অসম লাইভ ২৪ঃ টকিঅ’ অলিম্পিকত প্ৰথমটো পদক অৰ্জন ভাৰতৰ। ভাৰোত্তলক মীৰাবাঈ চানুৱে আজুৰিলে ৰূপৰ পদক। ব্যক্তিগত শাখাত প্ৰথমটো পদক অৰ্জন কৰে ভাৰতে। মহিলাৰ ৪৯ কেজি শিতানত পদক লাভ কৰিলে চানুৱে। সৰ্বমুঠ ২০২ কেজি ওজন দাঙিলে মণিপুৰৰ মীৰাবাঈ চানুৱে। আশাব্যঞ্জক খবৰেৰে বিশ্ব ক্ৰীড়াৰ ৰণক্ষেত্ৰত দ্বিতীয় দিনা ভাৰতীয় খেলুৱৈৰ শ্ৰেষ্ঠ প্ৰদৰ্শন। নিউজীলেণ্ডৰ বিৰুদ্ধে প্ৰথম ৰাউণ্ডত ৩-২ গ’লত জয়লাভেৰে যাত্ৰাৰম্ভ ভাৰতীয় পুৰুষ হকী টীমৰ। আৰ্ছাৰীৰ মিক্সড টীমত দীপিকা কুমাৰী আৰু প্ৰবীণ যাদৱে পৰৱৰ্তী পৰ্যায়লৈ বাছনি লাভ কৰিছে। পুৰুষৰ ১০ মিটাৰ এয়াৰ ৰাইফলৰ বাবে ৫৮৬ স্ক’ৰৰে যোগ্যতা অৰ্জন সৌৰভ চৌধুৰীৰ। ৰোয়িং যুটী অৰবিন্দ সিং আৰু অৰ্জুন লালৰ ৰেপাচেজ ৰাউণ্ডলৈ যোগ্যতা অৰ্জন। উল্লেখ্য, বিয়লি ৩.৫০ বজাত পুৰুষৰ ৱাল্টাৰৱেট ৰাউণ্ডত বিকাশ কিষাণ আৰু ৫.১৫ বজাত ভাৰত আৰু নেদাৰলেণ্ডৰ মাজত মহিলাৰ হকী পুল-A অনুষ্ঠিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
