টুইন ভিলেজ অৱ ইণ্ডিয়া নামৰ চিনেমাখন চাইছে নে? য’ত দুই ভাই-ভনী হুবহু একে। কিন্তু বাস্তৱ পৃথিৱীত কিমান মানুহ যমজ হিচাপে জন্ম লাভ কৰে সেয়া জানেনে? পৃথিৱীৰ জনসংখ্যাৰ মাজৰ মাত্ৰ ১.৯% (প্ৰায়) হে যমজ সন্তান।
কিন্তু আমাৰ দেশত এখন অদ্ভুত গাঁও আছে। যিখন গাঁৱৰ মুঠ জনসংখ্যা ২০০০ গৰাকীৰ ভিতৰত ৪০০ যোৰ যমজ সন্তান আছে। বিজ্ঞানীসকলেও এই গাওঁখনৰ বিষয়ে জানি আচৰিত হৈছে। এই গাঁওখন টুইন ভিলেজ আৰু গডছ অন কান্ট্ৰী নামেৰে বিখ্যাত হৈ পৰিছে।
এই বিশেষ গাঁওখন কেৰেলাৰ মালাপ্পুৰম জিলাত অৱস্থিত৷ গাঁওখনৰ নাম হৈছে কোডিনহি। দেশৰ বিভিন্ন প্ৰান্তৰ পৰা মানুহ এই গাঁৱৰ যমজ সন্তানক চাবলৈকে যায়।
লগতে পঢ়ক ৰকেট্ৰি: দ্য নাম্বি ইফেক্ট, এইখন কাৰ জীৱনৰ আধাৰত নিৰ্মিত ছবি?
গাঁওখনৰ বিষয়ে সমগ্ৰ বিশ্বতে চৰ্চা হয়। গাঁৱখনৰ বেছিভাগ পৰিয়ালতে যমজ সন্তানৰ জন্ম হৈছে। কিন্তু গাঁৱত ইমানবোৰ যমজ সন্তান কিয় জন্ম হয়? এই বিষয়ে জানিবলৈ বহু বিজ্ঞানী ইয়ালৈ আহিছে। কিন্তু আজিলৈকে ই যেন এক ৰহস্য হৈয়েই আছে।
ইণ্ডিয়া টু ডেৰ এক প্ৰতিবেদন অনুসৰি ইয়াৰ স্থানীয় ৰাইজে বিশ্বাস কৰে যে এই গাঁওখনৰ ওপৰত ভগৱানৰ এক বিশেষ কৃপা আছে। সেই বাবেই গাঁওখনৰ প্ৰায়বোৰ ল’ৰা-ছোৱালীয়েই যমজ সন্তান। প্ৰতিবেদন অনুসৰি যোৱা ৫০ বছৰত এই গাঁৱত ৩০০ ৰো অধিক যমজ সন্তানৰ জন্ম হৈছে।
২০০৮ চনত গাঁওখনত ২৮০ টা যমজ সন্তানৰ আনুষ্ঠানিক হিচাপ প্ৰকাশ পাইছিল। কিন্তু তেতিয়াৰ পৰা এই সংখ্যা ক্ৰমাগতভাৱে বৃদ্ধি পাই আহিছে। সংবাদ মাধ্যমৰ খবৰ অনুসৰি বিশ্বৰ ১০০০ শিশুৰ ভিতৰত মাত্ৰ ৯ টা যমজ সন্তান আছে। কিন্তু এই গাঁৱৰ ১০০০ শিশুৰ ভিতৰত ৪৫ টাই যমজ সন্তান।
লগতে পঢ়ক Real Life Tarzan! ৪১ বছৰ কটালে অতব্য অৰণ্যত, নাৰী আৰু যৌনতা কি সেয়াও নাজানে!
বহুতে কয় যে এই গাঁৱৰ বতাহ আৰু পানীত কিবা এটা আছে, যাৰ বাবে ইয়াত অধিক মানুহৰ ঘৰত যমজ সন্তান জন্ম হয়। কিন্তু ইয়াৰ কোনো সুনিৰ্দিষ্ট প্ৰমাণ পোৱা নাযায়।
বিশ্বৰ বিভিন্ন প্ৰান্তৰ পৰা অহা বিজ্ঞানীসকলে এই গাঁৱত গৱেষণা কৰিছে। ২০১৬ চনত ভাৰত, লণ্ডন আৰু জাৰ্মানীৰ গৱেষকৰ এটা দল এই গাঁৱত তদন্ত কৰিবলৈ আহিছিল। গাঁৱৰ মানুহখিনিৰ ডিএনএ টেষ্ট কৰা হৈছিল। কিন্তু বহু কষ্ট আৰু গৱেষণাৰ অন্ততো বিজ্ঞানীসকলে ইয়াৰ ৰহস্য উন্মোচন কৰিব পৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
