অসম লাইভ২৪ঃ ভাৰত ভ্ৰমণ সামৰাৰ শেষ নিশা শ্বাহৰুখৰ মন্নতত পাৰ্টী কৰি ভাৰত এৰিলে ফুটবলাৰ ডেভিড বেকহামে। শ্বাহৰুখৰ পূৰ্বে অভিনেত্ৰী চনম কাপূৰ আৰু তেওঁৰ স্বামী আনন্দ আহুজাই আয়োজন কৰা বিশেষ পাৰ্টীত অংশগ্ৰহণ কৰিছিল বেকহামে। ইয়াৰোপৰি তেওঁ নিমন্ত্ৰণ লাভ কৰিছিল আম্বানীৰ এণ্টেলিয়ালৈকো। সকলোবোৰৰ নিমন্ত্ৰণ ৰক্ষা কৰাৰ শেষত শেষ নিশা তেওঁ মন্নতত উপস্থিত হয়। সকলোৱে ৰাজকীয় পাৰ্টীৰে আপ্যায়িত কৰিছিল ফুটবলাৰ বেকহামক। তেওঁ ভালপোৱা ধৰণেই সকলোবোৰ আয়োজনো কৰিছিল। কিন্তু দেশ এৰাৰ পূৰ্বে কিং খানে সলাই দিলে পাৰ্টীৰ মজা।
বেকহামে ভাৰতৰ পৰা উভতি গৈয়েই সামাজিক মাধ্যমত শ্বেয়াৰ কৰিছে বিশেষ পোষ্ট। সকলোৱে তেওঁৰ বাবে আয়োজন কৰা ৰাজকীয় পাৰ্টীৰ ধন্যবাদ দিলেও শ্বাহৰুখ আৰু গৌৰী খানৰ আতিথ্যকহে পোষ্টযোগে প্ৰশংসা কৰিছে বেকহামে। দেশলৈ উভতি গৈয়েই তেওঁ ৰিটাৰ্ণ পাৰ্টীৰ বাবে শ্বাহৰুখক নিজক ঘৰলৈ আমন্ত্ৰণ জনালে। বেকহাম ভাৰতলৈ আহিছিল ইউনিছেফৰ প্ৰচাৰক হিচাপে। বেছ কিছু দিন তেওঁ গুজৰাটত কটায়। বুধবাৰে ৱানখেড়ে ষ্টেডিয়ামত বহি ভাৰত বনাম নিউজিলেণ্ডৰক ছেমি ফাইনেলো উপভোগ কৰে বেকহামে। বানখেড়ত মেচ উপভোগ কৰাৰ পাছতেই তেওঁ আনন্দ আহুজা আৰু চনম কাপূৰৰ ঘৰত উপস্থিত হয়। সেই পাৰ্টীত একাধিক বলীউড তাৰকাও উপস্থিত থাকে। কিন্তু সকলোৰে শেষত শ্বাহৰুখে তেওঁৰ ঘৰত পৃথকে আমন্ত্ৰণ জনাই বেকহামক।
বৃহস্পতিবাৰে নিশা পাৰ্টী কৰি শুকুৰবাৰে নিজৰ এক্স একাউণ্টত বেকহামৰ সৈতে তুলা ফটো শ্বেয়াৰ কৰিছে শ্বাহৰুখে। শুকুৰবাৰেই তেওঁ মুম্বাই এৰে। মুম্বাইত থকা দিনকেইটা সোঁৱৰি তেওঁ লিখিছে, ‘প্ৰায় প্ৰতিটো দিনেই মোৰ ব্যস্ততাৰে পাৰ হ’ল। মায়ানগৰীৰ খ্যাতনামা শিল্পীসকলৰ সৈতে সময় কটাই খুবেই সুখী। এই সকলোবোৰৰ মাজত মই বাদশ্বাহে দিয়া পাৰ্টী, তেওঁৰ আতিথ্যত মই খুবেই সুখী।’ ইয়াৰোপৰি শ্বাহৰুখক ধন্যবাদ জনাই বেকহামে লিখিছে, ‘তোমাৰ দৰে এজন মানুহৰ ঘৰত অতিথি হিচাপে নিমন্ত্ৰিত হৈ মই খুবেই সুখী। প্রথমবাৰ মই ভাৰতলৈ গৈছিলো। ধন্যবাদ বন্ধু। তোমাক আৰু তোমাৰ পৰিয়ালৰ সকলোকে মোৰ ঘৰলৈকো নিমন্ত্ৰণ জনালো। শেষত চনম আৰু আনন্দক টেগ কৰি বেকহামে লিখিছে, ‘তোমালোকে মোক যেনেদৰে ঘৰলৈ স্বাগত জনালা, তোমালোক সঁচায়ে ভাল মনৰ মানুহ। মোক ইমান সুন্দৰ সন্ধ্যা উপহাৰ দিয়াৰ বাবে তোমালোকক অশেষ ধন্যবাদ।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
