আফগানিস্তানৰ বিদ্যালয়ৰ শ্ৰেণীকোঠাত ল’ৰা-ছোৱালীৰ মাজত লগোৱা হৈছে পৰ্দা

অসম লাইভ ২৪ঃ তালিবানী শাসনৰ আচল স্বৰূপ লাহে লাহে পোহৰলৈ আহিবলৈ ধৰিছে৷ আফগানিস্তানত সোমবাৰৰ পৰা আৰম্ভ হৈছে বিশ্বঃবিদ্যালয়ৰ পাঠদান৷ কিন্তু ইয়াৰ বাবে জাৰি কৰা হৈছে কঠোৰ নিয়ম৷ মৌলবাদী গোটে ছাত্ৰীৰ কাপোৰ, তেওঁলোকে শ্ৰেণীকোঠৰ ক’ত আৰু কেনেদৰে বহিব, কোনে পঢ়াব আনকি কিমান সময়লৈকে পাঠদান চলিব এইবোৰক লৈ নিৰ্দেশ জাৰি কৰিছে৷ কাবুলত তালিবানী পতাকা উৰুওৱাৰ পিছত তালিবানে প্ৰতিশ্ৰুতি দিছিল যে তাৰ জনসাধাৰণক এখন উদাৰ চৰকাৰ উপহাৰ দিব৷ ৰক্ষা কৰিব আফগানী জনসাধাৰণৰ মানৱ অধিকাৰ৷ কিন্তু কাৰ্যক্ষেত্ৰত সেয়া সম্পূৰ্ণ ওলোটা পৰলক্ষিত হৈছে৷ আফগানিস্তানৰ ‘আমাজ নিউজে’ নিজৰ টুইটাৰ হেণ্ডেলযোগে প্ৰকাশ কৰিছে কিছু ফটো৷ য’ত দেখা গৈছে বিশ্ববিদ্যালয়ৰ শ্ৰেণীকোঠাত ছাত্ৰ-ছাত্ৰীৰ মাজত আঁৰি দিয়া হৈছে পৰ্দা৷ ফটোসমূহ প্ৰচাৰ হোৱাৰ লগে লগে বিশ্বজুৰি সৃষ্টি হৈছে তীব্ৰ প্ৰতিক্ৰিয়াৰ৷ সোমবাৰে পাঠদান আৰম্ভ হোৱাৰ পূৰ্বে শনিবাৰে তালিবানৰ শিক্ষা প্ৰাধিকৰণে এক বিজ্ঞপ্তি জাৰি কৰিছিল৷ য’ত মহিলাসকলক বোৰ্খা আৰু হিজাব পিন্ধাৰ নিৰ্দেশ দিয়া হৈছিল৷ তাৰোপৰি কোৱা হৈছিল ল’ৰা আৰু ছোৱালী একেলগে বহিব নোৱাৰিব, এটা ফালে ল’ৰা আৰু আনটো ফালে ছোৱালী থাকিব আৰু মাজত থাকিব পৰ্দা৷ তাৰোপৰি বিজ্ঞপ্তিত এইটোও উল্লেখ কৰিছিল যে ছাত্ৰীসকলক কেৱল মহিলা শিক্ষয়িত্ৰীয়েহে পঢ়াব পাৰিব৷ যদি এইটো সম্ভৱ নহয় তেনেহ’লে ভাল চৰিত্ৰৰ বয়ষ্ক শিক্ষকে ছাত্ৰীক পঢ়ুৱাব পাৰিব৷ লগতে বিজ্ঞপ্তিটোত বিশ্ববিদ্যালয়ত আৱশ্যক অনুসৰি মহিলা শিক্ষয়িত্ৰী ভৰ্তিৰ কথাও উল্লেখ কৰে৷ তাৰোপৰি তালিবানে ছাত্ৰ আৰু ছাত্ৰীৰ বাবে বেলেগ বেলেগ প্ৰৱেশ তথা প্ৰস্থান পথ ব্যৱহাৰ কৰাৰ কথাও কয় আৰু ছাত্ৰৰ সৈতে যাতে ছাত্ৰীয়ে লগব হ’ব নোৱাৰে তাৰ বাবে ছাত্ৰীসকলক পাঁচ মিনিট পূৰ্বে ছুটী দিয়াৰ কথা উল্লেখ কৰে৷ আনহাতে প্ৰাথমিক আৰু মাধ্যমিক বিদ্যালয়তো পৃথক কৰা হ’ব ছাত্ৰ-ছাত্ৰীক৷

در تصویر: دروس دانشگاه با پرده جدایی آغاز شد #آماج_نیوز pic.twitter.com/2we0oqRnbS

— Aamaj News (@AamajN) September 6, 2021

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ