দেশৰ উচ্চতম ন্যায়ালয়ে উত্তৰ প্ৰদেশৰ লখিমপুৰ জিলাৰ খেৰীত কৃষকক গাড়ীৰে মহটিয়াই হত্যা কৰা হত্যাকাণ্ডৰ মূল অভিযুক্ত কেন্দ্ৰীয় গৃহ ৰাজ্য মন্ত্ৰী অজয় মিশ্ৰৰ পুত্ৰ আশীষ মিশ্ৰৰ জামিন খাৰিজ কৰিছে৷
সোমবাৰে গোচৰটোৰ শুনানি গ্ৰহণ কৰি দেশৰ সৰ্বোচ্চ ন্যায়ালয়ে আশীষ মিশ্ৰৰ জামিন খাৰিজ কৰাই নহয় এটা সপ্তাহৰ ভিতৰতে আত্মসমৰ্পণ কৰিবলৈকো নিৰ্দেশ দিছে৷
মুখ্য ন্যায়াধীশ এন ভি ৰামানা, ন্যায়াধীশ সূৰ্যকান্ত আৰু ন্যায়াধীশ হিমা কোহলীৰ তিনিজনীয়া বিচাৰপীঠে সোমবাৰে গোচৰটোৰ শুনানি গ্ৰহণ কৰি কয় যে ভুক্তভোগী কৃষকৰ কথা কৰ্ণপাত নকৰি আৰু চকুপানীক উপেক্ষা কৰি উচ্চ ন্যায়ালয়ে অভিযুক্তক জামিন প্ৰদান কৰাতো উচিত হোৱা নাই৷
লগতে পঢ়ক ব্ৰিটিছৰ সোণৰ কণি পৰা হাঁহ কেজিএফৰ অকথিত কাহিনীৰ কিয়দংশ!
উল্লেখ্য যে চাৰি মাহ ন্যায়িক জিম্মাত থকাৰ পিছত যোৱা ১০ ফেব্ৰুৱাৰিত এলাহাবাদ উচ্চ ন্যায়ালয়ৰ এজনীয়া বিচাৰপীঠে মূল অভিযুক্ত আশীষ মিশ্ৰক জামিন প্ৰদান কৰিছিল৷ ইয়াৰ পিছতে মূল অভিযুক্ত আশীষ মিশ্ৰ মুকলি আকাশৰ তললৈ আহে৷
ইফালে জামিন প্ৰদানৰ ক্ষেত্ৰত এলাহাবাদ উচ্চ ন্যায়ালয়ে অভিযুক্তৰ জামিন আবেদনত একপক্ষীভাৱে গুৰুত্ব প্ৰদান কৰা বুলিও মন্তব্য কৰিছে৷ এলাহবাদ উচ্চ ন্যায়ালয়ে মূল অভিযুক্ত তথা কেন্দ্ৰীয় গৃহ ৰাজ্য মন্ত্ৰী অজয় মিশ্ৰ পুত্ৰই জামিন প্ৰদান কৰাৰ পিছতে কৃষক সংগঠনসমূহে আপত্তি দৰ্শাইছিল৷ মন্ত্ৰী পুত্ৰ হোৱাৰ বাবেই অজয় মিশ্ৰই ৰাজনৈতিক প্ৰভাৱৰ ফলত জামিন লাভ কৰা বুলিও চৰ্চা লাভ কৰিছিল৷
লগতে পঢ়ক হিন্দু যুৱতীক পলুৱাই নিয়া মুছলমান যুৱকৰ ঘৰত গণ আক্ৰমণ, আৰক্ষীৰ গোচৰ ৰুজু
সেয়ে মন্ত্ৰী পুত্ৰ আশীষ মিশ্ৰৰ জামিন খাৰিজ কৰাৰ আবেদনে দেশৰ সৰ্বোচ্চ ন্যায়ালয়ত পাইছিল৷ সোমবাৰে উচ্চতম ন্যায়ালয়ে আশীষ মিশ্ৰৰ জামিন খাৰিজ কৰাৰ পিছতে তেওঁ পুনৰ কাৰাৰুদ্ধ হোৱাতো প্ৰায় নিশ্চিত হৈ পৰিল৷
উল্লেখ্য যে বিগত বৰ্ষৰ ৩ অক্টোবৰত উত্তৰ প্ৰদেশৰ লখিমপুৰৰ খেৰীত কেন্দ্ৰীয় গৃহ ৰাজ্য মন্ত্ৰী অজয় মিশ্ৰৰ পুত্ৰ আশীষ মিশ্ৰই প্ৰতিবাদকী কৃষকৰ ওপৰেদি গাড়ী চলাই নিয়াৰ ফলত কৃষকসহ ৮ গৰাকী লোকৰ মৃত্যু হৈছিল৷
ঘটনাৰ পিছতে দেশজুৰি ব্যাপক প্ৰতিবাদৰ জোৱাৰ উঠে আৰু উত্তৰ প্ৰদেশ আৰক্ষীয়ে আশীষ মিশ্ৰ আৰু তেওঁৰ সহযোগীৰ বিৰুদ্ধে গোচৰ ৰুজু কৰি গ্ৰেপ্তাৰ কৰি জে’ললৈ প্ৰেৰণ কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
