এক কঠোৰ নিৰ্দেশে বিশ্বৰ লাখ লাখ ক্ৰীড়াপ্ৰেমীক হতাশ কৰিছে৷ ফিফা বিশ্ব ফুটবল ২০২২ৰ আয়োজক দেশ কাটাৰে ঘোষণা কৰা কঠোৰ নিৰ্দেশৰ পিছতে সমগ্ৰ ক্ৰীড়া বিশ্বতে তুমুল চাঞ্চল্যৰ সৃষ্টি হৈছে৷
উল্লেখ্য যে ক্ৰীড়া বিশ্বৰ বৃহৎ তথা ফুটবল বিশ্বৰ বৃহত্তম প্ৰতিযোগিতা ফিফা বিশ্ব ফুটবল ২০২২ প্ৰথমবাৰৰ বাবে মধ্যপ্ৰাচ্যৰ ইছলামিক দেশ কাটাৰত অনুষ্ঠিত হ’ব৷ প্ৰতিযোগিতাখনকলৈ ফুটবল অনুৰাগীসকলক উৎকণ্ঠিত হৈ থকাৰ সময়তে কাটাৰকে ঘোষণা কৰিছে যে দেশখনত অনুষ্ঠিত প্ৰতিযোগিতাত দৰ্শনৰ বাবে যোৱা কোনো লোকেই যৌন সম্পৰ্ক স্থাপন কৰিব নোৱাৰিব৷
উল্লেখ্য যে সাধাৰণতে বিশ্বৰ বৃহৎ ক্ৰীড়া প্ৰতিযোগিতাসমূহত এক বিশাল যৌন ব্যৱসায় চলে৷ বিশেষকৈ ক্ৰীড়া প্ৰেমীৰ যৌন কামনা পূৰণ কৰিবলৈ বিভিন্ন দেশৰ যৌন কৰ্মীসকলৰ সমাৱেশ ঘটে৷ কিন্তু এইবাৰ কাটাৰে ফিফা বিশ্বকাপৰ উপলক্ষ্যে যৌন সম্ভোগ নিষিদ্ধ কৰাৰ পিছতে এই বৃহৎ ব্যৱসায়ত ভাটা পৰা বুলিয়েই ধাৰণা কৰা হৈছে৷
লগতে পঢ়ক ‘পুষ্পা’ৰ ছিকুৱেলত দেখা নাপাব নেকি ৰশ্মিকাক? কি ক’লে প্ৰযোজকে?
কাটাৰে ঘোষণা কৰা মতে ফিফা বিশ্বকাপ চাবলৈ অহা অনুৰাগীসকলে দেশখনত প্ৰৱেশ কৰাৰ পিছতে কঠোৰ নিয়ম মানি চলিব লাগিব। আচলতে ইছলামিক ৰাষ্ট্ৰ কাটাৰত যৌন সম্পৰ্ক সম্পৰ্কীয় কঠোৰ নিয়ম পূৰ্বৰে পৰা প্ৰচলিত আছে।
খেল চাবলৈ যোৱা স্বামী বা পত্নীৰ বাহিৰে আন ক্ৰীড়া প্ৰেমীয়ে যৌন সম্পৰ্ক স্থাপন কৰাটো দেশখনে অবৈধ ঘোষণা কৰাৰ লগতে কঠোৰ শাস্তিৰ ব্যৱস্থা কৰিছে। কাটাৰলৈ যোৱা চিংগল লোকসকলে যদি কাৰোবাৰ লগত যৌন সম্পৰ্ক স্থাপন কৰি ধৰা পৰে, তেওঁলোকক তেন্তে আৰক্ষীয়ে গ্ৰেপ্তাৰ কৰিব পাৰে। আনকি তেনে লোকে ৭ বছৰৰ কাৰাবাসো খাটিবলগীয়া হ’ব পাৰে৷
লগতে পঢ়ক আজিৰ পৰা অম্বুবাচী পূজা, ষাঁঠৰ উপলক্ষ্যে কি কি নিয়ম মানি চলিব?
কাটাৰে বিদেশী ফুটবল অনুৰাগীসকলক সকীয়াই দিছে যে এইবাৰৰ ফুটবল বিশ্বকাপত ৱান নাইট ষ্টেণ্ড সম্পূৰ্ণৰূপে নিষিদ্ধ কৰা হ’ব। যদি কাৰোবাক ইয়াৰ লগত জড়িত পোৱা যায় তেন্তে তেওঁ ৭ বছৰ কাৰাবাস প্ৰায় নিশ্চিত।
উল্লেখ্য যে কাটাৰে এই ঘোষণা কৰা পিছতে এইবাৰৰ বিশ্বকাপক প্ৰথম যৌন নিষেধাজ্ঞামূলক বিশ্ব ফুটবল বিশ্বকাপ বুলি অভিহিত কৰা হৈছে৷ ইয়াৰ পূৰ্বে কোনো বিশ্বকাপ ফুটবল প্ৰতিযোগিতাতে এনে ঘোষণা কৰাৰ নজিৰ পাবলৈ নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
