অসম লাইভ২৪ঃ শিৱসাগৰৰ ৰাজপথত ৰৈ আছে এখন বিলাসী গাড়ী। অসমৰ ৰাজপথত কাহানিও নেদেখা এখন গাড়ী। গাড়ীখন দেখামাত্ৰকেই শিৱসাগৰত ভিৰ কৰিছে জনতাই। ৰাজপথত ৰৈ আছে ১ কোটি ২০ লাখ টকীয়া এখন বিলাসী গাড়ী। উত্তৰ-পূৰ্বাঞ্চলৰ ভিতৰতে প্ৰথমবাৰৰ বাবে BMW-Z4 মডেলৰ গাড়ী ক্ৰয় কৰিলে শিৱসাগৰৰ বানমুখ চুতীয়া গাঁৱৰ মাধুৰ্য বৰা নামৰ চিকিৎসকগৰাকীয়ে।
গাড়ীখন চলাই বিপাঙতহে পৰিছে মাধুৰ্য বৰা। কাৰণ যি বাটেৰেই গাড়ীখন চলাই যায়, সেই বাটতে গাড়ীখন চাবলৈ হেতাওপৰা লগাই বিভিন্নজনে। উৎসুকতা সামৰিব নোৱাৰি পথতে আগচি ধৰি গাড়ী চাবলৈ ভিৰ কৰেহি বহু লোকে। বিলাসী গাড়ীখন সন্মুখত পাই কোনোৱে যদি একপি ছেল্ফি তুলিছে, কোনোৱে এপাক উঠিও চাইছে। পথত প্ৰত্যক্ষদৰ্শীৰ ভিৰে সৃষ্টি কৰিছে যানজঁট। গাড়ীৰ মালিক মাধুৰ্য বৰাই এতিয়া গাড়ী চাবলৈকে হোৱা যান-জঁটৰ বাবেই বিপাঙত পৰা বুলি সংবাদ মাধ্যমৰ আগত প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
