বহুবিবাহ কৰা এগৰাকী মডেলে নিজৰ ৯ গৰাকী পত্নীলৈ আগবঢ়াইছে এক আকৰ্ষণীয় প্ৰস্তাৱ৷ মডেলগৰাকীয়ে নিজৰ নগৰাকী পত্নীক কৈছে যে যিগৰাকীয়ে তেওঁৰ সৈতে প্ৰথমে যৌন সম্পৰ্ক স্থাপন কৰিবলৈ আহিব সেইগৰাকী পত্নীয়েই তেওঁৰ সন্তানৰ মাতৃ হ’ব৷ জেম প্ৰেছ নামৰ সংবাদ সংস্থাটোত দিয়া সাক্ষাৎকাৰত এইদৰে কয় মডেলগৰাকীয়ে৷
মডেলগৰাকী হৈছে ব্ৰাজিলৰ অথ’ৰ অ’ উৰ্ছু৷ অথ’ৰ পেছাত এগৰাকী মডেল হোৱাৰ লগতে এগৰাকী বহুগামী৷ তেওঁ প্ৰথমে লৌনা কাজাকীক বিবাহ কৰায়৷ ইয়াৰ পিছতে তেওঁ প্ৰথমা পত্নীৰ উপস্থিতিতে চাও পাওলোৰ এটা গীৰ্জাত অন্য ৯ গৰাকী পত্নীক বিবাহ কৰাই দহগৰাকী পত্নীৰ স্বামী হৈছিল৷ কিন্তু কিছুদিনৰ পূৰ্বে এগৰাকী পত্নীয়ে তেওঁৰ সৈতে বিবাহ বিচ্ছেদ কৰিছে৷
বৰ্তমান ৯ গৰাকী পত্নীৰ স্বামী অথ’ৰে কয় যে আৰু যৌন সম্পৰ্কৰ বিচিত্ৰ অভিজ্ঞতা লাভৰ বাবে তেওঁ আৰু দুগৰাকী পত্নী বিবাহ কৰাব৷ আৰু ইয়াৰ পিছতে তেওঁ মুঠ ১১ গৰাকী পত্নীৰ মাত্ৰ এটা সন্তানৰ পিতৃ হ’ব৷
লগতে পঢ়ক বৈবাহিক ধৰ্ষণ : দিল্লী উচ্চ ন্যায়ালয়ৰ ৰায়ৰ বিৰুদ্ধে উচ্চতম ন্যায়ালয়ত আবেদন দাখিল
সেয়ে অথ’ৰ অ’ উৰ্ছুৱে ঘোষণা কৰিছে যে তেওঁ সন্তানৰ পিতৃ হোৱাৰ ঘোষণা কৰাৰ পিছতে যিগৰাকী পত্নীয়ে তেওঁৰ সৈতে যৌন সম্পৰ্ক কৰিবলৈ প্ৰথমে আগবাঢ়ি আহিব সেইগৰাকীয়েহে কেৱল তেওঁৰ সন্তানৰ মাতৃ হ’ব পাৰিব৷
ইফালে অথ’ৰে আৰু কয় যে তেওঁৰ এজনী পত্নীয়ে তেওঁৰ সন্তানৰ মাতৃ হ’লেও আটাইকেইগৰাকী পত্নীয়ে মাতৃত্বৰ অনুভৱ কৰিব পাৰিব৷ আটাইকেইগৰাকী পত্নীয়ে তেওঁৰ সন্তানক সমানে মৰম আৰু আপডাল কৰিব৷ কাৰণ তেওঁৰ আটাইকেইগৰাকী পত্নীয়েই তেওঁক সমান মৰম আৰু আদৰ কৰে যেনেকৈ তেওঁ কৰে৷
বহুবিবাহী অথ’ৰে প্ৰকাশ কৰিছে যে ইতিমধ্যে তেওঁ নগৰাকী পত্নীক যৌন সম্পৰ্ক স্থাপনৰ এক নিৰ্দিষ্ট সময়ৰ তালিকা প্ৰস্তুত কৰি লৈছে আৰু সেই অনুসৰি পত্নীসকলৰ সৈতে তেওঁ সহবাস কৰি আহিছে৷ কিন্তু সন্তান জন্মৰ ক্ষেত্ৰত তেওঁ এই নীতিক শীথিল কৰিব৷
লগতে পঢ়ক যৌন সম্পৰ্কৰ সন্তুষ্টি বয়সৰ ওপৰত নিৰ্ভৰ কৰে নেকি? গৱেষণাই কি কয়?
তেওঁ লগতে কয় যে প্ৰথমে নগৰাকী পত্নীৰে পৰিস্থিতি চম্ভালিবলৈ তেওঁ সংগ্ৰাম কৰিবলগীয়া হৈছিল যদিও এতিয়া সকলোবোৰ চিজিল লাগিছে৷
‘‘মোৰ কোনো প্ৰিয় পত্নী নাই, আমি সকলোবোৰ স্বাভাৱিকভাৱে হ’বলৈ দিছো।’’ পৰিস্থিতিটো চম্ভালি লোৱাৰ পিছত অথ’ৰে এইদৰে কয়৷ তেওঁৰ মতে আটাইকেইগৰাকী পত্নীয়ে সমানে প্ৰিয় হোৱাৰ বাবে সন্তান জন্মৰ ক্ষেত্ৰত তেওঁ এই পদ্ধতিক গ্ৰহণ কৰিছে৷
‘‘মই বিশ্বাস কৰোঁ যে প্ৰথম সন্তানটো অহাৰ পিছত আৰু বাকীসকলে গোটেই পৰিস্থিতিটো দেখাৰ পিছত তেওঁলোকে নিশ্চিতভাৱে একে অনুভৱ আৰু অভিজ্ঞতা লাভ কৰিব বিচাৰিব।’’ অথ’ৰে কয়৷
উল্লেখ্য যে ব্ৰাজিলত বহুবিবাহ অবৈধ৷ সেয়ে তেওঁৰ এই বিবাহ আইনগতভাৱে বৈধ নহয়। ইফালে অগতানুগতিক জীৱনশৈলীৰ বাবে চৰ্চিত অথ’ৰ অ’ উৰ্ছুৰ ইনষ্টাগ্ৰামত ১ লাখৰো অধিক অনুৰাগী আছে৷ তেওঁ ইনষ্টাগ্ৰামত নিজৰ পত্নীসকলৰ সৈতে কটোৱা শুভ মুহূৰ্তৰ ফ’টোসমূহ প্ৰায়ে শ্বেয়াৰ কৰি আহিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
