অসম লাইভ২৪ঃ ১৯৮২ চনৰ পাছৰে পৰাই হিমাচলৰ নিৰ্বাচনী দৃশ্যপট চাবলগীয়া৷ সেই বছৰেই প্ৰথমবাৰৰ বাবে হিমাচলত নিৰ্বাচনী যুঁজত অংশগ্ৰহণ কৰিছিল বিজেপি দলে৷ তাৰ পূৰ্বে হিমাচলত কংগ্ৰেছৰ মূল প্ৰতিদ্বন্দী আছিল জনতা পাৰ্টী৷ কিন্তু হিমাচলত বেছিভাগ সময়েই কংগ্ৰেছ দলেই শাসনৰ গাদীত বহিছে৷ ১৯৮২ চনত প্ৰথম বাৰৰ বাবে বিধানসভা নিৰ্বাচনত ভাগ লৈ বিজেপিয়ে লাভ কৰিছিল ২৯ খন আসন৷
কিন্তু তাৰ পৰবৰ্তী নিৰ্বাচনত সেই আসনৰ সংখ্যা কমি যায়৷ মুঠ ৬৮ খন আসনৰ ভিতৰত বিজেপিয়ে লাভ কৰে মাত্ৰ ৭ খন আসন৷ তাৰ পৰবৰ্তীকালত ২০১৭ চনত সকলো সলনি৷ ২০১৭ চনত কংগ্ৰেছ আৰু বিজেপি দুয়ো দলেই লাভ কৰিছিল ৩১ খনকৈ আসন৷ কিন্তু শেষলৈ বিজেপিয়ে অন্য স্থানীয় দলৰ সৈতে মিলি চৰকাৰ গঠন কৰে৷ বৃহস্পতিবাৰে হৈ থকা ভোটগণনাত কংগ্ৰেছে সংখ্যাগৰিষ্ঠতা লাভ কৰিবলৈ সক্ষম হৈছে৷
মেজিক নম্বৰ অতিক্ৰম কৰিছে কংগ্ৰেছ দলে৷ ৩৫ মেজিক নম্বৰ অতিক্ৰম কৰি কংগ্ৰেছে বৰ্তমানলৈ লাভ কৰিছে ৩৭ খন আসন৷ ইতিমধ্যে সমগ্ৰ দেশজুৰি কংগ্ৰেছৰ বিপৰ্জয়ৰ মাজতেই হিমাচলত চৰকাৰ গঠনৰ দিশে আগবাঢ়িছে কংগ্ৰেছ দলে৷ আনহাতে বিজপিয়েও পূৰ্ণ প্ৰতিদ্বন্দিতা আগবঢ়াই ২৮ খন আসন লাভ কৰিবলৈ সক্ষম হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
