বলিউদৰ ভাইজান তথা ছলমান খানক মৃত্যুৰ ভাবুকি দিয়া এখন পত্ৰ উদ্ধাৰ হোৱাৰ পিছতে মুম্বাইৰ লগতে সমগ্ৰ দেশতে চাঞ্চল্যৰ সৃষ্টি হৈছে৷
ছলমান খান আৰু তেওঁৰ পিতৃ ছেলিম খানক মৃত্যুৰ ভাবুকি দিয়া পত্ৰখন ছেলিম খানে পুৱা জ’গিং কৰি দৈনিক বহা এখন বেঞ্চত লাভ কৰিছিল৷
পত্ৰখনত ছলমান খান আৰু ছেলিম খানৰ দশাও সিদ্ধু মুছৱেলাৰ দৰেই হ’ব বুলি কোৱা হৈছে৷ জি বি আৰু এল বি নামৰ দুই ব্যক্তিৰ নাম উল্লেখ থকা পত্ৰখনত হিন্দীত লিখা ‘ছেলিম খান আৰু ছলমান খান, অতি সোনকালে তোমালোকৰো মুছৱালাৰ দশাই হ’ব৷’
লগতে পঢ়ক শ্বেয়াৰ বজাৰত মাল্টিবেগাৰ ষ্টকৰ যাদু : এবছৰত ১০ হাজাৰ টকাত লাভ ৫.৩০ লাখ!
উল্লেখ্য যে যোৱা মাহত পাঞ্জাৱী গায়ক তথা কংগ্ৰেছ নেতা সিদ্ধু মুছেৱালাক দিন দুপৰতে ৰাজপথত বন্দুকধাৰীয়ে গুলীয়াই হত্যা কৰিছিল৷ এই হত্যাকাণ্ডত তিহাৰ জে’লত কাৰাৰুদ্ধ গেংষ্টাৰ লৰেঞ্চ বিষ্ণই জড়িত থকা বুলি চৰ্চা চলি থকাৰ সময়তে কানাডাস্থিত গেংষ্টাৰ গোল্ডী ব্ৰাৰে এই হত্যাকাণ্ডৰ দায়িত্ব স্বীকাৰ কৰে৷
এই পত্ৰখন লাভ কৰাৰ লগে লগে মুম্বাই আৰক্ষীয়ে সতৰ্ক হোৱা পৰিলক্ষিত হৈছে৷ ইফালে পত্ৰখনত উল্লেখ থকা জি বি মানে গোল্ডী ব্ৰা আৰু এল বি মানে লৰেঞ্চ বিষ্ণই বুলিয়ে ধাৰণা কৰিছে আৰক্ষীয়ে৷
এই সন্দেহৰ ভিত্তিতে আৰক্ষীয়ে কাৰাৰুদ্ধ লৰেঞ্চ বিষ্ণইক ভাবুকি ভৰা পত্ৰখনৰ সন্দৰ্ভত সোধ পোচো আৰম্ভ কৰিছে বুলিও প্ৰকাশ কৰিছে৷ কিন্তু চিঠিখনৰ আঁৰত বিষ্ণই আছে নে কোনোবাই তেওঁৰ নাম ব্যৱহাৰ কৰি দুষ্টামি কৰিছে সেয়া জানিব পৰা হোৱা নাই।
লগতে পঢ়ক বিজেপিৰ নেতাৰ অদ্ভূত মন্তব্য, ‘গাঁৱৰ শৌচালয়লৈ যোৱাৰ সময়তহে ধৰ্ষণ হয়!’
ইফালে এই সংক্ৰান্তত মুম্বাইৰ আৰক্ষী আয়ুক্ত সঞ্জয় পাণ্ডেয়ে কয় যে ‘‘আমি এই ভাবুকিক গুৰুত্বসহকাৰে লৈ যাৱতীয় পদক্ষেপ গ্ৰহণ কৰিছো। অভিনেতাগৰাকীৰ নিৰাপত্তাৰ সন্দৰ্ভত আমি ৰাজহুৱা মন্তব্য দিব নোৱাৰো।’’
ইফালে, ভাবুকি পত্ৰখন উদ্ধাৰ কৰাৰ পিছতে অভিনেতা ছলমান খানৰ নিৰাপত্তা শক্তিশালী কৰা হৈছে। তেওঁৰ বাসগৃহৰ বাহিৰত থকা চিচিটিভি ফুটেজো তীক্ষ্ণভাৱে আৰক্ষীয়ে নিৰীক্ষণ কৰি আছে। পত্ৰখনৰ সন্দৰ্ভত আৰক্ষীয়ে নিবজাববীয়াকৈ এটা গোচৰ ৰুজু কৰি তদন্ত আৰম্ভ কৰিছে।
উল্লেখ্য যে ২০১১ চনত ‘ৰেডি’ চিনেমাখনৰ শ্বুটিঙৰ সময়ত লৰেন্স বিষ্ণইয়ে ছলমান খানৰ ওপৰত আক্ৰমণৰ পৰিকল্পনা কৰিছিল যদিও সেই প্ৰচেষ্টা ব্যৰ্থ হৈছিল। ইয়াৰ পিছতে অভিনেতাজনক আক্ৰমণ কৰাৰ দায়িত্ব অন্য এক গেংষ্টাৰ নৰেশ শ্বেট্টীক দিয়া হৈছিল।
লগতে পঢ়ক চুলিৰ যতন : ঘৰুৱা উপায়েৰে কেনেকৈ চুলিৰ ৰং কৰিব?
ইপিনে আন এজন গেংষ্টাৰ সম্পত নৰেশেও অভিনেতাজনক টাৰ্গেট কৰাৰ লক্ষ্যৰে মুম্বাইৰ বশী অঞ্চলত কিছু সময় কটাইছিল। আনকি গেংষ্টাৰ দুজনে ছলমান খানৰ বাসগৃহত সশস্ত্ৰ আক্ৰমণৰ পৰিকল্পনা চলাইছিল যদিও সেয়াও সফল হোৱা নাছিল।
ইয়াৰ পিছতে দিল্লী আৰক্ষীয়ে ছলমান খানৰ হত্যাৰ ষড়যন্ত্ৰৰ গোচৰত বশিৰ পৰা লৰেঞ্চ বিষ্ণইসহ গেঙৰ আন তিনিজন শ্বুটাৰক গ্ৰেপ্তাৰ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ