ঔষধৰ দ্বাৰা কেঞ্চাৰ ৰোগ ভাল হয়৷ কৰ্কট ৰোগীৰ ওপৰত কৰা এক ট্ৰায়েলৰ প্ৰমাণ হৈছে যে ঔষধে কৰ্কট ৰোগ নিৰাময় কৰে৷
এদল চিকিৎসকে মলদ্বাৰৰ কৰ্কট ৰোগত আক্ৰান্ত লোকৰ ওপৰত কৰা পৰীক্ষামূলক চিকিৎসাৰ অন্তত তেওঁলোকৰ কৰ্কট ৰোগ নিৰাময় হোৱাৰ পিছতে এই তথ্য পোহৰলৈ আহিছে৷ আনকি ১৮ গৰাকী মলদ্বাৰ কৰ্কট ৰোগত আক্ৰান্ত লোক ঔষধ ব্যৱহাৰ কৰি ইয়াৰ পৰা নিৰাময় লাভ কৰাৰত স্তম্ভিত হৈও পৰিছে চিকিৎসকৰ দলটোৱে।
নিউয়ৰ্ক টাইমছৰ প্ৰতিবেদন অনুসৰি, এটা সৰু ক্লিনিকেল ট্ৰায়েলত ১৮ জন ৰোগীক ছমাহৰ বাবে ডষ্টাৰলিমব নামৰ ঔষধ দিয়া হৈছিল ইয়াৰ পিছতে লোককেইজনৰ সকলো টিউমাৰ ‘নিৰাময়’ হোৱা বুলি কোৱা হৈছে।
লগতে পঢ়ক হজৰত মহম্মদক অপমান! দেশৰ চাৰি ৰাজ্যত আত্মঘাতী আক্ৰমণ কৰিব আল-কায়দাই!
আচলতে ডষ্টাৰলিমব হৈছে লেবত উৎপাদিত অণু ঔষধ, যিয়ে মানুহৰ শৰীৰত বিকল্প এন্টিবডি হিচাপে কাম কৰে। মলদ্বাৰৰ কৰ্কট ৰোগত আক্ৰান্ত ১৮ জন ৰোগীৰ সকলোকে একেটা ঔষধ দিয়া হৈছিল, যাৰ ফলত চাঞ্চল্যকৰ ফলাফল পোৱা গৈছে৷ আৰু প্ৰতিজন ৰোগীৰ কৰ্কট ৰোগ সম্পূৰ্ণৰূপে নিৰ্মূল কৰা হৈছে বুলিও কোৱা হৈছে।
শাৰীৰিক পৰীক্ষা, এণ্ড’স্কপি, পজিট্ৰন ইমিছন ট’ম’গ্ৰাফী বা পিইটি স্কেন বা এমআৰআই স্কেনত কোনো লক্ষণ দেখা পোৱা নগ’ল। নিউয়ৰ্কৰ মেম’ৰিয়েল স্ল’ন কেটাৰিং কেন্সাৰ চেণ্টাৰৰ ডাঃ লুইজ এ ডায়েজ জেই কয় যে, ‘কেন্সাৰৰ ইতিহাসত এইটো প্ৰথমবাৰ ঘটিছে।’
নিউয়ৰ্ক টাইমছৰ মতে, ক্লিনিকেল ট্ৰায়েলত অংশগ্ৰহণ কৰা ৰোগীসকলে তেওঁলোকৰ পূৰ্বৰ চিকিৎসাত কৰ্কট ৰোগক ‘সম্পূৰ্ণ নিৰ্মূল’ৰ বাবে কেমোথেৰাপি, ৰেডিয়চন আৰু অস্ত্ৰোপচাৰৰ দৰে কঠিন ব্যৱস্থাৰ সন্মুখীন হৈছিল যাৰ ফলত আক্ৰান্ত ৰোগীসকল অন্ত্ৰ, প্ৰস্ৰাৱ আনকি যৌন ৰোগত আক্ৰান্ত হোৱাৰ সম্ভাৱনাও আছিল।
লগতে পঢ়ক তিনি ভাতৃলৈ তিনি ভগ্নীৰ বিবাহ, তাৰ পিছত তিনিও ভগ্নীৰ আত্মহনন! কিন্তু কিয়?
এই ১৮ জন ৰোগীয়ে পৰৱৰ্তী পৰ্যায়ত এই পৰীক্ষাসমূহৰ মাজেৰে পাৰ হোৱাৰ আশংকাত ক্লিনিকেল ট্ৰায়েললৈ গৈছিল আৰু ইয়াৰ পিছত তেওঁলোকক আৰু কোনো চিকিৎসাৰ প্ৰয়োজন নহ’ল বুলিও প্ৰকাশ কৰা হৈছে।
এই তথ্যই চিকিৎসা জগতত চাঞ্চল্যৰ সৃষ্টি কৰিছে। সংবাদ মাধ্যমৰ সৈতে হোৱা এক আলোচনাত ইউনিভাৰ্চিটি অৱ কেলিফৰ্ণিয়াৰ কলৰেক্টাল কেন্সাৰ বিশেষজ্ঞ ডাঃ এলেন পি ৱেনুকে কয় যে কৰ্কট ৰোগ সম্পূৰ্ণৰূপে নোহোৱা হোৱাৰ কথা আগতে কেতিয়াও শুনা হোৱা নাছিল। তেওঁ ইয়াক বিশ্বৰ ভিতৰতে এই ধৰণৰ প্ৰথম গৱেষণা বুলি অভিহিত কৰে।
মেম’ৰিয়েল স্ল’ন কেটাৰিং কেন্সাৰ চেণ্টাৰ তথা গৱেষণা পত্ৰখনৰ সহ-লেখক ডাঃ আন্দ্ৰেয়া চাৰ্চেকে এনে আৱেগিক মুহূৰ্তৰ বৰ্ণনা কৰি কয় যে, ‘এই ৰোগীসকলে নিজকে সম্পূৰ্ণ কেন্সাৰমুক্ত হোৱাৰ পিছত আনন্দৰ চকুলোৰে ভৰি পৰিছিল।’
লগতে পঢ়ক স্বাস্থ্যজনিত সমস্যা! EDৰ চমনক উপেক্ষা কৰিব নেকি ছোনিয়া গান্ধীয়ে?
তেওঁ লগতে আৰু কয় এই ট্ৰায়েলৰ সময়ত ৰোগীকেইজনে ছমাহ ধৰি প্ৰতি তিনি সপ্তাহৰ মূৰে মূৰে Dostarlimab ঔষধ গ্ৰহণ কৰিছিল। আটাইকেইজনৰে কৰ্কট ৰোগৰ একেটা পৰ্যায়তে আছিল৷ তেওঁলোক কৰ্কট ৰোগটো মলদ্বাৰত আছিল যদিও ই আন অংগলৈ বিয়পি পৰা নাছিল।
অৱশ্যে এই ট্ৰায়েলক সফল বুলিও কোৱা হ’লেও কৰ্কট ৰোগৰ গৱেষকসকলে সংবাদ মাধ্যমৰ আলোচনাত কয় যে এই চিকিৎসা আশাব্যঞ্জক যেন লাগিলেও ইয়াৰ বৃহৎ পৰিসৰত পৰীক্ষা কৰাৰ প্ৰয়োজন আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
