নবীন পাটনায়কৰ বিশেষ চিঠি মমতা বেনাৰ্জীলৈ, সীমান্তত ৰৈ আছে ৫০ ট্ৰাক…
ওড়িশাৰ প্ৰাক্তন মুখ্যমন্ত্ৰী নবীন পাটনায়কৰ বিশেষ চিঠি পশ্চিমবংগৰ মুখ্যমন্ত্ৰী মমতা বেনাৰ্জীলৈ। এক আহ্বান জনাই এই বিশেষ চিঠি প্ৰেৰণ মমতা দিদিলৈ। ওড়িশাত বৰ্তমানে আলুৰ নাটনি আৰু আকাশলংঘী মূল্যৰ কথা গুৰুত্বসহকাৰে লক্ষ্য কৰি ওড়িশাৰ প্ৰাক্তন মুখ্যমন্ত্ৰী তথা বিৰোধী দলৰ নেতা নবীন পাটনায়কে পশ্চিম বংগৰ মুখ্যমন্ত্ৰী মমতা বেনাৰ্জীলৈ এখন পত্ৰ লিখি আলুৰ যোগানৰ ক্ষেত্ৰত তেওঁৰ হস্তক্ষেপ বিচাৰি চিঠি প্ৰেৰণ কৰিছে।
চিঠিখনত পাটনায়কে কয়, ‘আপুনি জানে যে আলু আমাৰ জনসাধাৰণৰ বাবে এক অপৰিহাৰ্য সামগ্ৰী। “বৰষুণৰ বাবে ওড়িশাৰ বজাৰত আলুৰ যোগান হ্ৰাস পাইছে, যাৰ ফলত আলুৰ মূল্য বৃদ্ধিৰ বাবে সাধাৰণ মানুহৰ সমস্যা বৃদ্ধি পাইছে।”
তেওঁ আৰু কয়, “মই সংবাদ মাধ্যমৰ পৰা জানিব পাৰিছো যে পশ্চিম বংগ-ওড়িশা সীমান্তত আলু ভৰ্তি ৫০খনতকৈও অধিক ট্ৰাকৰ দীঘলীয়া শাৰী ৰাজ্যখনত প্ৰৱেশৰ বাবে অপেক্ষা কৰি আছে।” লগতে চিঠিখনত ইয়াকো লিখিছে, “পূৰ্বেও একেধৰণৰ সমস্যাত আপোনাৰ উদাৰ পদক্ষেপে আমাৰ মানুহক বহু সহায় কৰিছে। ওড়িশা আৰু পশ্চিমবংগৰ জনসাধাৰণৰ মাজত সাংস্কৃতিক সম্পৰ্ক আৰু অধিক শক্তিশালী কৰাৰ উদ্দেশ্যে এইখিনি সহায় কৰিব বুলি আশা থাকিল, আমি সকলোৱে মহাপ্ৰভু শ্ৰী জগন্নাথৰ ভক্ত।”
উল্লেখ্য যে, ওড়িশাত আলুৰ খুচুৰা মূল্য প্ৰতি কেজিত ৪৫-৫০ টকা হৈছেগৈ, যাৰ বাবে সাধাৰণ মানুহৰ বহু সমস্যা হৈছে। আনহাতে, আলু ভৰ্তি শ শ ট্ৰাক আৱদ্ধ হৈ আছে লক্ষ্মন্নাথ গেটত। পিছত মেদিনীপুৰ জিলাৰ অতিৰিক্ত আৰক্ষী অধীক্ষক সৌমিক সেনগুপ্তই সেই স্থানত উপস্থিত হৈ মমতা বেনাৰ্জী নেতৃত্বাধীন চৰকাৰৰ নিৰ্দেশনা অনুসৰি ট্ৰাকসমূহক পশ্চিম বংগলৈ উভতি যাবলৈ কোৱা বুলি জানিব পৰা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
