বৃহস্পতিবাৰে পুনৰ এবাৰ অসম আৰক্ষীৰ বৰ্বৰতাৰ সাক্ষী হৈ ৰ’ল গুৱাহাটী মহানগৰী৷ মহানগৰীৰ মাজমিয়াৰ ৰাজীৱ ভৱনৰ সন্মুখতে অসম আৰক্ষীয়ে চলালে তাণ্ডৱ৷
ঘটনাৰ বিৱৰণী অনুসৰি আৰক্ষীয়ে নগাঁৱৰ ছাত্ৰ নেতা কীৰ্তিকমল বৰাক গুলীয়াই আহত কৰাৰ বিৰুদ্ধে মহানগাৰীৰ ৰাজীৱ ভৱনৰ সন্মুখত প্ৰতিবাদ সাৱ্যস্ত কৰিছিল যুৱ কংগ্ৰেছে৷
যৱ কংগ্ৰেছৰ বিষয়ববীয়াসকলে অংশ লোৱা এই প্ৰতিবাদৰ নেতৃত্ব লৈছিল যুৱ কংগ্ৰেছৰ সভানেত্ৰী অংকিতা দত্তই৷
প্ৰতিবাদকাৰীক দমনৰ বাবে আৰক্ষী, অৰ্ধ সামৰিক বাহিনীয়ে গঢ়ি তোলে নিৰাপত্তা বেষ্টনীৰ৷ প্ৰতিবাদী কাৰ্যসূচী চলি থকাৰ সময়তে হঠাকে হঠাতে পৰিস্থিতি উত্তপ্ত হৈ পৰে আৰু যুৱ কংগ্ৰেছৰ প্ৰতিবাদকাৰীসকলৰ ওপৰত আৰক্ষী আৰু অৰ্ধ সামৰিক বাহিনীয়ে জঁপিয়াই পৰে৷
আনকি যুৱ কংগ্ৰেছৰ সভানেত্ৰী অংকিতা দত্তৰ ওপৰতো আৰক্ষী আৰু নিৰাপত্তাৰক্ষীৰ জোৱানে জঁপিয়াই পৰা দেখা গ’ল৷ আৰক্ষী আৰু নিৰাপত্তাৰক্ষীয়ে যুৱনেত্ৰীগৰাকীক টানি চোঁচৰাই গাড়ীত উঠাই বশিষ্ঠ আৰক্ষী থানালৈ লৈ যায়৷
এক শান্তিপূৰ্ণ প্ৰতিবাদৰ ওপৰত অসম আৰক্ষীয়ে জঁপিয়াই পৰাৰ পিছতে ৰাজ্যৰ লগতে দেশৰ গণতন্ত্ৰকলৈ প্ৰশ্ন উত্থাপন হৈছে৷ এখন গণতান্ত্ৰিক দেশত কিয় শান্তিপূৰ্ণ প্ৰতিবাদক নিষিদ্ধ কৰি তোলা হৈছে নেকি এই প্ৰশ্নটোও পুনৰ উত্থাপন হৈছএ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
