মাত্ৰ ১০৮ ঘন্টা অৰ্থাৎ চাৰে চাৰিদিনৰ ভিতৰতে সাজু হ’ব কৰি তোলা হ’ব ৭৫ কিলোমিটাৰ পথ। মহাৰাষ্ট্ৰৰ অমৰাৱতিৰ পৰা আকোলালৈ মহাৰাষ্ট্ৰ ৰাজ্যিক ঘাইপথৰ এই নিৰ্মাণ কাৰ্য চলি আছে।
যদি চাৰে চাৰিদিনত এই কাম সম্পূৰ্ণ হয়, তেন্তে এই পথটোৱে গিনিজ বুক অৱ ৰেকৰ্ডত নিজৰ নাম লিখিবলৈ সক্ষম হ’ব। ৩ জুন শুকুৰবাৰৰ পৰা এই ঘাইপথ নিৰ্মাণৰ কাম আৰম্ভ হৈছে। ৬ জুনৰ ভিতৰত এই পথটোৰ নিৰ্মাণ কাৰ্য সম্পূৰ্ণ হোৱাৰ সম্ভাৱনা আছে।
অমৰাৱতিৰ লনী গাঁৱৰ পৰা আকোলাৰ মানোলা গাঁৱলৈকে পথটো সময়মতে সম্পূৰ্ণ কৰাৰ বাবে নিৰ্মাণ শ্ৰমিকসকলে দিনে-নিশাই কাম কৰি আছে। পথ নিৰ্মাণৰ দায়িত্বত থকা কোম্পানীটোও সক্ৰিয় হৈ আছে। ইতিমধ্যে গিনিজ বুক অৱ ৱৰ্ল্ড ৰেকৰ্ডছৰ এটা দলে সেই স্থানত উপস্থিত হৈ পথ নিৰ্মাণৰ কাম পৰিদৰ্শন কৰি আছে।
লগতে পঢ়ক অত্যধিক কীটনাশক ব্যৱহাৰ! বহু দেশে উভতাই দিছে ভাৰতৰ চাহ!
সূত্ৰ অনুসৰি, আধুনিক নিৰ্মাণ কৌশল ব্যৱহাৰ কৰি বিটুমিনাছ কংক্ৰিট ব্যৱহাৰ কৰি এই ঘাইপথটো নিৰ্মাণ কৰা হৈছে। প্ৰায় ৮০০ৰ পৰা ১০০০ নিৰ্মাণ শ্ৰমিকে পথটোত কাম কৰি আছে।
ইয়াৰ পূৰ্বে কাটাৰে ইমান দ্ৰুত পথ নিৰ্মাণৰ বাবে গিনিজ বুক অৱ ৱৰ্ল্ড ৰেকৰ্ড গঢ়িছিল। কাটাৰৰ দোহাত ১০ দিনত ২৫ কিলোমিটাৰ পথ নিৰ্মাণ কৰি গিনিজ ৱৰ্ল্ড ৰেকৰ্ড গঢ়িছিল।
আমৰাৱতিৰ পৰা আকোলালৈকে ঘাইপথটোৰ দায়িত্বত থকা নিৰ্মাণ কোম্পানীটোৱে চাৰিদিনত এই পথটো নিৰ্মাণ কৰি নিজৰ নাম গিনিজ বুক অৱ ৱৰ্ল্ড ৰেকৰ্ডত পঞ্জীয়ন কৰাৰ আশা সাকাৰ কৰিবলৈ শ্ৰমিকসকলেও তৎপৰতাৰে কাম কৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
