প্ৰশান্ত মহাসাগৰীয় অঞ্চলৰ ১০ খন দ্বীপ ৰাষ্ট্ৰক একত্ৰিত কৰাৰ বাবে চীনৰ প্ৰচেষ্টা প্ৰায় ব্যৰ্থ হৈছে। শেহতীয়াকৈ ছোলেমন দ্বীপপুঞ্জৰ সৈতে নিৰাপত্তা চুক্তি স্বাক্ষৰ কৰি আমেৰিকা, জাপান, অষ্ট্ৰেলিয়াৰ দৰে দেশৰ প্ৰত্যাহ্বান বৃদ্ধি কৰা চীনে ১০ খন দেশৰ সৈতে চুক্তি স্বাক্ষৰ কৰাৰ সম্ভাৱনা আছিল।
চীনৰ বৈদেশিক মন্ত্ৰী ৱাং য়িয়ে এই আশাৰে এই বৈঠকৰ বাবে ফিজিত উপস্থিত হৈছিল যদিও কোনো চুক্তিত উপনীত হ’ব নোৱাৰিলে। অষ্ট্ৰেলিয়াৰ সংবাদ মাধ্যমৰ গোট এবিচি নিউজে নিজৰ প্ৰতিবেদনত কয় যে, ‘চীনে প্ৰশান্ত মহাসাগৰ অঞ্চলৰ ১০খন দ্বীপ ৰাষ্ট্ৰৰ সৈতে চুক্তিবদ্ধ হোৱাৰ পৰিকল্পনা কৰিছিল, যিটোত ব্যৰ্থ হৈছে।’
প্ৰতিবেদন অনুসৰি, বহু দ্বীপ ৰাষ্ট্ৰই চুক্তিখনৰ কিছুমান উপাদানৰ ওপৰত আপত্তি দাঙি দৰ্শাই। দৰাচলতে চীনে দক্ষিণ প্ৰশান্ত মহাসাগৰীয় অঞ্চলত নিজৰ কূটনৈতিক হস্তক্ষেপ বৃদ্ধি কৰাৰ চেষ্টা কৰি আহিছে। ইফালে অষ্ট্ৰেলিয়া আৰু আমেৰিকাই ইয়াৰ সৈতে মিলি নিজৰ আধিপত্য বজাই ৰাখিবলৈ চেষ্টা কৰি আহিছে।
লগতে পঢ়ক UPSCৰ পৰীক্ষাৰ ফলাফল ঘোষণা, প্ৰথম তিনি স্থান দখল মহিলাৰ
চীনৰ হস্তক্ষেপক লৈ উদ্বেগ প্ৰকাশ কৰা হৈছে যদিও চীনে এই দাবীক খাৰিজ কৰি কয় যে কোনো তৃতীয় দেশক লক্ষ্য কৰি লোৱা নাই। সোমবাৰে চীনৰ বৈদেশিক মন্ত্ৰী ৱাং য়িয়ে তেওঁৰ লিখিত বিবৃতিত কয় যে ছি জিনপিঙে আপোনালোক সকলোকে সদায় ভাল বন্ধু হিচাপে গণ্য কৰি আহিছে।
তেওঁ লগতে কয় যে ‘আমাৰ বাবে প্ৰশান্ত মহাসাগৰৰ দেশবোৰ ভাতৃ আৰু অংশীদাৰৰ দৰে। আন্তঃৰাষ্ট্ৰীয় পৰ্যায়ত কথাবোৰ কেনেকৈ সলনি হয় তাক লৈ আমি চিন্তা নকৰো।’ চীন চৰকাৰে জাৰি কৰা এক বিবৃতিত জিনপিঙৰ উদ্ধৃতিৰে কোৱা হৈছে যে, ‘আন্তঃৰাষ্ট্ৰীয় পৰিৱেশ কেনেদৰে সলনি হয়, সেয়া কোনো কথা নহয়। চীন সদায় আপোনালোকৰ ভাল বন্ধু হৈ থাকিব আৰু একে আদৰ্শ মানি চলিব।’
চীনে লগতে কয় যে ‘আমি সকলো দেশৰ সমতাৰ বাবে সদায় দায়বদ্ধ হৈ থাকিম। ইয়াৰ বাবে সেই দেশ কিমান ডাঙৰ সেয়া গুৰুত্বপূৰ্ণ নহয়। দ্বীপ দেশসমূহৰ সৈতে শক্তিশালী বন্ধুত্বপূৰ্ণ সম্পৰ্ক বজাই ৰখাটোৱেই আমাৰ লক্ষ্য।’
লগতে পঢ়ক মাত্ৰ ২৮ বছৰতে হত্যাৰ বলি সিদ্ধু মুছৱালা : কিয় বিখ্যাত আছিল সিদ্ধু?
বৈঠকৰ অন্তত চীনৰ বৈদেশিক মন্ত্ৰী ৱাং য়িয়ে কয় যে সকলো দেশে ৫ টা বিষয়ত সহযোগিতা সম্পৰ্কে আলোচনা কৰিছে। অৱশ্যে কিছুমান বিষয় এতিয়াও আলোচনাৰ প্ৰয়োজন আছে বুলিও দোহাৰিছে।
ৰয়টাৰ্ছৰ মতে, আলোচনা কৰা ৫ টা বিষয়ৰ ভিতৰত আছে কৰ’নাৰ পিছত অৰ্থনৈতিক উত্থান, কৃষি আৰু দুৰ্যোগৰ ওপৰত নতুন কেন্দ্ৰ ইত্যাদি। অৱশ্যে ইয়াৰ লগত জড়িত নাছিল কোনো নিৰাপত্তাজনিত সমস্যা। এই বৈঠকত সামুৱা, টংগা, কিৰিবাটি, পাপুৱা নিউগিনি, ভানুৱাটু, ছোলেমন দ্বীপপুঞ্জ আদিৰ নেতাসকল উপস্থিত আছিল।
তাৎপৰ্যপূৰ্ণভাৱে আজিকালি ৭ খন দ্বীপ দেশ ভ্ৰমণত ৱাং য়িয়ে এই দেশসমূহৰ সৈতে চুক্তি স্বাক্ষৰ কৰিব নোৱাৰাটো চীনৰ বাবে এক ডাঙৰ আঘাত বুলিয়ে বিবেচিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
