২০২২ চনৰ জুলাই মাহৰ পৰা কেন্দ্ৰীয় চৰকাৰৰ কৰ্মচাৰীৰ বাবে ডিয়াৰনেছ ভাট্টাক লৈ সংবাদ মাধ্যমত বিভিন্ন বাতৰি প্ৰকাশ পাই আহিছে। ইয়াৰে কিছু প্ৰতিবেদনত ৫% আৰু ৬% বৃদ্ধি পাব বুলিও কোৱা হৈছে।
এই প্ৰতিবেদনসমূহে কেন্দ্ৰীয় চৰকাৰৰ কৰ্মচাৰীসকলৰ বাবে কিমান সত্য? সঁচাই কেন্দ্ৰীয় কৰ্মচাৰীসকলৰ মৰগীয়া ভাট্টা ৬ শতাংশলৈ বৃদ্ধি পাব নে? এই বাতৰি কিমান তথ্যসমৃদ্ধ?
উল্লেখ্য যে কেন্দ্ৰীয় চৰকাৰৰ কৰ্মচাৰীৰ বাবে Dearness Allowance ৰ হাৰ মুদ্ৰাস্ফীতিৰ পৰিসংখ্যাৰ ওপৰত ভিত্তি কৰি গণনা কৰা হয়। কেন্দ্ৰীয় চৰকাৰে ইয়াৰ ওপৰত ভিত্তি কৰিহে কৰ্মচাৰীসকলৰ মৰগীয়া ভাট্টা কিমান শতাংশ বৃদ্ধি কৰা হ’ব তাৰ সিদ্ধান্ত লোৱা হয়৷ ঔদ্যোগিক শ্ৰমিকৰ বাবে সৰ্বভাৰতীয় গ্ৰাহক মূল্য সূচকাংক (CPI-IW) ৰ ১২ মাহৰ গড়ৰ ওপৰত ভিত্তি কৰি ইয়াক গণনা কৰা হয়।
লগতে পঢ়ক বিয়াৰ পূৰ্বে গৰ্ভৱতী হৈছিল আলিয়া! খোলোচা কৰিলে কৰণ জহৰে!
২০২২ চনৰ জুলাই মাহৰ পৰা মৰগীয়া ভাট্টাও ২০২১ চনৰ জুলাইৰ পৰা ২০২২ চনৰ জুনলৈকে ভিত্তিত গণনা কৰা হ’ব। এতিয়া ডিএ গণনাৰ বাবে ২০২২ চনৰ জুন মাহৰ সূচকাংকহে জানিব লাগিব৷ এই চিপিআই-আইডব্লিউৰ হাৰৰ উৰ্ধমুখী আৰু নিম্নমুখী দুয়োটা পৰিৱৰ্তনৰ ওপৰত সৰ্বোচ্চ পৰিৱৰ্তন বিবেচনা কৰিলেও এতিয়াও দেখা যায় যে ডি এ ৩৮%হে হ’ব।
বৰ্তমান চিপিআই আইডব্লিউ হৈছে ১২৯। ৩৯% ডিএ হ’বলৈ হ’লে ২০২২ চনৰ জুন মাহৰ বাবে চিপিআই আইডব্লিউ ১৩৬.১ত উপণীত হ’ব লাগিব৷ কিন্তু এতিয়াও তাতকৈ ৭.১ পইণ্ট কম হৈ আছে৷ এতিয়াই ১৩৬.১ সূচাংক স্পৰ্শ কৰাটো অসম্ভৱ বুলি কোৱা হৈছে৷ গতিকে মৰগীয়া ভাট্টা ৫ৰ পৰা ৬% বৃদ্ধি পোৱাটো সম্ভৱ নহয় বুলিয়েই ক’ব পাৰি৷
ষ্টাফকৰ্নাৰে ৰিপ’ৰ্টৰ মতে ২০২২ চনৰ ১ জুলাইৰ পৰা ডিয়াৰনেছ ভাট্টা ৩৮% হোৱাৰ সম্ভাৱনা আছে৷ অৰ্থাৎ ৫ৰ পৰা ৬% নহয়, ৪% বৃদ্ধি হোৱাৰহে সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
