অসম লাইভ ২৪ঃ মণিপুৰত জন্মগ্ৰহণ কৰা ১০ বছৰীয়া কিশোৰী লিচীপ্ৰিয়া কংগুজাম৷ লিচীপ্ৰিয়া ভাৰতীয় শিশু পৰিৱেশবিদ আৰু জলবায়ু কৰ্মী৷ মাত্ৰ ৬ বছৰ বয়সৰ পৰাই লিচীপ্ৰিয়াই পৰিৱেশ সুৰক্ষাৰ বাবে সমগ্ৰ বিশ্বতে প্ৰচাৰ চলাই আহিছে।
লিচীপ্ৰিয়াই ২০১৯ চনত সংসদ ভৱনৰ সন্মুখত পৰিৱেশ পৰিৱৰ্তন আইন আৰু শিক্ষা নীতিত পৰিৱেশ অন্তৰ্ভুক্ত কৰাৰ দাবীত প্ৰতিবাদ কৰিছিল। ২০১৯ চনতেই তেওঁ স্পেইনৰ মাদ্ৰিদত অনুষ্ঠিত ৰাষ্ট্ৰসংঘৰ জলবায়ু সন্মিলনত (চিঅ’পি-২৫) আটাইতকৈ কম বয়সীয়া পৰিৱেশবিদ হিচাপে স্বীকৃত হৈছিল।
লগতে পঢ়ক জুলাইত চৰকাৰী কৰ্মচাৰীলৈ অতি ভাল খবৰ! কি কি ভাল খবৰে হাঁহি বিৰিঙাব কৰ্মচৰাৰী ওঁঠত?
লিচিপ্ৰিয়াই এতিয়ালৈকে পৰিৱেশ সজাগতাৰ বাবে ৩২ খন দেশৰ ৪০০০তকৈও অধিক প্ৰতিষ্ঠান ভ্ৰমণ কৰিছে। কিন্তু শেহতীয়াভাৱে ২১ জুনত লিচীপ্ৰিয়াই তাজমহলৰ পিছফালে যমুনাৰ পাৰত থিয় হৈ থকা এখন ফটো টুইট কৰিছিল। তেওঁৰ হাতত আছে এখন প্লে-কাৰ্ড আছে। তাত লিখা আছে যে ‘তাজমহলৰ সৌন্দৰ্যৰ আঁৰত প্লাষ্টিক প্ৰদূষণ’৷
লিচীপ্ৰিয়াৰ ফটোখন দেশৰ ২,০০০ তকৈও অধিক লোকে ৰিটুইট কৰিছে। ৮০০০ ৰো অধিক লোকে লাইক কৰিছে৷ ফটোখন ভাইৰেল হোৱাৰ পিছতে আগ্ৰা মণ্ডলৰ বিভাগৰ আয়ুক্ত অমিত গুপ্তাই সংশ্লিষ্ট কৰ্তৃপক্ষৰ পৰা উত্তৰ বিচাৰে। ইয়াৰ পিছত বুধবাৰে পৌৰ নিগমে ইয়াৰ অফিচিয়েল হেণ্ডেলৰ পৰা টুইটটোৰ সঁহাৰি দিয়ে।
লগতে পঢ়ক আগুৱাই গৈয়ো ক’ত ৰৈ গ’ল নতুন অসমীয়া ছবি ‘এমুঠি পুঠি‘?
তেওঁ কয় যে যেতিয়া যমুনা নদীৰ পানীৰ স্তৰ হ্ৰাস পায়, প্লাষ্টিকৰ আৱৰ্জনা থুপ খায়। আয়ুক্ত অমিত গুপ্তাই কয় যে আমাৰ দলে নিয়মীয়াকৈ পৰিষ্কাৰ কৰে। লগতে বুধবাৰৰ আন এখন ফটোও নিগমে টুইট কৰিছে। বিশেষজ্ঞসকলৰ মতে, এই ফটোখন ২৭ মে’ৰ বুলি কোৱা হৈছে। এইকেইদিন লিচীপ্ৰিয়াই লক্ষ্ণৌত জলবায়ু পৰিৱৰ্তন আইনৰ দাবীত প্ৰতিবাদ কৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
