অসম লাইভ২৪ঃ নীতা আম্বানী। মুকেশ আম্বানীৰ পত্নীক চিনি নোপোৱা মানুহ হয়তো বিশ্বত কমেই ওলাব। বলীউডৰ পৰা ক্ৰিকেটৰ জগতলৈ সকলোতে আছে নীতাৰ আধিপত্য। মুম্বাই ইণ্ডিয়ানছৰ জাৰ্ছীত আইপিএলত প্ৰায়েই উপস্থিত থাকে নীতা আম্বানী। মুকেশ আম্বানী বৰ্তমান এছিয়াৰ সকলোতকৈ ধনী ব্যক্তি। স্বামীৰ বিলাসবহুলতাৰ অংশীদাৰ পত্নী নীতাও। সেয়ে নীতাই পুৱা উঠাৰ পৰা নিশা শুৱালৈকে বিলাসবহুল এক জীৱন। বহুকেইটা সংস্থাই দাবী কৰা মতে, নীতাৰ পুৱা আৰম্ভ হয় কেইবালাখ টকীয়া একাপ চাহেৰে। যি কাপত চাহ খাই সেই কাপৰ দাম ৩ লাখ টকা। বিশেষ কাপটো অনা হৈছে জাপানৰ পৰা।
জাপানৰ এক ঐতিহাসিক বাচন নিৰ্মাণ কৰা কাৰখানাত নিৰ্মাণ কৰা হৈছে নীতাই ব্যৱহাৰ কৰা কাপটো। কাপৰ বিশেষ এটা চেট তাৰপৰাই অনাইছিল নীতাই। সেই চেটটোৰ দাম হৈছে প্ৰায় ডেৰ কোটি টকা। বিশেষ কাপৰ চেটটো নিৰ্মাণ কৰা হৈছে ২২ কেৰেট সোন আৰু প্লেটিনামেৰে। ইপিনে নীতা আম্বানীয়ে ব্যৱহাৰ কৰা হেণ্ডবেগেও লাভ কৰিছিল বিশেষ চৰ্চা। ঘৰিয়ালৰ ছালেৰে তৈয়াৰী বিশেষ বেগটোৰ দাম প্ৰায় ২ কোটি ৬ লাখ। ২০১৭ চনতেই সেই বেগটো ব্ৰিটেইনত নিলামত উঠিছিল।
হাতঘড়ীৰ পৰা আৰম্ভ কৰি জোতা, পোছাক সকলোতেই নীতাৰ আছে বিশেষ পছন্দ। দামি দামি সামগ্ৰীৰে ভৰি আছে এণ্টিলিয়া। নীতাই এযোৰ জোতা দ্বিতীয়বাৰ কাহানিও নিপিন্ধে। পোছাকৰ ক্ষেত্ৰতো একেই নিয়ম মানি চলে নীতা আম্বানীয়ে। মুম্বাইৰ আৰৱ সাগৰৰ পাৰত অৱস্থিত ৰাজপ্ৰসাদ এণ্টিলিয়াত নীতাৰ আছে এই সমূহ সংগ্ৰহ। এণ্টিলিয়া বিশ্বৰ বিলাসবহুল প্ৰাসাদসমূহৰ ভিতৰত এটা। নীতাই খোৱা পানীও এলাপেছা নহয়। নীতাই পিয়াহ দূৰ কৰিবৰ বাবে খোৱা পানীখিনি বিশ্বৰ সকলোতকৈ দামী পানী বুলি তেওঁৰ ঘনিষ্ঠ সূত্ৰই দাবী কৰে। নীতাই খোৱা পানী আহে সুদূৰ ফ্ৰান্সৰ পৰা। সেই পানীৰ এবটলৰ দাম ভাৰতীয় মুদ্ৰাত ৪৪ লাখ টকা। নীতাৰ বাবে অহা পানীত সোনৰ ছাই মিহলোৱা থাকে। ৫ গ্ৰাম স্বৰ্ণভস্ম এই পানী অতি স্বাস্থ্যকৰ। সেয়ে এই পানীৰ দাম বেছি।
নীতাই এই বিলাসী জীৱন বিবাহসূত্ৰেই লাভ কৰিছে। মুকেশ আম্বানীৰ সৈতে বিবাহ কৰোৱাৰ পূৰ্বে নীতা আছিল অইন ১০গৰাকী মধ্যবিত্ত নাৰীৰ দৰেই সাধাৰণ। ১৯৮৫ চনত ২২ বছৰ বয়সত ধীৰুভাই আম্বানীৰ সন্তান মুকেশ আম্বানীৰ সৈতে বিবাহ কৰোৱাই নীতাই। নীতাই সাধাৰণ এক গুজৰাটি পৰিয়ালত জন্মগ্ৰহণ কৰিছিল। বিবাহৰ পূৰ্বে নীতাৰ সম্পূৰ্ণ নাম আছিল নীতা দালাল। তেওঁৰ পিতৃ ৰবীন্দ্ৰভাই দালাল আদিত্য বিৰালা গোষ্ঠীত কৰ্মৰত এজন কৰ্মচাৰী আছিল। নীতাৰ মাতৃ পূৰ্ণিমা দালাল আছিল সাধাৰণ গৃহবধূ। বিবাহৰ পূৰ্বে নীতাই এখন স্কুলত শিক্ষকতা আছিল।
মুকেশ আম্বানীৰ সৈতে বিবাহৰ পাছতো নীতাই নিজৰ পেছা এৰি দিয়া নাছিল। নীতাৰ আৰু এটা বিশেষ প্ৰতিভা হৈছে তেওঁ নৃত্য কৰিব পাৰে। ভাৰতনাট্যমত ডিগ্ৰীধাৰী নীতাই নৃত্য শিকিছিল ৬ বছৰ বয়সৰ পৰাই। পাছলৈ তেওঁ এগৰাকী পেছাদাৰী নৃত্যশিল্পী হিচাপেও অনুষ্ঠান পৰিবেশন কৰিছিল। মুকেশ আম্বানীৰ একাধিক ব্যৱসায়ত নীতাৰ শ্বেয়াৰ আছে। নিজস্ব ভাৱেও নীতাই একাধিক সংস্থা আৰম্ভ কৰিছে। ৰিলায়েন্স ফাউণ্ডেচনৰ পৰা আৰম্ভ কৰি ধীৰুভাই আম্বানী আন্তৰ্জাতিক স্কুলৰ দায়িত্বও নীতাৰ হাততেই আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
