হঠাতে ফোনত এটা মেছেজ আহিল৷ তেওঁ মেচেজটো দেখি থতমত খাইছিল। ইমান টকা ক’ৰ পৰা আহিল? কিন্তু হঠাৎ কোটিপতি হোৱাৰ আনন্দত গুজৰাটৰ আহমেদাবাদৰ বাসিন্দা ৰমেশ সাগৰ আনন্দত আত্মাহাৰা হৈ পৰিল।
ঘটনাটো আছিল যোৱা ২৬ জুলাইৰ। অৱশ্যে ঘটনাটো কিছু শেহতীয়াকৈ পোহৰলৈ আহিছে। ২৬ জুলাইৰ পুৱা ৰমেশ সাগৰে দেখিলে যে তেওঁৰ একাউণ্টত ১১ কোটি ৭৬ লাখ টকা জমা হৈছে।
স্থানীয় সংবাদ মাধ্যমৰ সূত্ৰ অনুসৰি সাগৰে বিগত ৬ বছৰ ধৰি নিয়মীয়াকৈ শ্বেয়াৰ বজাৰত বিনিয়োগ কৰি আহিছে। ফোনত মেছেজটো পাই সাগৰে বিশ্বাস কৰিব পৰা নাছিল। সঁচা হয় নে তাৰ পৰীক্ষা কৰি দেখিলে একাউণ্টটোত সঁচাকৈ ১১ কোটি ৭৬ লাখ টকা জমা হৈছে৷
লগতে পঢ়ক ২৬ ছেপ্টেম্বৰত স্বব্ধ হ’ব অসম! ২৪ ঘণ্টীয়া অসম বন্ধ ঘোষণা ৬ জনগোষ্ঠীয় ঐক্য মঞ্চৰ
সাগৰে যিহেতু নিয়মিতভাৱে শ্বেয়াৰ বজাৰত বিনিয়োগ কৰে, সেয়ে ভাবিলে যে শ্বেয়াৰ বজাৰত বিনিয়োগ কৰাৰ ফলতে তেওঁৰ এই ধনৰাশি একাউণ্টচ সোমাইছে৷ আৰু লগে লগে তেওঁ তাৰপৰাই ২ কোটি টকা শ্বেয়াৰ বজাৰত বিনিয়োগ কৰিলে৷ উক্ত ২ কোটি টকা বিনিয়োগ কৰি তেওঁ ৫ লাখ টকা উপাৰ্জনো কৰে৷
ইয়াৰ পাছতে হঠাতে সাগৰৰ এই সুখ দীৰ্ঘস্থায়ী নহ’ল৷ যিদৰে হঠাতে তেওঁৰ একাউণ্টত ১১ কোটি টকা সোমাইছিল ঠিক তেনেদৰে হঠাতে তেওঁৰ একাউণ্টৰ পৰা ধনৰাশি উলিয়াই নিয়া হ’ল৷
এইবাৰ বেংকৰ পৰা মেচেজ আহিল যে কাৰিকৰী বিসংগতি বাবে তেওঁৰ একাউণ্টত উক্ত ধনৰাশি সোমাইছিল৷ সেই কাৰিকৰী বিংসগতিৰ বাবে বেংক কৰ্তৃপক্ষই সাগৰলৈ দুখ প্ৰকাশ কৰিও এটা মেচেজো কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
