সামাজিক মাধ্যমত দুখনমান ফ’টো ভাইৰেল কৰা হৈছে৷ এখন ফ’টোত এগৰাকী যুৱতীয়ে হাতত বিলাতী মদৰ গিলাচ লৈ চুমুক দি থকা দেখা গৈছে৷ আনখনত এজন যুৱকক হাতৰে খামুচি ধৰি থকা দেখা গৈছে৷
ভাইৰেল হোৱা ফ’টো দুখনত থকা যুৱতীগৰাকী হৈছে বিজেপিৰ ৰাজ্যিক সভাপতি তথা ৰঙিয়াৰ বিধায়ক ভৱেশ কলিতাৰ বিৰুদ্ধে ধনৰ বিনিময়ত চাকৰি দিয়াৰ প্ৰস্তাৱ দিয়াৰ অভিযোগ উত্থাপন কৰা জয়া কলিতা৷
উল্লেখ্য যে কিছুদিন পূৰ্বে জয়া কলিতাই এটা ফেচবুক পোষ্টৰ জৰিয়তে বিজেপি সভাপতি ভৱেশ কলিতাই ফোনযোগে তেওঁক ৩ লাখ টকাত চাকৰি দিয়াৰ প্ৰস্তাৱ দিয়াৰ গুৰুতৰ অভিযোগ উত্থাপন কৰিছিল৷ এই অভিযোগৰ পাছতে বিজেপিৰ ৰাজ্যিক সভাপতি ভৱেশ কলিতাই যুৱতীগৰাকীৰ বিৰুদ্ধে এজাহাৰ দিয়াৰ ভাবুকি প্ৰদান কৰে৷
লগতে পঢ়ক অতি হৃদয় বিদাৰক ঘটনা! স্কুল বাছৰ ভিতৰত শ্বাসৰুদ্ধ হৈ ৪ বছৰীয়া ছাত্ৰীৰ কৰুণ মৃত্যু
ইয়াৰ পাছতে যুৱতীগৰাকীৰ বিৰুদ্ধে বিজেপিৰ আইটি চেলে সন্মান হানিকৰ, আপত্তিজনক অপপ্ৰচাৰ আৰু চৰিত্ৰহনন কৰাৰ অভিযোগ উত্থাপন কৰিছে খোদ যুৱতীগৰাকীয়ে৷
উল্লেখ্য যে ভৱেশ কলিতাৰ বিৰুদ্ধে অভিযোগ উত্থাপন কৰাৰ পাছতে সামাজিক মাধ্যমৰ চাইট ফেচবুকত যুৱতীগৰাকীৰ দুখনমান ফ’টো ভাইৰেল কৰি বিজেপিৰ আইটি চেলে চৰিত্ৰ হনন কৰাৰ লগতে সন্মান হানিকৰ মন্তব্য কৰা দেখা গৈছে৷
যুৱতীগৰাকীয়ে বিলাতী সুৰাৰ গিলাচ লৈ চুমুক দি থকা আৰু এগৰাকী যুৱকৰ সৈতে থকা দুখন ফ’টো ভাইৰলে কৰি বিভিন্ন মন্তব্য কৰা দেখা গৈছে৷ আনফালে ফ’টো থকা যুৱকজনক ড্ৰাগছ মাফিয়া বুলি মন্তব্য কৰি জয়াৰ প্ৰেমিক বুলি কোৱা হৈছে৷
লগতে পঢ়ক অ’টোচালকৰ ঘৰত নৈশ আহাৰ গ্ৰহণ কৰি কেজৰিৱালৰ চমক! ‘অভিনয়’ আখ্যা বিজেপিৰ
ইফালে বিজেপিৰ আইটি চেলে চৰিত্ৰহনন কৰাৰ অভিযোগ কৰি জয়া কলিতাই তেওঁলোকৰ বিৰুদ্ধে আইনী ব্যৱস্থা গ্ৰহণ কৰিব বুলি সংবাদ মাধ্যমৰ আগত প্ৰকাশ কৰিছে৷
স্মৰ্তব্য যে ভিক্টৰ দাস নামৰ এজন যুৱকে ৰাজ্য চৰকাৰৰ ২৬ হাজাৰ চতুৰ্থ আৰু তৃতীয় বৰ্গৰ চাকৰিৰ নিযুক্তি প্ৰক্ৰিয়াৰ কেলেংকাৰি হোৱাৰ অভিযোগ উত্থাপন কৰাৰ পাছৰে ৰাজ্যত বিষয়টোৱে ব্যাপকৰূপত চৰ্চা লাভ কৰি আছে৷ ইয়াৰ মাজতেই জয়া কলিতা নামৰ যুৱতীগৰাকীয়ে এই গুৰুতৰ অভিযোগ উত্থাপন কৰি ৰাজ্যিক বিজেপিক ব্যতিব্যস্ত কৰি তোলা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
