অসম লাইভ২৪ঃ উচ্চতম ন্যায়ালয়ে শুকুৰবাৰে মোদী উপাধিৰ গোচৰত কংগ্ৰেছ অধ্যক্ষ ৰাহুল গান্ধীৰ সপক্ষে ৰায় প্ৰদান কৰাৰ পাছতেই পূৰ্ণেশ মোদীয়ে কৰিছে বিশেষ মন্তব্য৷ পুৰ্ণেশ মোদীয়ে উচ্চতম ন্যায়ালয়ৰ ৰায়ৰ পাছতেই কয়, ‘ৰাহুল গান্ধীয়ে অ’বিচি সম্প্ৰদায়ক অপমান কৰিছিল। এতিয়া ৰাহুল গান্ধীয়ে অন্তৱৰ্তীকালীন সকাহহে পাইছে। আইনী যুঁজ অব্যাহত থাকিব। ২০১৯ চনত কৰ্ণাটকৰ কোলাৰত এখন ৰাজহুৱা সভাত তদানীন্তন কংগ্ৰেছ সভাপতি ৰাহুল গান্ধীয়ে অ’বিচি সম্প্ৰদায়ৰ লগতে মোদী উপাধিক অপমান কৰিছিল। সেই সময়ত, আমি চুৰাটৰ বিচাৰ আদালতত এখন আবেদন দাখিল কৰিছিলো। ২০২৩ চনত, আদালতৰ সকলো আইনী প্ৰক্ৰিয়াৰ পিছত ৰাহুল গান্ধীক ২ বছৰৰ বাবে কাৰাদণ্ড কৰা হৈছিল। তাৰপিছতেই ৰাহুল গান্ধীয়ে সত্ৰ আদালতত স্থগিতাদেশৰ বাবে এখন আবেদন দাখিল কৰে। কিন্তু তাতো, ৰায় আমাৰ পক্ষত আহিল। পিছত, ৰাহুল গান্ধীয়ে গুজৰাটৰ উচ্চ ন্যায়ালয়ত শাস্তি স্থগিত ৰখাৰ বাবে এখন আবেদন দাখিল কৰে। আমি তাতো জিকিছিলো। কিন্তু আজি, উচ্চতম ন্যায়ালয়ে ৰাহুল গান্ধীৰ দোষী সাব্যস্ত হোৱাত স্থগিতাদেশ দিছে। আমি এই আইনী প্ৰক্ৰিয়াক স্বাগতম জনাইছো। কিন্তু আমাৰ আইনী যুঁজ অব্যাহত থাকিব।’
থোৰতে পূৰ্ণেশ মোদী কোন?
পূৰ্ণেশ মোদীও প্ৰধানমন্ত্ৰী মোদীৰ দৰেই খুবেই দুখীয়া পৰিয়ালৰ সন্তান৷ পূৰ্ণেশ মোদীয়েও নৰেন্দ্ৰ মোদীৰ দৰেই চাহ বিক্ৰী কৰিছিল। তেওঁৰ জন্ম ১৯৬৫ চনৰ ২২ অক্টোবৰত চুৰাটত৷ তেওঁৰ পত্নীৰ নাম বিনাবেন। B.Comৰ বাহিৰেও তেওঁৰ এলএলবিৰ ডিগ্ৰীও গ্ৰহণ কৰিছিল৷ পূৰ্ণেশ মোদী নিজেও পেছাত এজন অধিবক্তাই৷ পূৰ্ণেশ মোদীয়ে ৰাজনীতিত প্ৰৱেশ কৰিছিল ২০১২ চনত। তেওঁ ২০১২ চনৰ উপ-নিৰ্বাচনত চুৰাট পশ্চিম বিধানসভা আসনত জয়ী হয়। ২০২২ চনৰ ডিচেম্বৰত অনুষ্ঠিত নিৰ্বাচনত পূৰ্ণেশ তৃতীয়বাৰৰ বাবে বিধায়ক হয়। পূৰ্ণেশ মোদীয়ে বিজেপি দলৰ হৈ বুথ আহ্বায়কৰ পৰা চুৰাট গোটৰ মুৰব্বীলৈ পদবীৰ সালসলনি হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
