অষ্টম বেতন কমিছনৰ অনুমোদন দিছে কেন্দ্ৰীয় মন্ত্ৰীসভাই৷ চৰকাৰী কৰ্মচাৰীসকল এই সিদ্ধান্তত খুবেই সুখী৷ দৰমহাও এক ধাক্কাত বহু বৃদ্ধি পাব৷ বিশেষজ্ঞই কৈছে, ২০২৬ চনৰ ১ জানুৱাৰীৰ পৰা অষ্টম বেতন কমিছন কাৰ্যকৰী হ’ব পাৰে৷ চৰকাৰী কৰ্মচাৰীসকলৰ দৰমহা কিমান বাঢ়িব সেয়া নিৰ্ভৰ কৰিছে ফিটমেণ্ট ফেক্টৰৰ ওপৰত৷ এয়া মূলত এক ধৰণৰ গুণফল৷ সপ্তম দৰমহা আয়োগৰ আওঁতাত ফিটমেণ্ট ফেক্টৰ আছিল ২.৫৭৷
বেছিক চেলাৰী ৭ হাজাৰ টকাৰ পৰা বাঢ়ি ১৮ হাজাৰ টকা হৈছিল৷ অষ্টম দৰমহা আয়োগৰ ফিটমেণ্ট ফেক্টৰ হ’ব পাৰে ২.৮৬৷ বেছিক চেলাৰী এক ধাক্কাত ৫১, ৪৮০ টকা হ’ব পাৰে৷ অৰ্থাৎ ১৮ হাজাৰ টকাৰ পৰা ১৮৬ শতাংশ বাঢ়িব পাৰে৷ কিন্তু ইয়াত বিভিন্ন ডিডাকছনো আছে৷ ফলত এই পৰিমাণৰ টকা লাভ নকৰিবও পাৰে৷ বিভিন্ন পদৰ কৰ্মীৰ দৰমহা কিমান হ’ব পাৰে জানি থওক হিচাপ৷
লেভেল ১ঃ পিয়ন, এটেণ্ডেণ্টছ, মাল্টি টাস্কিং ষ্টাফ লেভেল-১ৰ আওতাত পৰিছে৷ বৰ্তমান তেওঁঁলোকৰ বেছিক ছেলাৰি ১৮ হাজাৰ টকা৷ অষ্টম বেতন কমিছনত তেওঁলোকৰ বেছিক ছেলাৰী হ’ব পাৰে ৫১,৪৮০ টকা৷ অৰ্থাৎ ৩৩,৪৮০ টকাকৈ দৰমহা বাঢ়িব পাৰে৷
লেভেল ২ঃ লৱাৰ ডিভিছনেল ক্লাৰ্ক আহে লেভেল ২ৰ আওঁতাত৷ তেওঁলোকৰ বেছিক ছেলাৰী ১৯৯০০ টকাৰ পৰা বাঢ়ি ৫৬,৯১৪ টকা হ’ব পাৰে৷ দৰমহা বাঢ়িব পাৰে ৩৭,০১৪ টকা৷
লেভেল ৩ঃ লেভেল ৩ৰ আওঁতাত পৰে কনিষ্টবল আৰু দক্ষ ষ্টাফসকল৷ বৰ্তমান তেওঁলোকৰ বেছিক ছেলাৰী ২১,৭০০ টকা৷ অষ্টম বেতন কমিছনৰ আওঁতাত তেওঁলোকৰ দৰমহা বাঢ়ি হ’ব ৬২,০৬২ টকা৷ অৰ্থাৎ ৪০,৩৬২ টকা দৰমহা বাঢ়িব৷
লেভেল ৪ঃ ষ্টেনোগ্ৰাফাৰ আৰু জুনিয়ৰ ক্লাৰ্কসকল পৰে লেভেল ৪ৰ আওঁতাত৷ তেওঁলোকৰ বেছিক ছেলাৰী ২৫ ৫০০ টকা৷ এই দৰমহা বাঢ়ি হ’বগৈ ৭২,৯৩০ টকা৷ অৰ্থাৎ ৪৭,৪৩০ টকা দৰমহা বাঢ়িব পাৰে৷
লেভেল৫ঃ ছিনিয়ৰ ক্লাৰ্ক, সহকাৰী অথবা টেকনিকেল ষ্টাফসকল লেভেল ৫ৰ আওঁতাত আহে৷ তেওঁলোকৰ বেছিক ছেলাৰী ২৯,২০০টকাৰ পৰা বাঢ়ি ৮৩,৫১২ টকা হোৱাৰ সম্ভাৱনা আছে৷ তেওঁলোকৰ দৰমহা বাঢ়িব ৫৪,৩১২ টকা৷
লেভেল ৬ঃ ইন্সপেক্টৰ, ছাব ইন্সপেক্টৰ আৰু জুনিয়ৰ ইঞ্জিনিয়াৰ লেভেল ৬ আওঁতাত আহে৷ তেওঁলোকৰ বেছিক ছেলাৰী ৬৫,৮৪৪ টকালৈ বাঢ়িব পাৰে৷ ৩৫,৪০০ টকাৰ পৰা দৰমহা বাঢ়ি হ’ব পাৰে ১,০১,২৪৪ টকা৷
লেভেল ৭ঃ লেভেল ৭ৰ আওঁতাত পৰে ছুপাৰিনটেণ্ডেণ্ট, ছেকছন অফিচাৰ অথৱা সহকাৰী ইঞ্জিনিয়াৰসকল৷ তেওঁলোকৰ বেছিক ছেলাৰি ৪৪,৯০০ টকাৰ পৰা বাঢ়ি ১,২৮,৪১৪ টকা হ’ব পাৰে৷ দৰমহা বাঢ়িব ৮৩,৫১৪ টকা৷
লেভেল ৮ঃ ছিনিয়ৰ ছেকছন অফিচাৰ অথৱা সহকাৰী অডিট অফিচাৰসকল আহে লেভেল ৮ৰ আওঁতাত৷ তেওঁলোকৰ বেছিক ছেলাৰী বাঢ়িব প্ৰায় ৮৮,৫৩৬ টকা৷ মাহিলী দৰমহা ৪৭,৬০০টকাৰ পৰা বাঢ়ি হ’বগৈ ১,৩৬,১৩৬টকা৷
লেভেল ৯ঃ ছুপাৰিনটেণ্ডেণ্ট অফ পুলিছ অথৱা একাউণ্টছ অফিচাৰসকলে লেভেল ৯ৰ আওঁতাত পৰে৷ তেওঁলোকৰ বেছিক ছেলাৰি ৫৩১০০ টকাৰ পৰা বাঢ়ি ১,৫১,৮৬৬ টকা হ’ব পাৰে৷ দৰমহা বাঢ়িছে ৯৮,৭৬৬ টকা৷
লেভেল ১০ঃ এই গ্ৰুপৰ আওঁতাত আছে গ্ৰুপ এ অফিচাৰ, সহকাৰী কমিছনাৰ বা IAS, IPS আৰু IFS-সকল৷ বৰ্তমান তেওঁলোকৰ বেছিক চেলাৰী ৫৬,১০০ টকা৷ অষ্টম বেতন কমিছনত সেয়া বাঢ়ি হ’বগৈ ১,৬০,৪৬৬ টকা৷ তেওঁলোকৰ দৰমহা বাঢ়িব প্ৰায় ১,০৪,৩৪৬ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
