দিল্লীত চলিছে সুৰাৰ বাম্পাৰ অফাৰ। এবটল যিকোনো ব্ৰেণ্ডৰ সুৰা ক্ৰয় কৰিলেই লগত পাব আন এবটল সুৰা। ইমান অফাৰ কিয় দিয়া হৈছে দিল্লীত? কিন্তু অফাৰ দিলেও ৰৈ গৈছে ৭০ লাখ সুৰাৰ বটল। এই বটলসমূহেই এতিয়া মূৰৰ কামূৰণি কৰিছে দিল্লীৰ আবকাৰী বিভাগক।
২০২১-২২ বৰ্ষত নতুন আবকাৰী নীতিয়েই আওল লগাইছে সকলো। এই নীতিৰ অধীনত বিক্ৰী নোহোৱা ৭০ লাখ বটল এতিয়া আবকাৰী বিভাগৰ বাবে মূৰৰ কামূৰণি হৈ পৰিছে। দিল্লীৰ বহুতো সুৰাৰ বিপনীত এই বটল শেষ কৰিবলৈকে এটা বটলৰ সৈতে বিনামূলীয়াকৈ আন এটা বটলো দিয়া হৈছিল। এনেকৈ আগবঢ়োৱাৰ পিছতো দিল্লীৰ আৱকাৰী বিভাগৰ হাতত এতিয়াও মজুত আছে ৭০ লাখ বটল।
লগতে পঢ়ক বিদ্যালয়তে ৪ বছৰীয়া ছাত্ৰীক ডিজিটেল ধৰ্ষণ, আৰক্ষীৰ গোচৰ ৰুজু, কোনে কৰিলে এই ধৰ্ষণ?
আবকাৰী বিভাগৰ বিষয়াসকলে এই বাকী থকা সুৰাৰ বটল বিক্ৰীৰ বাবে উপায় বিচাৰিছে। বিভাগৰ বিষয়াসকলে কোৱা অনুসৰি এই ৰৈ যোৱা সুৰাৰ ভিতৰত ৱাইন আৰু বিয়েৰো আছে। ৰৈ যোৱা এই বটলবোৰ বৰ্তমান ৱেৰহাউচত ৰখা হৈছে। চলিত বৰ্ষৰ ৩১ আগষ্টত বিক্ৰীৰ সময়সীমা উকলি যোৱা এই সুৰাৰ বটলসমূহ নষ্ট কৰি পেলোৱা হ’ব নেকি সেই বিষয়ে মত প্ৰকাশ কৰিছে দিল্লীৰ আবকাৰী বিভাগৰ এগৰাকী জ্যেষ্ঠ বিষয়াই। নতুন আবকাৰী নীতিত বিগত বৰ্ষত প্ৰায় সুৰাৰ বিভিন্ন ব্ৰেণ্ডৰ ৩৫ লাখতকৈ অধিক বটলৰ পঞ্জীয়ন হৈছে। আবকাৰী বিষয়াগৰাকীয়ে প্ৰকাশ কৰা অনুসৰি ৰৈ যোৱা ৭০ লাখ বটল পঞ্জীয়ন কৰিব লাগিব, নহ’লে এই বটলসমূহ নষ্ট কৰিব লাগিব।
অৱশ্যে সুৰাৰ এই বিভিন্ন ব্ৰেণ্ডৰ বটলবোৰ ধ্বংস কৰাৰ পৰিৱৰ্তে বিক্ৰী কৰিবলৈ অনুমতি দিয়াৰ সম্ভাৱনা আছে। বিষয়াগৰাকীয়ে তেওঁৰ মন্তব্যত ২০১৯ চনৰ এটা উদাহৰণ দাঙি ধৰি এই কথা স্পষ্ট কৰিছে। ২০১৯-ত আবকাৰী বিভাগৰ অভিযানৰ সময়ত জব্দ কৰা সুৰাৰ বটলবোৰ ধ্বংস কৰাৰ পৰিৱৰ্তে সঠিক পৰীক্ষাৰ পিছত সেই সুৰা প্ৰকৃত মূল্যতকৈ ২৫ শতাংশ কম মূল্যত বিক্ৰী কৰিবলৈ অনুমতি দিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
