আশীৰ দশকত দক্ষিণ ভাৰতীয় চিনেমাৰ অন্যতম চিনাকি মুখ আছিল নিশা। ৰজনীকান্ত, কমল হাছান,আৰু মোহনলালৰ দৰে উদ্যোগৰ কেইজনমান ডাঙৰ তাৰকাৰ বিপৰীতে অভিনয় কৰিছিল। কিন্তু এই গ্লেমাৰৰ আঁৰত আছিল বিশ্বাসঘাতকতা, আৰ্থিক ধ্বংস আৰু নিসংগতাৰ এক কৰুণ কাহিনী, যিয়ে শেষত অকাল মৃত্যুলৈ লৈ গৈছিল।
তামিলনাডুত জন্মগ্ৰহণ কৰা নিশা নূৰে প্ৰায় আকস্মিকভাৱে চলচ্চিত্ৰ জগতত প্ৰৱেশ কৰা বুলি কোৱা হয়। ১৯৮০ চনত তামিল ছবি মংগলা নায়াগীৰ জৰিয়তে অভিনয়ত আত্মপ্ৰকাশ কৰে আৰু অতি সোনকালেই সমগ্ৰ তামিল, মালয়ালম, তেলেগু আৰু কানাড়া চিনেমাত নিজকে প্ৰতিষ্ঠা কৰে। আশীৰ দশক আৰু নব্বৈৰ দশকৰ আৰম্ভণিতে টিক টিক টিক, শ্ৰী ৰাঘবেন্দ্ৰ, কল্যাণ আগথিগাল, আয়েৰ দ্য গ্ৰেট, দেৱাসুৰম, আৱল সুমংগলিথান, ইনিমাই ইধো ইধো, ইলামাই কোলাম আৰু এনাক্কাগা কাথিৰুকে ধৰি কেইবাখনো উল্লেখযোগ্য ছবিত অভিনয় কৰিছিল।
বছৰবোৰ পাৰ হৈ যোৱাৰ লগে লগে ছবিৰ অফাৰ কমিবলৈ ধৰিলে। কেৰিয়াৰৰ গতি লেহেমীয়া হোৱাৰ লগে লগে নিশাই গুৰুতৰ আৰ্থিক অসুবিধাৰ সন্মুখীন হ’বলগীয়া হয়। বিভিন্ন সংবাদ মাধ্যমত প্ৰকাশ পোৱা বাতৰি অনুসৰি তাই জীৱন নিৰ্বাহৰ বাবে সংগ্ৰাম কৰি আছিল আৰু পৰিয়াল বা চলচ্চিত্ৰ জগতৰ পৰাও বিশেষ সমৰ্থন লাভ কৰা নাছিল।
ৰিপ’ৰ্টত দাবী কৰা হৈছে যে তেওঁৰ আস্থাৰ সুযোগ লোৱা বুলি অভিযোগ উত্থাপন কৰা এজন চলচ্চিত্ৰ প্ৰযোজকৰ প্ৰেমত পৰিছিল। অনুমান কৰা হৈছে যে প্ৰযোজকগৰাকীয়ে তেওঁক পৰিত্যাগ কৰাৰ আগতে তেওঁৰ সকলো সঞ্চয়ৰ ধন শেষ কৰি পেলাইছিল, যাৰ ফলত তেওঁ ভয়াৱহ আৰ্থিক সংকটত পৰিছিল। অৱস্থাৰ অৱনতি ঘটাৰ লগে লগে তাইক বেশ্যাবৃত্তি কৰিবলৈ বাধ্য কৰা হ’ল।
বছৰ বছৰ পিছত নিশা নূৰক তামিলনাডুৰ এটা মন্দিৰৰ বাহিৰত ৰাজপথত বাস কৰা দেখা গৈছিল। জানিব পৰা মতে, তামিল বেচৰকাৰী সংস্থা এটাই উদ্ধাৰ কৰি চিকিৎসাৰ বাবে চিকিৎসালয়ত ভৰ্তি কৰে। চিকিৎসা পৰীক্ষাৰ সময়ত চিকিৎসকে তেওঁৰ এইচ আই ভি/এইডছ পজিটিভ বুলি ধৰা পৰে। তেতিয়ালৈকে তেওঁৰ অৱস্থা যথেষ্ট অৱনতি ঘটিছিল।
চিকিৎসা গ্ৰহণ কৰাৰ পিছতো ২০০৭ চনত এইডছ সম্পৰ্কীয় জটিলতাৰ বাবে নিশা নূৰৰ মৃত্যু হয়।তেতিয়া তেওঁৰ বয়স মাত্ৰ ৪৫ বছৰ বুলি জানিব পৰা গৈছে। নিশাই তামিল ছবি মংগলা নায়াগীৰ জৰিয়তে অভিনয়ত আত্মপ্ৰকাশ কৰে। পিছলৈ চুভাপ্পু নাদা, মিমিক্স পেৰেড, আয়েৰ দ্য গ্ৰেট, দেৱাসুৰম, ইল্লামাই কোলাম, এনাক্কাগা কাথিৰু আৰু কমল হাছানৰ টিক টিক টিক আদি ছবিত উল্লেখযোগ্য চৰিত্ৰত অভিনয় কৰি তেওঁ বিশিষ্ট স্থান লাভ কৰে। ভিছুৱেৰৰ আৱল সুমঙ্গলিথান, ৰজনীকান্তৰ শ্ৰী ৰাঘবেন্দ্ৰ আৰু বালাচন্দৰৰ কল্যাণ আগথিগাল আদি ছবিতো অভিনয় কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
