আমাৰ দেশত LGBTQ সম্প্ৰদায়ৰ লোকৰ জীৱন সহজ নহয়। যদিও মানুহে এতিয়া ব্যক্তি স্বাধীনতা তথা স্বতন্ত্ৰতাৰ প্ৰতি সজাগ আৰু সামগ্ৰিক মনোভাৱেৰে বস্তুবোৰ চাবলৈ আৰম্ভ কৰিছে, তথাপিও LGBTQৰ সন্দৰ্ভত ভাৰতীয়ৰ মানসিকতা এতিয়াও বহুত সলনি হ’ব বাকী। এনে সংগঠিত সামাজিক নিয়ম আৰু নিষিদ্ধতাৰ মাজতো LGBTQ সম্প্ৰদায়ৰ কিছু লোকে তেওঁলোকৰ পথৰ সকলো হেঙাৰ নেওচি নিজৰ সুকীয়া পৰিচয় দাঙি ধৰিবলৈ সক্ষম হৈছে।
ভাৰতৰ LGBTQ সম্প্ৰদায়ৰ কিছু প্ৰসিদ্ধ ব্যক্তি আছে যিয়ে বাধাবোৰ নেওচি নিজৰ বাবে নিজেই পথ তৈয়াৰ কৰি লৈছে। আজি আমি তেনে তিনিগৰাকী ব্যক্তিৰ বিষয়ে আলোচনা কৰিবলৈ আগবাঢ়িছো
লগতে পঢ়ক দেশত নিষিদ্ধ কৰা হ’ব পেট্ৰল! কেনেকৈ চলিব গাড়ী-মটৰ?
বিক্ৰম শেঠ
উপন্যাস ‘A Suitable Boy’ৰ বাবে সৰ্বাধিক জনাজাত বিক্ৰম শেঠ তিনি দশকৰো অধিক সময় ধৰি সাহিত্য জগতৰ এখন প্ৰসিদ্ধ মুখ আৰু আধুনিক যুগৰ আটাইতকৈ প্ৰভাৱশালী লেখক।
ভাৰতৰ এখন উচ্চ ন্যায়ালয়ৰ প্ৰথম মহিলা মুখ্য ন্যায়াধীশ লেইলা শেঠৰ পুত্ৰ, বিক্ৰম শেঠে উচ্চ শিক্ষাৰ বাবে ইংলেণ্ডলৈ যোৱাৰ আগতে দেশৰ কেইখনমান শ্ৰেষ্ঠ বিদ্যালয়ত অধ্যয়ন কৰিছিল।
ভাৰতৰ মুকলিকৈ সমকামী ব্যক্তিত্বসকলৰ মাজৰ এগৰাকী, ৬১ বছৰীয়া পদ্মশ্ৰী প্ৰাপকে ‘Through Love’s Great Power’ শীৰ্ষক সমকামী যৌনতাক অপৰাধ হিচাপে গণ্য কৰাৰ শেহতীয়া ৰায়ৰ ওপৰত ক্ষোভ প্ৰকাশ কৰি এক কবিতা লিখে।
লক্ষ্মী নাৰায়ণ ত্ৰিপাঠী
এগৰাকী ট্ৰেন্সজেণ্ডাৰ অধিকাৰ কৰ্মী, হিন্দী চলচ্চিত্ৰ অভিনেত্ৰী আৰু মুম্বাইত অৱস্থিত এগৰাকী ভাৰত নাট্যম নৃত্যশিল্পী, লক্ষ্মীয়ে নিজকে তৃতীয় লিংগ সম্প্ৰদায়ৰ অংশ হিচাপে স্বীকৃতি দিয়ে। উত্তৰ প্ৰদেশৰ সাতজনীয়া পৰিয়ালৰ মাজত জ্যেষ্ঠজন, লক্ষ্মী গোটেই শৈশৱতে দুৰ্বল স্বাস্থ্যত ভুগিছিল। তেঁওৰ শৰীৰৰ গঠনৰ বাবে তেঁওক স্কুলত তাচ্ছিল্য কৰা হৈছিল আৰু এজন আত্মীয়ৰ দ্বাৰা নিৰ্যাতিত হৈছিল।
ভাৰত নাট্যম আৰু ইয়াৰ পোছাকৰ দ্বাৰা আকৰ্ষিত হৈ লক্ষ্মীয়ে তেওঁৰ পৰিয়ালৰ সমৰ্থনত মুম্বাইৰ মিথিবাই মহাবিদ্যালয়ত কলা ডিগ্ৰী আৰু ভাৰত নাট্যমত স্নাতকোত্তৰ ডিগ্ৰী লাভ কৰে। তেওঁ ৰিয়েলিটি শ্ব ‘বিগ বছ’ আৰু তিনিখন তথ্যচিত্ৰকে ধৰি বহুতো দূৰদৰ্শন অনুষ্ঠানত অভিনয় কৰিছে।
লগতে পঢ়ক এখন অদ্ভুত গাঁও, অধিকাংশ সন্তানেই যমজ! বিজ্ঞানীও আচৰিত, ক’ত এই গাঁও?
লিংগ সম্পৰ্কীয় সৌন্দৰ্য প্ৰতিযোগিতাৰ চাৰিওফালে থকা সকলো পৰম্পৰাগত ধাৰণা ভংগ কৰি তেওঁ ২০১০ চনত ‘ইণ্ডিয়ান চুপাৰ কুইন’ সৌন্দৰ্য প্ৰতিযোগিতা আৰম্ভ কৰিছিল, যি এতিয়াও সক্ৰিয় হৈ আছে৷
অ’নিৰ
এইডছ আৰু সমকামী সম্পৰ্কৰ সৈতে মোকাবিলা কৰা প্ৰথম মূলসুঁতিৰ হিন্দী চলচ্চিত্ৰসমূহৰ ভিতৰত এখন, ‘My Brother Nikhil’ অ’নিৰৰ পৰিচালনাৰ প্ৰথম ছবি।
ভূটানৰ চামচীত জন্ম গ্ৰহণ কৰা অনিৰ্বাণ ধৰ তথা অ’নিৰ তেওঁ শৈশৱৰ বেছিভাগ সময় চিনেমাৰ দ্বাৰা প্ৰভাৱিত হৈ অতিবাহিত কৰিছিল। বাৰ্লিনত চলচ্চিত্ৰ সম্পাদনা অধ্যয়নৰ বাবে বৃত্তি লাভ কৰাৰ পিছত অ’নিৰে পিছলৈ ভাৰতলৈ উভতি আহে আৰু সম্পাদক, চিত্ৰনাট্যকাৰ, কলা পৰিচালক আৰু সংগীত এলবাম প্ৰযোজক আৰু পৰিচালক হিচাপে কাম কৰে।
লগতে পঢ়ক পুৰুষৰ বাবে বৃহৎ সকাহ! বিবাহৰ প্ৰতিশ্ৰুতিৰে কৰা যৌন সম্পৰ্ক ধৰ্ষণ নহয়
সমালোচকৰ প্ৰশংসা লাভ কৰা অ’নিৰৰ আন এখন চলচ্চিত্ৰ আছিল ‘I AM’ । চুটি চলচ্চিত্ৰৰ এক সংকলন যিয়ে একক মাতৃত্ব, স্থানচ্যুতি, শিশু উৎপীড়ন আৰু সমকামী সম্পৰ্কৰ দৰে বিষয়বস্তু অন্বেষণ কৰিছিল। দুটা ৰাষ্ট্ৰীয় বঁটা লাভ কৰাৰ উপৰিও, ছবিখনে অসামান্য অৱদানৰ বাবে ‘আই-ভিউ ২০১০’-ৰ ‘এনজেণ্ডাৰ্ড বঁটা’ (নিউয়ৰ্ক) লাভ কৰে।
এই অ’নিৰ হৈছে বলীউডৰ কেইজনমান মুকলিকৈ সমকামী চলচ্চিত্ৰ পৰিচালকৰ মাজৰ এজন, যিয়ে আমাক প্ৰতিটো খোঁজত শিকাইছে যে জীৱনত একোৱেই অসম্ভৱ নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
