প্ৰধান শিক্ষকৰ ধৰ্ষণৰ বলি হৈ এখন বিদ্যালয়ৰ এগৰাকী চতুৰ্থ শ্ৰেণীৰ কৰ্মচাৰীয়ে আত্মহনন পথ বাছি লৈছে৷
এই ঘটনাটো সংঘটিত হৈছে দক্ষিণ শালমাৰা মানকাচাৰ জিলাৰ সুখচৰ থানাৰ অন্তৰ্গত খোপাতীয়া গঁৱত৷
ঘটনাৰ বিৱৰণীৰ মতে ব্যক্তিগত খণ্ডৰ ব্ৰাইড একাডেমীৰ প্ৰধান শিক্ষক মইদুল ইছলামে দীৰ্ঘ দিনৰ পৰা চতুৰ্থ বৰ্গৰ কৰ্মচাৰী জাহানাৰা খাতুনক অশ্লীল আৰু যৌন সম্পৰ্ক গঢ়াৰ প্ৰস্তাৱ দি আহিলেও কৰ্মচাৰী গৰাকীয়ে সেই প্ৰস্তাৱত সন্মত হোৱা নাছিল৷ প্ৰধান শিক্ষক মইদুলে কৰ্মচাৰীগৰাকীক একেলেঠাৰীয়ে মানসিক অত্যাচাৰ কৰি আহিছিল৷
লগতে পঢ়ক লক্ষ্য সোণ! পেৰিছ অলিম্পিকৰ লাভলীনা-হিমাৰ দায়িত্ব ল’লে অসম চৰকাৰে
অৱশেষত যোৱা মংগলবাৰে নিশা প্ৰধান শিক্ষক মইদুলে মহিলাগৰাকীৰ ঘৰত বলুপূৰ্বকভাৱে প্ৰৱেশ কৰি ধৰ্ষণ কৰে৷ ধৰ্ষণ কৰি থকা অৱস্থাতে পৰিয়ালৰ লগতে স্থানীয় লোকে ধৰা পেলাই মইদুলক ঘৰৰ ভিতৰতে বান্ধি ৰাখে৷
কিন্তু শিক্ষক মইদুলৰ পৰিয়ালে এই খবৰ লাভ কৰাৰ পিছতে হাতে হাতে লাঠি, কুঠাৰ, দা আদি চোকা অস্ত্ৰ লৈ অহা ভেৰোণীয়া গুণ্ডাই কৰ্মচাৰীগৰাকীৰ ঘৰত প্ৰৱেশ কৰি পুৱতি নিশা প্ৰায় ৩ বাজত মইদুলক মুকলি কৰি লৈ যায়৷
লগতে পঢ়ক OYO হোটেলৰ দলৱদ্ধ ধৰ্ষণ কাণ্ডৰ মূল অভিযুক্তক গুলীয়াই হত্যা মহানগৰ আৰক্ষীৰ
ইয়াৰ পিছতে চতুৰ্থ বৰ্গৰ কৰ্মচাৰী জাহানাৰা বেগমে ডিঙিত চিপ লৈ আত্মহত্যা কৰে৷ ইতিমধ্যে আৰক্ষীয়ে জাহানাৰা বেগমৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধুবুৰী অসামৰিক চিকিৎলায়লৈ প্ৰেৰণ কৰিছে৷
ইফালে জাহানাৰা বেগমৰ পৰিয়ালে অভিযুক্ত শিক্ষক মইদুল ইছলামৰ বিৰুদ্ধে সুখচৰ আৰক্ষী থানাত ঘটনাৰ সন্দৰ্ভত এজাহাৰ দাখিল কৰি দোষীক উচিত শাস্তি প্ৰদানৰ দাবী জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
