এণ্টিবায়োটিকৰ উদ্ভাৱন চিকিৎসাবিজ্ঞানৰ যুগান্তকাৰী আৱিষ্কাৰৰ অন্যতম৷ কিন্তু এই ঔষধেই কাল হৈ পৰিছে৷ চিকিৎসকে দীৰ্ঘদিন ধৰি এণ্টিবায়োটিক খোৱাক লৈ সতৰ্ক কৰি আহিলেও কোনোৱে যেন ভ্ৰক্ষেপ কৰা নাই৷ ইয়াৰ ফলত একশ্ৰেণীৰ জীৱাণু ক্ৰমে অবাধ্য হৈ উঠিছে৷ যাৰ ফলত বাঢ়িছে এণ্টিবায়োটিক প্ৰতিৰোধী সংক্ৰমণ৷ গৱেষকে দাবী কৰিছে যে ২০২৫ চনৰ মাজত ৪কোটি মানুহৰ মৃত্যু হ’ব এণ্টিবায়টিক প্ৰতিৰোধী সংক্ৰমণৰ কাৰণেই৷
কেলিফৰ্ণিয়া বিশ্ববিদ্যালয়ৰ এপিডোমিওলজিষ্ট জোছেফ লিঅ’নাৰ্ডোৱে কৈছে, ‘আমি নিজে কি কি ভুল কৰি আছো সেয়া আমি বুজিব লাগিব৷’ দ্যা লান্সেটয়ে প্ৰকাশ কৰা এক ৰিপৰ্টত কৈছে যে ১৯৯০ চনৰ পৰা ২০২১ চনৰ মাজত প্ৰতিবছৰে ১০ লাখ মানুহৰ মৃত্যু হৈছে কেৱল এই কাৰণতেই৷ আগন্তুক সময়ত ইয়াৰ হাৰ আৰু বাঢ়িব৷
এণ্টিবায়োটিক ২০২৫ৰ পৰা ২০৫০ৰ মাজত বাৰ্ষিক ২০৪খন দেশৰ ২০লাখ মানুহৰ মৃত্যুৰ কাৰণ হৈ উঠিব৷ সকলো মিলি এই সংখ্যা হ’ব ৩কোটি ৯০লাখতকৈ বেছি৷ এণ্টিবায়োটিক মূলত বেকটেৰিয়া ঘটিত ৰোগৰ বিৰুদ্ধে কাৰ্যকৰী৷ আৰু সেই কাৰণেই ই অন্য বেকটেৰিয়াকো ধ্বংস কৰি দিয়ে৷ যিসমূহ শৰীৰৰ বাবে উপকাৰী৷ ইয়াৰোপৰি ইয়াৰ আছে অন্যান্য কেইবাটাও পাৰ্শ্বপ্ৰতিক্ৰিয়া৷
কিন্তু ইয়াৰ সকলোতকৈ ডাঙৰ বিপদ হৈছে এণ্টিবায়োটিক প্ৰতিৰোধী সংক্ৰমণ বৃদ্ধি৷ গৱেষকে জনোৱা অনুসৰি পাঁচতকৈ কমবয়সীয়াৰ মাজত বিগত তিনি দশকতেই বাঢ়িছে ৫০শতাংশতকৈয়ো পাৰ্শ্বপ্ৰতিক্ৰিয়া৷ সত্তৰোৰ্ধ্বৰ মানুহৰ ক্ষেত্ৰত বৃদ্ধিৰ হাৰ ৮০শতাংশ৷ এই পৰিসংখ্যাই বুজাই দিয়ে পৰিস্থিতি কি হ’বলৈ গৈ আছে৷ এই পৰিস্থিতিক লৈ সতৰ্ক কৰিছে গৱেষকে৷
ৰিপৰ্টত কোৱা হৈছে যে ইয়াত প্ৰাপ্ত তথ্যৰ পৰা আগন্তুক দিনত ঔষধ তৈয়াৰ আৰু নতুন টিকা উদ্ভাৱনৰ ক্ষেত্ৰত সাৱধান হ’ব লাগিব৷ ইয়াৰবাবে বিশ্বব্যাপী বিনিয়োগ আৰু স্বল্প আয়ৰ দেশসমূহৰ ঐসতে নিয়মিত এই বিষয়ে আলোচনা চলোৱা দৰকাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
