অসম লাইভ ২৪ঃ আজি অসমৰ বিশিষ্ট কবি, গীতিকাৰ হীৰেন ভট্টাচার্যৰ নৱম মৃত্যুবার্ষিকী। ১৯৩২ চনত যোৰহাটত জন্ম লাভ কৰা কবিগৰাকীয়ে খুব কম বয়সতে খোজ দিছিল কবিতাৰ পথাৰত। ১৯৫৭ চনত প্ৰকাশ পাইছিল তেওঁৰ প্ৰথমখন কবিতা পুথি ‘মোৰ দেশ মোৰ প্ৰেমৰ কবিতা’। হীৰেন ভট্টাচার্যৰ কবিতাৰ কাব্যিকতা আৰু কথনশৈলীয়ে আজিও মুগ্ধ কৰি ৰাখিছে পাঠকক। সুগন্ধি পখিলাৰ কবিৰূপে জনপ্ৰিয় কবিগৰাকীৰ আন কেইখনমান কাব্যগ্ৰন্থ হৈছে- ‘কবিতাৰ ৰ’দ’, ‘বিভিন্ন দিনৰ কবিতা’, ‘শইচৰ পথাৰ মানুহ’, ‘ভালপোৱা বোকা মাটি’ ইত্যাদি। ‘শইচৰ পথাৰ মানুহ’ কাব্যগ্ৰন্থৰ বাবে তেওঁ লাভ কৰিছিল সাহিত্য অকাডেমী বঁটা। হীৰুদাৰ কেইবাটাও কবিতা সুৰ দি কণ্ঠ নিগৰাইছে অসমৰ কেইবাগৰাকীও বিশিষ্ট কণ্ঠশিল্পীয়ে। মৃত্যুকো শিল্প হিচাপে ভবা শব্দৰ যাদুকৰগৰাকীয়ে ২০১২ চনত আজিৰ দিনটোতে সকলোকে কন্দুৱাই আঁতৰি গৈছিল। নৱম মৃত্যু বার্ষিকীত এইগৰাকী বিশিষ্ট কবিলৈ ‘অসম লাইভ ২৪’ৰ একাঁজলি শ্ৰদ্ধাঞ্জলি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
