জিঅ’ পলিটিক্ছ বা ভূ-ৰাজনীতিত ভাৰত যে কিমান চতুৰ তাক দেখি আকৌ এবাৰ তবধ মানিলে বিশ্ববাসীয়ে।
ভাৰতৰ স্থিতি বৰ্তমান-সাপো নমৰাক লাঠীও নাভাঙক ধৰণৰ।
যিটো সময়ত আমেৰিকা-বৃটেইন-ফ্ৰান্স আদিয়ে কৰিবলৈ সাহস কৰা নাই সেই সময়ত সকলোকে আচৰিত কৰি তেনে কাম এটাই কৰি দেখুৱালে ভাৰতে।
২৪ ফেব্ৰুৱাৰীতে আৰম্ভ হোৱা এখন অন্ত নপৰা যুদ্ধ। ৰাছিয়া-ইউক্ৰেইনৰ সেই তয়াময়া যুদ্ধ। যি যুদ্ধৰ আৰম্ভ হ’ল ঠিকেই কিন্ত্ত সেই যুদ্ধৰ শেষ হোৱাৰ নাম নোলোৱা হ’ল৷ ক্ৰমান্বয়ে শক্তি ক্ষয় হৈছে।
সৈনিক ভাগৰুৱা হৈ লেবেজান হৈ পৰিছে।
সকলোফালে প্ৰতিবন্ধকতা…নাই আমদানি নাই ৰপ্তানি লগতে আৰম্ভ হৈছে খাদ্যৰো নাটনি।
কিন্তু নাই৷ ইমানবোৰ সমস্যাৰ মাজটো যুদ্ধ শেষ কৰাৰ নাম লোৱা নাই ৰাছিয়াই৷
ভাগৰুৱা-লেবেজান হৈ পৰিলেও যুদ্ধ অব্যাহত ৰাখিছে ৰাছিয়াই ৷ ফলত ইউক্ৰেইনৰ ইটো অঞ্চল ত্যাগ কৰি আকৌ অন্য এটা নতুন অঞ্চলক আক্ৰমণ কৰি গৈছে ৰাছিয়ান সেনাই।
অন্ত নোহোৱা এই যুদ্ধৰ ফলাফল কি হ’ব কোনেও নাজানে? জেলেনস্কীয়ে কয়- জয় আমাৰেই হ’ব, সেয়া নিশ্চিত।ইফালে বিজয়যাত্ৰা অব্যাহত ৰাখিলেও সকলোফালে যুদ্ধ জিকিও কৰ’বাত নহয় কৰ’বাত বাৰে বাৰে হাৰিছে পুটিন।
যুদ্ধত সহোদৰক হত্যা কৰাৰ বিজয় হাঁহিৰ আঁৰত অন্তৰত ক’ৰবাত নহয় ক’ৰবাত পুটিনৰ আত্মগ্লান।
কিন্তু তথাপিও যুদ্ধ অন্ত নহয়!
যুদ্ধ চলিয়েই আছে, নিৰীহ মানুহবোৰ মৰিয়েই আছে।
ইফালে ৰাছিয়া-ইউক্ৰেইনৰ এই যুদ্ধত সকলোতকৈ বেছি বিপাঙত পৰিছে ভাৰত৷
কাৰণ ভাৰতে পশ্চিমীয়া দেশক এৰিব পাৰে?
নে ভাৰতে চিৰবন্ধু ৰাছিয়াক এৰিব পাৰে।
সেয়েহে ৰাছিয়া-ইউক্ৰেইনৰ যুদ্ধত
প্ৰতিবাৰে অগ্নিপৰীক্ষাত বহিব লগা হৈছে ভাৰত । ফলত পশ্চিমীয়া দেশৰ হাজাৰটা কঠোৰ সকীয়নিকো আওকাণ কৰিও বিশ্ববাসীয়ে দুৱাৰ বন্ধ কৰা ৰাছিয়াৰ সৈতে ভাৰতে ৰাখিছে আমদানি-ৰপ্তানিৰ সম্পৰ্ক৷
উদাহৰণ হিচাপে যুদ্ধৰ সময়ছোৱাতে বিশ্ব সম্প্ৰদায়ৰ প্ৰতিবন্ধকতাক আওকাণ কৰি ভাৰতে পূৰ্বৰ এক শতাংশৰ বিপৰীতে
ৰাছিয়াৰ সৈতে ১৭ শতাংশলৈ বৃদ্ধি কৰিলে খাৰুৱা তেলৰ আমদানি৷
ফলত ৰাছিয়া-ভাৰতৰ আমদানি তথা ৰপ্তানিকৃত সামগ্ৰীৰ সামগ্ৰিক সম্পৰ্ক পূৰ্বতকৈ ৩ শতাংশ বৃদ্ধি পালে। ইফালে যুদ্ধবিধ্বস্ত ইউক্ৰেইনৰ ৰাষ্ট্ৰপতি ভ’লোডিমিৰ জেলেনস্কীৰ লগতে পশ্চিমীয়া দেশসমূহেও বাৰে বাৰে ভাৰতক অনুৰোধৰ লগতে সকীয়নি দিয়ে থাকিল ৰাছিয়াক ত্যাগ কৰি ভাৰতক বিশ্বৰ সৈতে মিলিবৰ বাবে।
কিন্তু ভাৰত নাচোৰবান্দা।বিশ্বই অকলশৰীয়া কৰিলেও ভাৰতে অকলশৰীয়া নকৰে বন্ধুৰাষ্ট্ৰ ৰাছিয়াক৷ কিন্তু ভাৰতে ৰাছিয়াৰ লগত থকা মানেই এইটো নহয়, যে ভাৰতে ৰাছিয়াক যুদ্ধত সহায় কৰিছে বা যোদ্ধাতুৰ ৰাছিয়াক ভাৰতে সমৰ্থন আগবঢ়াইছে।
এজন বন্ধুৱে অন্য এজন বন্ধুক অকলশৰীয়া সময়ত যি সংগ দিব লাগে সেই সংগ ভাৰতে দিছে এই সময়ত ৰাছিয়াক৷ অকলশৰীয়া ৰাছিয়াক সংগ দিয়া মানেই ভাৰতে ৰাছিয়াক যুদ্ধত সমৰ্থন আগবঢ়োৱাটো নুবুজাই ৷ কিয়নো ভাৰতে প্ৰথম অৱস্থাৰ পৰাই কৈ আহিছে যুদ্ধ কেতিয়াও সমাধানৰ পথ হ’ব নোৱাৰে বা বাৰে বাৰে কৰি আহিছিল ভাৰত শান্তিপূৰ্ণ আলোচনাৰ হে পক্ষপাতি।
সেয়েহে যুদ্ধ কামনা নকৰা ভাৰতে নিজৰ মন্তব্যক সঁচা প্ৰমাণ কৰি যুদ্ধ জৰ্জৰ ইউক্ৰেইনৰ ৰাজধানী চহৰ কীভত বিশ্বৰ প্ৰথম ৰাষ্ট্ৰ হিচাপে ১৭ মে’ত পুনৰ মুকলি কৰিব ভাৰতীয় দূতাবাস।
ভাৰতৰ এই সিদ্ধান্তত জেলেনস্কী আৱেগিক হৈ পৰাৰ লগতে ভাৰতৰ সাহসিকতাক বাঃ বাঃ জনালে ভাৰতক কটু সমালোচনা কৰি থকা পশ্চিমীয়া ৰাষ্ট্ৰই।
বিগত প্ৰায় দুটা সপ্তাহৰ পৰা জেলেনস্কীয়ে বিশ্ববাসীক বাৰে বাৰে অনুৰোধ কৰি আহিছিল বিশ্বৰ প্ৰতিখন ৰাষ্ট্ৰৰ দূতাবাসসমূহ মুকলি কৰিবৰ বাবে ৷ কিয়নো দূতাবাসসমূহ মুকলি কৰাৰ লগে লগে ইউক্ৰেইনত থকা ৰাছিয়ান যোদ্ধাতুৰ সৈনিকসমূহ স্বয়ংক্ৰিয়ভাৱে শান্ত হৈ পৰিব৷
দূতাবাসৰ এনে মুকলিয়ে যুদ্ধ যুঁজাৰ পৰিসৰ আপোনা-আপুনি হ্ৰাস কৰিবলৈ বাধ্য হ’ব ৰাছিয়াই৷ আৰু জেলেনস্কীৰ এনে আহ্বানত কোনো ৰাষ্ট্ৰই যুদ্ধজৰ্জৰ ইউক্ৰেইনত দূতাবাস মুকলিৰ সাহস নকৰাত ভাৰতে আগবাঢ়ি গ’ল পুনৰ ইউক্ৰেইনত দূতাবাস মুকলিৰ বাবে।
ভাৰত চৰকাৰৰ এনে সিদ্ধান্তক এই সময়ত জেলেনস্কীৰ মনত পুনৰ নায়ক হৈ পৰিছে ভাৰত। ইফালে আন এক তথ্য অনুসৰি ভাৰতৰ এই সাহসিকতাৰ পিছতেই অতি তৎকালীনভাৱে আমেৰিকা যুক্তৰাষ্ট্ৰয়ো সেই দেশত দূতাবাস মুকলিৰ পূৰ্ণ সম্ভাৱনাৰ তথ্য লাভ কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
