কিছুদিনৰ পৰা সামাজিক মাধ্যমৰ জনপ্ৰিয় চাইট ফেচবুকত এখন ফ’টো ভাইৰেল হৈ আছে৷ ফ’টোখনত দেখা যায় এজন কণমানি শিশুৱে খোজকাঢ়ি গৈ আছে৷ চৌফলীয়া ৰ’দত শিশুটিৰ হাতত ধৰি পিছে পিছে গৈ আছে দৃষ্টিহীন পিতৃ৷ কণমানিটিৰ পিতৃৰ হাতত ধৰি গৈ আছে তেওঁৰ দৃষ্টিহীন পত্নী৷
অৰ্থাৎ কণমানি শিশুটিৰ ভৰসাত খোজকাঢ়ি যোৱা দম্পতীহাল হৈছে দৃষ্টিহীন৷ তেওঁলোকে কণমানি পুত্ৰ ভৰসাতেই পৃথিৱীত বিচৰণ কৰাৰ লগতে জীৱন নিৰ্বাহ কৰিছে৷ অৰ্থাৎ কেৱল হাতৰে নহয় তেওঁলোকৰ জীৱনৰ লাখুটি হৈছে এই পাঁচবছৰীয়া শিশুটি৷ যি তেওঁলোকৰ পুত্ৰ সন্তান৷
এই ফ’টোখন সামাজিক মাধ্যমত ভাইৰেল হৈ পৰাৰ পিছতে বিভিন্ন লোকে শ্বেয়াৰ কৰাৰ লগতে মন্তব্য কৰা দেখা গৈছে৷ বহুতৰ মনত প্ৰশ্নৰ উদ্ৰেক হৈছে এই দৰিদ্ৰ পৰিয়ালটোৰ ক’ৰ আৰু তেওঁলোকৰ পৰিচয় কি?
লগতে পঢ়ক মাদ্ৰাছা শিক্ষকৰ কামনাৰ বলি ১০ নাবালক শিক্ষাৰ্থী, অপকৰ্মৰ পিছত হত্যাৰ ভাবুকি
এই দৃষ্টিহীন দম্পতীৰ ঠিকনা হৈছে নগাঁও জিলাৰ ৰহাৰ৷ ৰহাৰ দীঘলদৰিত তেওঁলোকৰ ঘৰ৷ দৃষ্টিহীন দম্পতীহালৰ নাম হৈছে ক্ৰমে স্বামী ভগেন হীৰা আৰু পত্নী কেতেকী বণিয়া৷ দৃষ্টিহীন এই দম্পতীহাল তিনি সন্তানৰ পিতৃ-মাতৃ৷
তেওঁলোকক হাত ধৰি বিভিন্ন ঠাইলৈ লৈ যোৱা কণমানি শিশুটো হৈছে তেওঁলোকৰ পাঁচবছৰীয়া সন্তান ৰাহুল হীৰা৷
অতি দৰিদ্ৰ এই পৰিয়ালটোক পাঁচবছৰীয়া পুত্ৰ সন্তান ৰাহুলৰ ভৰসাতে জীৱন যাপন কৰিবলৈ সক্ষম হৈছে৷ ৰাহুলৰ হাতত ধৰিয়েই দৃষ্টিহীন পিতৃ-মাতৃয়ে ৰে’ল ষ্টেচনৰ লগতে অন্যান্য ৰাজহুৱা স্থানলৈ বাটকুৰি বাই যায়৷ য’ত তেওঁলোকে সামৰ্থ্যৱান লোকৰ পৰা সহায় বিচাৰে৷
কেৱল নগাঁও বা ৰহাতেই নহয়, দৃষ্টিহীন পিতৃ-মাতৃহালে ৰাহুলৰ হাতত ধৰিয়ে অসমৰ ইমূৰৰ পৰা সিমূৰলৈ চলাফুৰা কৰিছে৷
লগতে পঢ়ক ‘আজাদি কা অমৃত মহোৎসৱ’ উপলক্ষ্যে চৰকাৰৰ জনতালৈ উপহাৰ! কি কি আছে এই উপহাৰত?
দৃষ্টিহীন এই দৰিদ্ৰ পৰিয়ালটোৱে জীৱন নিৰ্বাহ কৰিবলৈ চৰকাৰৰ লগতে সামৰ্থ্যৱান লোকৰ সহায় সহযোগিতাও বিচাৰিছে৷ ভগেন হীৰাৰ লগতে স্থানীয় লোকেও চৰকাৰ লগতে ৰাইজলৈ এই আবেদন জনাইছে।
যদি কোনো হৃদয়ৱান লোকে এই দুৰ্ভগীয়া পৰিয়ালটোক সহায় কৰিবলৈ বিচাৰে তেনে তেওঁলোকৰ ঠিকনা নগাঁও জিলাৰ ৰহা সমষ্টিৰ অন্তৰ্গত দীঘলদৰি গাঁও পঞ্চায়তৰ অন্তৰ্গত ১নং ৱাৰ্ড, যোগাযোগ নম্বৰ ৭৫৭৮৯৬০১৩৬ত যোগাযোগ কৰিব পাৰিব। অথবা তলত উল্লেখ কৰা বেংকৰ একাউণ্টত সহায় কৰিব পাৰিব৷
বেংক একাউণ্ট নম্বৰ– BANK NAME – BANK OF INDIA
ACCOUNT HOLDER NAME – BHOGEN HIRA
ACCOUNT NUMBER – 505218210001988
IFSC- BKID0005052।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
