অসম লাইভ২৪ঃ ৰাজ্যজুৰি ৰাসক কেন্দ্ৰ কৰি উখল-মাখল পৰিবেশ। ৰাজ্যৰ সমান্তৰালকৈ বিশ্বনাথ চাৰিআলিতো দেখা গৈছে ৰাসৰ উছাহ। বিশ্বনাথ চাৰিআলিৰ উত্তৰ চাৰিআলি সাৰ্বজনীন ৰাস মহোৎসৱত ৰাধাৰ চৰিত্ৰক ফুটাই তোলা দেখা গ’ল জনপ্ৰিয় গায়িকা তথা অভিনেত্ৰী দীপলিনা ডেকাক৷
শৰত কালৰ পূৰ্ণিমা ৰাতি শ্ৰীকৃষ্ণৰ লগত কেলি কৰাত ব্যস্ত হৈ পৰা পৰিলক্ষিত হ’ল মোহময়ী অভিনেত্ৰী তথা গায়িকা দীপলিনা ডেকাক৷ সুন্দৰ অভিনয়েৰে ৰাসস্থলীত উপস্থিত থকা হাজাৰ হাজাৰ দৰ্শকৰ হৃদয় জিনিলে দীপলিনাই৷ ৰাধাৰ চৰিত্ৰ ৰূপায়ণ কৰি খুব সন্তুষ্ট বুলি মত ব্যক্ত কৰিলে গায়িকাগৰাকীয়েও কয় যে, ৰূপালী জয়ন্তী বৰ্ষত ভৰি দিয়া উত্তৰ চাৰিআলি সাৰ্বজনীন ৰাস মহোৎসৱ এইবেলি পাঁচ দিনীয়াকৈ উদযাপন কৰা হৈছে৷ বিশ্বনাথ চাৰিআলিৰ ৰে’লগেটত অনুষ্ঠিত এই ৰাস মহোৎসৱৰ বিশেষত্ব হৈছে এগৰাকী মুছলমান মহিলাই ৰাসৰ গীতত কণ্ঠদান কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
