মৰ্মান্তিক, ৬ মহলীয়া অট্টালিকা ভাঙি প্ৰাণ হেৰুৱালে ৭ জনে, বহু লোক আৱদ্ধ হৈ থকাৰ আশংকা
গুজৰাটৰ চুৰাটত সংঘটিত হৈছে এক অতিকে মৰ্মান্তিক দুৰ্ঘটনা। চুৰাটৰ শচীন অঞ্চলত ৬ মহলীয়া অট্টালিকা ভাঙি পৰিল বহু লোকৰ মৃত্যু। এই ৬ মহলীয়া অট্টালিকাৰ ধ্বংসাৱশেষৰ তলত অন্য বহু লোক আৱদ্ধ।
এই দুৰ্ঘটনাটোত বৰ্তমানলৈ ৭ জন লোক উদ্ধাৰ হৈছে, কিন্তু ৭টো জনেই মৃত অৱস্থাত উদ্ধাৰ হৈছে। ভাঙি পৰা ধ্বংসাৱশেষৰ তলত আৰু অধিক লোকক সমাধিস্থ হ’ব পাৰে বুলিও আশংকা কৰা হৈছে। উদ্ধাৰ কামত নিয়োজিত দলসমূহে ধ্বংসাৱশেষ আঁতৰাই উদ্ধাৰ অভিযান অব্যাহত ৰাখিছে।
সদৰি হোৱা তথ্য অনুসৰি, ভাঙি পৰা অট্টালিকাটো একেবাৰে নতুন আছিল। নিৰ্মাণ সম্পূৰ্ণ হোৱা মাত্ৰ ৮ বছৰ হৈছিল হে। এই ভৱনটো ২০১৬ চনত নিৰ্মাণ কৰা হৈছিল। এনে পৰিস্থিতিত বহুমহলীয়া অট্টালিকাটো নিৰ্মাণৰ ক্ষেত্ৰত সঠিক নিৰ্মাণ সামগ্ৰী ব্যৱহাৰ কৰা হোৱা নাছিল নেকি বুলি প্ৰশ্ন উত্থাপন হৈছে।
এই অট্টালিকাটোত মুঠ ছটা পৰিয়াল বসবাস কৰাৰ তথ্য পোহৰলৈ আহিছে। এই ঘটনা সংঘটিত হোৱা চুৰাটৰ অঞ্চলটো চুৰাট পৌৰ নিগমৰ অধীনত আহিছে। এই অট্টালিকাৰ উচ্চতা ছয় মহলীয়া।
ঘটনাটোত আহত হোৱা লোকসকলক বৰ্তমানে চিকিৎসালয়ত ভৰ্তি কৰোৱা হৈছে। অট্টালিকাটো ভাঙি পৰাৰ তথ্য লাভ কৰাৰ পিছতে আৰক্ষী আৰু অগ্নিনিৰ্বাপক বাহিনীৰ উদ্ধাৰকাৰী দল ঘটনাস্থলীত উপস্থিত হৈ উদ্ধাৰ অভিযান আৰম্ভ কৰে।
ধ্বংসাৱশেষৰ তলত পুত যোৱা লোকসকলক উলিয়াই আনিবলৈ উদ্ধাৰ অভিযান চলোৱা হৈছে। অট্টালিকাটো ভাঙি পৰাৰ কাৰণ এতিয়াও স্পষ্ট হোৱা নাই। প্ৰৱল বৰষুণৰ ফলত জৰাজীৰ্ণ অট্টালিকাটো ভাঙি পৰা বুলি কোৱা হৈছে।
চুৰাটৰ আৰক্ষী আয়ুক্ত অনুপম সিং গেহলটে কয় যে অট্টালিকাটো ভাঙি পৰাৰ তথ্য লাভ কৰাৰ পিছত সাহায্যৰ কাম আৰম্ভ কৰা হৈছে। ধ্বংসাৱশেষৰ তলত আবদ্ধ হৈ থকা লোকসকলক উদ্ধাৰৰ বাবে সাহায্য আৰু উদ্ধাৰৰ কাম কৰা হৈছে।
এন ডি আৰ এফৰ দলে কঠোৰ পৰিশ্ৰম কৰি আছে। ২০১৭–১৮ চনত নিৰ্মাণ কৰা হৈছিল এই ভৱনটো। জৰাজীৰ্ণ হোৱাৰ বাবে চুৰাট পৌৰ নিগমেও খালী কৰিবলৈ নিৰ্দেশ দিছিল। অট্টালিকাটোত বাস কৰা বেছিভাগ মানুহেই খালী কৰি পেলাইছিল যদিও ৫ৰ পৰা ৬টা পৰিয়াল এতিয়াও তাত বাস কৰি আছিল। নিহত লোক কেইজন সেই পৰিয়ালৰে বুলি সন্দেহ প্ৰকাশ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
