অসম লাইভ২৪ঃ বিশ্বকাপ শেষ হ’ল। ট্ৰফী হাতত তুলি অষ্ট্ৰেলিয়ান দলো এতিয়া বিজয় উদযাপনত ব্যস্ত। আয়োজক দেশ ভাৰতে বহু প্ৰত্যাশাৰ অন্ততো ট্ৰফী তুলি ল’ব নোৱাৰাৰ দুখত কোনোৱে যদি চকুলো টুকিছে, কোনোৱে আকৌ ভাৰতীয় দলটোকেই সমালোচনা কৰিছে। দেওবাৰে আহমেদাবাদৰ নৰেন্দ্ৰ মোদী ষ্টেডিয়ামত এই মেচ আয়োজন কৰা হৈছিল। এই মেচ উপভোগ কৰিবলৈ বিভিন্ন দেশৰ তাৰকা উপস্থিত হোৱাৰ লগতে বলীউডৰ তাৰকা, প্ৰাক্তৰ ক্ৰিকেটাৰ সকলোৱেই উপস্থিত আছিল।
এই টুৰ্নামেণ্টলৈ ভাৰতৰ বিশ্বকাপজয়ী ক্ৰিকেটাৰসকলক আমন্ত্ৰণ জনোৱা হৈছিল। সকলোকে আমন্ত্ৰণ জনালেও আমন্ত্ৰণ লাভ কৰা নাছিল কপিল দেৱে। ১৯৮৩ চনৰ বিশ্বকাপজয়ী অধিনায়ক কপিল দেৱৰ অভিযোগ যে এই টুৰ্নামেণ্টৰ ফাইনেল চাবৰ বাবে তেওঁক কোনোৱে আমন্ত্ৰণ জনোৱা নাছিল। কপিল দেৱক আমন্ত্ৰণ নজনালেও ৰাজনীতিৰ পৰা বলীউডলৈ একাধিক তাৰকাক আমন্ত্ৰণ জনাইছিল আয়োজক সংস্থাই।
তাৰকাসকলৰ ভিতৰত বলীউড অভিনেতা ৰণবীৰ সিঙকো দেখা গৈছে ফাইনেলত। ৮৩ চিনেমাত তেওঁ কপিল দেৱৰ ভূমিকাত অভিনয় কৰিছে। ভাৰতীয় ক্ৰিকেট দলৰ জাৰ্ছিত তেওঁক ভিআইপি আসনত দেখা গৈছে। কাষতে আছিল তেওঁৰ পত্নী দীপিকা পাডুকনো। কপিল দেৱৰ অভিযোগৰ পাছতেই একাধিক দৃশ্য ভাইৰেল হৈছে। এক্স হেণ্ডেলত ভাইৰেল ভিডিঅ’ দেখি খঙৰ ফাটিছে বহুসংখ্যক ক্ৰিকেট অনুৰাগীও। এই কাৰ্যৰ বাবে বিচিচিআইৰ সচিব জয় শ্বাহক তুমুৱ সমালোচনাও কৰিছে। ভাইৰেল হৈছে একাধিক মিমো।
আমন্ত্ৰণ নজনোৱাক লৈ কি কৈছে কপিল দেৱে?
এটা টেলিভিছন চেনেলক ইণ্টাৰভিউ দিবলৈ ভাৰতীয় ক্ৰিকেট দলৰ প্ৰাক্তন অধিনায়কে কৈছে, ‘মোক আমন্ত্ৰণ জনোৱা নহ’ল। তেওঁলোকে মোক আমন্ত্ৰণ নজনোৱাৰ বাবেই মই ষ্টেডিয়ামলৈ নগ’লো। মই বিচাৰিছিলো ১৯৮৩ৰ বিশ্বকাপ দলৰ সমূহ সদস্যই ইয়াত থাকক। কিন্তু মই আক্ষেপ কৰা নাই, ভাৱিছো ডাঙৰ অনুষ্ঠানৰ আয়োজন কৰোতে এনে সৰু সৰু ভুল হোৱাটো স্বাভাৱিক।’
উল্লেখ্য যে, মেচৰ কথালৈ যদি চাওঁ অষ্ট্ৰেলিয়াৰ ক্ৰিকেট দলৰ অধিনায়ক পেট কামিন্সে টছত জিকি প্ৰথমে ফিল্ডিং কৰাৰ সিদ্ধান্ত লয়। প্ৰথমে বেট ধৰি ভাৰতীয় ক্ৰিকেট দলে ৫০ অভাৰত ২৪০ ৰান লয়। বিৰাট কোহলি আৰু কে এল ৰাহুলক বাদ দি কোনো এজনেও হাফ চেঞ্চুৰী কৰিব নোৱাৰিলে। ইফালে পেট কামিন্সে ১৩৭ ৰান কৰি অষ্ট্ৰেলিয়াৰ জয়ৰ ৰাস্তা মসৃণ কৰি দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
