অসম লাইভ ২৪ঃ আল্লু অৰ্জুনৰ ‘পুষ্পা’ ছবিখনে শেহতীয়াকৈ কেইবাটাও সফলতাৰ অভিলেখ ভংগ কৰিছে। বক্স অফিচৰ পৰা নিৰ্মান কৰা ছবিখনৰ কাহিনীয়ে শেহতীয়াকৈ যথেষ্ট জনপ্ৰিয়তা লাভ কৰিছে। ছবিখনৰ গানসনুহেও ধুমুহা সৃষ্টি কৰিছে। দেশ-বিদেশৰ অনুৰাগিসকলেও এতিয়া আকোৱালি লৈছে চিনেমাখনৰ ‘চামি চামি’ গানটো।
শেহতীয়াকৈ চিনেমাখনৰ এই গানটোৰ আন এটা ভিডিঅ’ ভাইৰেল হৈ পৰিছে। অৱশ্যে, ভিডিঅ’টোত দেখা পোৱা নাই অভিনেত্ৰী ৰশ্মিকা মন্দনা আৰু অভিনেতা আল্লু অৰ্জুনক। তাঞ্জানিয়াৰ যুৱক কিলি পলক দেখা গৈছে ভিডিঅ’টোত। প্ৰায়ে ছচিয়েল মিডিয়াত খলকনি তোলা কিলি পলে এইবাৰ ‘চামি চামি’ গানটো নিজৰ ষ্টাইলত অভিনয় কৰিছে।
তাঞ্জানিয়াৰ সামাজিক মাধ্যমৰ তাৰকা কিলি পলে পুনৰ এই আকৰ্ষণীয় ভিডিঅ’টোৰ সৈতে অনুৰাগীৰ মুখামুখি হৈছে। চুপাৰহিট গান চামি চামিত কঁপি থকা ৰশ্মিকা মন্দনাৰ ভিডিঅ’ দ্ৰুতগতিত ভাইৰেল হৈ আছে। তাৰ মাজতে এতিয়া কিলি পলৰ ভিডিঅ’ই ধুমুহাৰ সৃৃষ্টি কৰিছে। পুষ্পাৰ এই গানটো সকলোতেই হিট হৈ পৰিছে, কি দেশ কি বিদেশ।
কিলিৰ নৃত্যশৈলীৰ কথা আকৌ চৰ্চালৈ আহিছে ভিডিঅ’টিৰ জৰিয়তে। কেঁচি নৃত্যৰ ভংগিমাৰ কিলিয়ে কৰা নৃত্যসমুহ সকলোৱে চোৱাটো যোগ্য। কিলিয়ে তাইৰ পৰম্পৰাগত মাচাই পোছাকত এই ভিডিঅ’টো প্ৰস্তুত কৰিছে। কিলিক সম্পূৰ্ণ ধেমালিৰে এই গানটোত নৃত্য কৰা দেখা গৈছে। তেওঁ এই গানটোত হুক ষ্টেপও কৰিছে, যিটো তেওঁৰ অনুৰাগীসকলে পূৰ্বতেই ভাল পাইছিল। কিলিৰ এই ভিডিঅ’টো আমাজন প্ৰাইমে অফিচিয়েল ইনষ্টাগ্ৰাম হেণ্ডেল প্ৰাইম ভিডিঅ’ত শ্বেয়াৰ কৰিছে।
অনুৰাগীসকলে কিলিৰ এই নৃত্যত বহুত মৰম দি চৰ্চা কৰা দেখা গৈছে। হৃদয় আৰু জুইৰ ইমোজিৰ ভৰি পৰিছে ভিডিঅ’টো। অনুৰাগীয়ে কিলিৰ ষ্টাইলটো মূলতকৈ বেছি ভাল পাইছে। কিছু সংখ্যক অনুৰাগীয়ে আনকি কিলিৰ নৃত্যশৈলীক ছবিখনৰ অভিনেত্ৰী ৰশ্মিকা মন্দনাৰ সৈতে তুলনা কৰিছে আৰু লিখিছে যে কিলিৰ নৃত্য ৰশ্মিকাৰ নৃত্যতকৈ ভাল হৈছে। এইটো আপুনিৰ ওপৰতেই নিৰ্ভৰ কৰিব যে আপুনি কাৰ নৃত্য অধিক ভাল পায়, কিন্তু এয়া নিশ্চিত যে ৰশ্মিকা আৰু আল্লু অৰ্জুনৰ গানটো বিদেশতো আকোৱালি লৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
