প্ৰতিমাহে নিৰ্দিষ্ট পৰিমাণৰ টকা জমা কৰি সঞ্চয়ৰ ক্ষেত্ৰত জনপ্ৰিয় SIP আৰু RD প্ৰকল্প৷ বিনিয়োগকাৰীসকলৰ বহুতেই ধাৰণা কৰে যে, লাভৰ ক্ষেত্ৰত আগুৱাই আছে SIP, মিউচুৱেল ফাণ্ডৰ মাধ্যমতো SIPত বিনিয়োগ কৰিব পাৰিব৷ এই সকলো প্ৰকল্প অৱশ্যে বজাৰৰ ওপৰত নিৰ্ভৰশীল৷ এইক্ষেত্ৰত মুঠৰ ওপৰত এছ আই পিৰ পৰা প্ৰাপ্তিৰ কোনো স্থিৰতা নাই৷ অৰ্থাৎ বিনিয়োগৰ শেষত নিৰ্দিষ্টভাৱে ক’ব নোৱাৰি যে বিনিয়োগৰাকীয়ে কিমান টকা উভতাই পাব৷
ৰেকাৰিং ডিপজিট বা RD
নিৰাপদ বিনিয়োগৰ অন্যতম মাধ্যম হৈছে ৰেকাৰিং ডিপজিট৷ তাতেই প্ৰতি মাহে এটা নিৰ্দিষ্ট পৰিমাণৰ অৰ্থ জমা কৰিব পাৰি৷ এই ক্ষেত্ৰত বেংক বা পষ্ট অফিচত সুদৰ হাৰ নিৰ্দিষ্ট কৰা থাকে আৰু এই হাৰত ৰেকাৰিং ডিপজিটৰ সম্পূৰ্ণ ম্যাদ পৰিবৰ্তন নহয়৷ ম্যাদপূৰ্তিত সুদসহ ধন বিনিয়োগকাৰীৰ একাউণ্টলৈ যায়?
সাধাৰণতে ৰেকাৰিং ডিপজিটৰ ম্যাদ ৬মাহৰ পৰা ১০ বছৰ পৰ্যন্ত হ’ব পাৰে৷ বেংক অথৱা পষ্ট অফিচত এই আৰ ডি কৰিব পাৰে৷ ইয়াত বিনিয়োগৰ সুবিধা হৈছে নিৰ্দিষ্ট সময়সীমা পাৰ কৰিলে এক নিৰ্দিষ্ট পৰিমাণৰ অৰ্থ হাতত আহিবই৷ এই অংক নিৰ্ভুলভাৱে বিনিয়োগৰ আৰম্ভণিতেই আপুনি জানিব পাৰে৷ তাত ধন হেৰুৱাৰো কথা নাই৷
ৰেকাৰিং ডিপজিটত পষ্ট অফিচত ৫বছৰৰ ম্যাদত প্ৰতি মাহে ৫ হাজাৰ টকাকৈ জমা কৰিলে সুদ পাব ৬.৭শতাংশ৷ ফলত সুদ বাঢ়ি হ’বগৈ ৫৬,৮৩০টকা৷ এই হিচাপত ৫বছৰত পাব ৩,৫৬,৮৩০ টকা৷
ৰেকাৰিং বা টাৰ্ম ডিপজিট বা SIP
এছ আই পিত শেষ প্ৰাপ্তিৰ ভাণ্ডাৰ আৰ ডিৰ পৰা বেছি হ’লেও এক নিৰ্দিষ্ট লাভ হ’ব বুলি স্পষ্টকৈ ক’ব নোৱাৰি৷ অৰ্থাৎ এছ আই পিত বিনিয়োগ নিশ্চিত নহয়৷ বিশেষজ্ঞই অৱশ্যে কয় যে এছ আই পিত সাধাৰণ ৰিটাৰ্ণ ১২শতাংশ হাৰত পোৱা যায়৷ চক্ৰবৃদ্ধিৰ কাৰণে এয়া অতি দ্ৰুত গতিত বাঢ়ে৷ এইক্ষেত্ৰত আপুনি যদি প্ৰতিমাহে ৫ হাজাৰকৈ ৫ বছৰৰ জমা কৰে তেতিয়া সুদ পাব ১২ শতাংশ হাৰত৷ সুদৰ পৰিমাণ হ’ব ১,১২,৪৩২ টকা৷ অৰ্থাৎ ৫বছৰত জমা কৰা ৩লাখৰ ওপৰত সুদসহ পাব ৪, ১২,৪৩২ টকা৷ এই ক্ষেত্ৰত এই পৰিমাণ আৰ ডিৰ প্ৰায় দ্বিগুণ৷ যদি ৰিটাৰ্ণ ১২শতাংশতকৈ বেছি হয় তেতিয়া দ্বিগুণৰো বেছি লাভ হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
