অতিকে কৰুণ, কুঁৱাত পৰা এজনক উদ্ধাৰ কৰিবলৈ নামি গৈ আন ৪ জনেও হেৰুাৱলে প্ৰাণ, মুঠ ৫ নিহত
এক অতিকে কৰুণ ঘটনা সংঘটিত হৈছে চত্তীশগড়ত। কুঁৱাত পৰা এগৰাকী লোকক উদ্ধাৰ কৰিবলৈ গৈ প্ৰাণ হেৰুৱালে আন ৪গৰাকী লোকেও। মুঠ ৫ জন লোকে হেৰুৱালে প্ৰাণ। ঘটনাই এতিয়া চাঞ্চল্যৰ সৃষ্টি কৰিছে। লগতে শোকৰ বন্যা বোৱাইছে।
ছত্তীশগড়ৰ জাঞ্জগিৰ-চাম্পা জিলাৰ এখন গাঁৱত সংঘটিত হৈছে এই ঘটনা। গাঁওখনৰ এটা কুঁৱাত ৫জন লোকৰ মৃত্যু হয়। ঘটনাসন্দৰ্ভত জানিব পৰা অনুসৰি কুঁৱাটোত প্ৰথমে এজন লোক পৰি যায়। সেই লোকগৰাকীকে উদ্ধাৰ কৰিবলৈ নামি যায় সেই গাঁৱৰে আন ৪গৰাকী লোক।
তাতোকৌ দুখৰ কথা, এই ঘটনাত একেখন ঘৰৰে তিনিগৰাকী লোকে প্ৰাণ হেৰুৱাই। প্ৰাণ হেৰুওৱা লোক কেইগৰাকী পিতৃ আৰু দুই যুৱ পুত্ৰ।
কুঁৱা টোত নামি যোৱাৰ পাছতে সেই সময়তে কুঁৱাটোৰ পৰা বিষাক্ত গেছ ওলাবলৈ ধৰে। যাৰ ফলতে কুঁৱাটোৰ ভিতৰতে অকাল মৃত্যুক সাৱটি লয় ৫ গৰাকী লোকে। শ্বাসৰুদ্ধ হৈ মৃত্যু হয় সকলোৰে।
মৃত্যু হোৱা লোককেইগৰাকীৰ নাম – ৰামচন্দ্ৰ জয়ছৱাল ৬০ বছৰ, চুবুৰীয়া ৰমেশ পেটেল ৫০ বছৰ, ৰমেশ পেটেলৰ দুই পুত্ৰ জিতেন্দ্ৰ পেটেল ২৫ বছৰ, ৰাজেন্দ্ৰ পেটেল ২০ বছৰ, আন এজন চুবুৰীয়া টিকেশ্বৰ চন্দ্ৰ ২৫ বছৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
