হোৱাৰ অনুশীলন৷ বিবাহ জীৱনজোৰা এক সম্বন্ধৰ নাম৷ কণ্টকময় পথত এজনে আনজনৰ সাহস হৈ থিয় দিয়াৰ অন্য নাম বিবাহ৷ কিন্তু বিবাহে যেন কৰোবাৰ সংজ্ঞা সলাইছে৷ বিবাহ এতিয়া জনপ্ৰিয় হোৱাৰ অন্য এক অচিলা৷ বিবাহৰ অনুষ্ঠানত কৰা অদ্ভুত কাৰ্যকলাপে আনে ছচিয়েল মিডিয়াত আনে জোৱাৰ৷ ক্ষন্তেকীয়া হ’লেও ক্ষন্তেকতেই ভাইৰেল হ’ল একোটা যুঁটি৷ তেনে এটি ঘটনাই সংঘটিত হৈছে দেশত৷ সামাজিক মাধ্যমত ট্ৰেণ্ড কৰিছে বিবাহৰ এটা ভিডিঅ’ ক্লিপে৷
ভিডিঅ’টোত এজন ২১ বছৰীয়া লৰাই এগৰাকী ৫২ বছৰীয়া মহিলাৰ সৈতে বিবাহপাশত আবদ্ধ হৈছে৷ ভিডিঅটো দেশজুৰি ভাইৰেল হৈ পৰাৰ পাছতেই বহুতেই এই বিষয়টোক লৈ মিমো নিৰ্মাণ কৰিছে৷ সামাজিক মাধ্যম ইউজাৰকাৰীৰ কমেণ্টেও দৃষ্টি কাঢ়িছে বহুতৰে৷ কোনোৱে যদি যোগাত্মকভাৱে বিষয়টো লৈছে, বেছিসংখ্যকেই কিন্তু সমালোচনাহে কৰিছে এই বিবাহক৷ উদাহৰণস্বৰূপে নেটিজেনে দিয়া কমেণ্টত আছে, ‘পুত্ৰৰ সৈতেও বিয়া হয়নে?’ এই কমেণ্টৰ প্ৰত্যুত্তৰ দিবলৈ গৈ একাংশই আকৌ লিখিছে, পুৰুষে যেতিয়া কন্যাসম যুৱতীৰে বিয়াত বহে তেতিয়া কিয় দৃষ্টি নপৰে? সকলোৰে ক্ষেত্ৰত ভাৱধাৰা কিয় একেই হ’ব নোৱাৰে?’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ