দেশৰ বহু ৰাজ্যত পেট্ৰল মূল্যই শতক অতিক্ৰম কৰিছে৷ ডিজেলৰ মূল্যইও শতক স্পৰ্শ কৰাৰ দিশে দূৰন্ত গতিত ধাৱমান৷ মুঠতে ইন্ধনজাত সামগ্ৰীয়ে দেশৰ জনসাধাৰণৰ কঁকালত মাধমাৰ শোধাইছে৷
প্ৰধানমন্ত্ৰী নৰেন্দ্ৰ মোদী চৰকাৰে ইন্ধনজাত সামগ্ৰীৰ মূল্যই নহয় নিত্য ব্যৱহাৰ্য সকলো সামগ্ৰীৰে মূল্যবৃদ্ধি নিয়ন্ত্ৰণ কৰিবলৈ সক্ষম হোৱা নাই৷ সকলো দিশতে মোদীৰ কেন্দ্ৰীয় চৰকাৰ ব্যৰ্থ হৈছে৷ জনসাধাৰণে ইয়াৰ বিৰুদ্ধে গৰজি উঠিলেও চৰকাৰ নিশ্চুপ হৈ বহি আছে৷
ঠিক তেনে সময়তে কেন্দ্ৰৰ পথ পৰিহবণ মন্ত্ৰী নীতিন গাডকাড়ীয়ে ঘোষণা কৰিছে যে দেশত পেট্ৰল নিষিদ্ধ কৰা হ’ব৷
লগতে পঢ়ক পুৰুষৰ বাবে বৃহৎ সকাহ! বিবাহৰ প্ৰতিশ্ৰুতিৰে কৰা যৌন সম্পৰ্ক ধৰ্ষণ নহয়
যোৱা বৃহস্পতিবাৰে ডঃ পঞ্জাব্ৰাও দেশমুখ কৃষি বিশ্ববিদ্যালয়ৰ ৩৬ সংখ্যক সমাৱৰ্তনত অংশ গ্ৰহণ কৰি কেন্দ্ৰীয় মন্ত্ৰী গাডকাৰীয়ে কয় যে অনাগত সময়ত দেশত পেট্ৰল নিষিদ্ধ কৰা হ’ব৷ অহা ৫ বছৰত দেশত পেট্ৰ’ল শেষ হ’ব বুলিও তেওঁ কয়৷
ইফালে, ইথানলৰ সন্দৰ্ভত এক সিদ্ধান্তৰ ফলত দেশৰ ২০ হাজাৰ কোটি টকা ৰাহি হৈছে বুলিও কয় গাডকাৰীয়ে। অদূৰ ভৱিষ্যতে দুচকীয়া আৰু চাৰিচকীয়া বাহনখন গ্ৰীণ হাইড্ৰ’জেন, ইথানল আৰু চিএনজিৰ ওপৰত ভিত্তি কৰি নিৰ্মাণ কৰা হ’ব।
কেন্দ্ৰীয় মন্ত্ৰীগৰাকীয়ে কয় যে বিদৰ্ভৰ পৰা বাংলাদেশলৈ কপাহ ৰপ্তানি কৰাৰ পৰিকল্পনা আছে, যাৰ বাবে বিশ্ববিদ্যালয়সমূহৰ সহযোগিতা প্ৰয়োজন। বিদৰ্ভত কৃষকৰ আত্মহত্যা ৰোধ কৰাত বিশ্ববিদ্যালয়সমূহে গুৰুত্বপূৰ্ণ ভূমিকা পালন কৰিব পাৰে।
লগতে পঢ়ক ৰকেট্ৰি: দ্য নাম্বি ইফেক্ট, এইখন কাৰ জীৱনৰ আধাৰত নিৰ্মিত ছবি?
কেন্দ্ৰীয় মন্ত্ৰী গডকাৰীয়ে লগতে কয় যে এতিয়া বিদৰ্ভত নিৰ্মিত বায়’-ইথানল বাহনত ব্যৱহাৰ কৰা হৈছে। কুঁৱাৰ পানীৰ পৰা সেউজীয়া হাইড্ৰ’জেন তৈয়াৰ কৰিব পাৰি আৰু ইয়াক প্ৰতি কেজি ৭০ টকাত বিক্ৰী কৰিব পাৰি।
গাডকাৰীৰ মতে কেৱল ঘেঁহু, ধান, কুঁহিয়াৰ আদি পৰম্পৰাগত শস্য খেতি কৰিলেই কৃষকৰ ভৱিষ্যত উজ্জ্বল হ’ব নোৱাৰে। এতিয়া খেতিয়কে ইয়াৰ বাহিৰেও কিবা এটা কৰিব লাগিব। গাডকাৰীয়ে কয় যে এতিয়া কৃষকসকল শক্তি দাতাৰ লগতে খাদ্য দাতা হোৱাৰ প্ৰয়োজন আছে।
উক্ত সমাবৰ্তনে কৃষি বিশ্ববিদ্যালয়খনে গাডকাৰীক ‘বিজ্ঞান শাখাত ডক্টৰ’ৰ উপাধিও প্ৰদান কৰে। মহাৰাষ্ট্ৰৰ ৰাজ্যপাল আৰু বিশ্ববিদ্যালয়ৰ চ্যান্সেলৰ ভগত সিং কোশ্বাৰীয়ে সভাপতিত্ব কৰে এই কাৰ্যসূচী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
