অসম লাইভ২৪ঃ কৰ্ণাটকত এইবাৰ পদুম এৰি হাতত ধৰিছে জনতাই৷ সমীক্ষাক সঁচা কৰি একক সংখ্যাগৰিষ্ঠতাৰ দিশেৰে আগবাঢ়িছে কংগ্ৰেছ দল৷ বৰ্তমানলৈ ১৩৩ খন আসনত কংগ্ৰেছ আগুৱাই থকাৰ বিপৰীতে ৬৬ খন আসনত বিজেপি আগবাঢ়িছে৷ জেডিএছে ২২ খন আসনত আগবাঢ়ি থকাৰ বিপৰীতে অন্যান্যই ৫খন আসনত আগবাঢ়ি আছে৷
নিৰ্বাচন কমিছনে প্ৰকাশ কৰা অনুসৰি বৰ্তমানলৈ কংগ্ৰেছ দলে লাভ কৰিছে ৪৩.৯৩ শতাংশ ভোট৷ কৰ্ণাটক বিধানসভা নিৰ্বাচনত কংগ্ৰেছে চৰকাৰ গঠনৰ দিশে আগবঢ়াৰ সময়তে কংগ্ৰেছ কৰ্মীসকলৰ মাজত দেখা গৈছে ব্যাপক উৎসাহ উদ্দীপনা৷ শনিবাৰে পুৱা ৮ বজাৰ পৰা আৰম্ভ হৈছে ভোটগণনা৷ ৰাজ্যখনৰ ৩৬ টা ভোটগণনা কেন্দ্ৰত চলিছে ভোটগণনা৷ বিগত বুধবাৰে অনুষ্ঠিত ভোটগ্ৰহণ প্ৰক্ৰিয়াত ৭৩.২ শতাংশই ভোটদান কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
