অতিকে শোকাৱহ, দুৰ্ঘটনাত একেলগে নিহত ধুবুৰীৰ ৪ গৰাকী লোক
ধুবুৰী গৌৰীপুৰত পুৱতি নিশা অতিকে শোকাৱহ পথ দুৰ্ঘটনা। যি দুৰ্ঘটনাত থিতাতে নিহত এগৰাকী যুৱতীসহ চাৰিগৰাকী লোক। এখন চাৰিচকীয়া বাহনে গছত খুন্দা মৰাৰ ফলতে সংঘটিত হয় এই দুৰ্ঘটনাটো।
যাৰ ফলতে ঘটনাস্থলীতে ৪ গৰাকী লোকৰ মৃত্যু হয়। বাহনখনত এগৰাকী মহিলা আৰু তিনিজন পুৰুষ আছিল। চাৰিচকীয়া বাহন খনৰ নম্বৰ- AS01BP- 1557.
চালক ছাহিল আহমেদ (২১), ছাহিদ খন্দকাৰ (২২), নুৰ আমিন (২১) তিনিওৰে ঘৰ ধুবুৰী চহৰত বুলি পৰিচয় উদ্ধাৰ গৌৰীপুৰ আৰক্ষীৰ । পাছে বৰ্তমানেও যুৱতী গৰাকীৰ পৰিচয় উদ্ধাৰ হোৱা নাই।
গৌৰীপুৰ বটেৰতল ১৭ নং ৰাষ্ট্ৰীয় ঘাইপথত পুৱতি নিশা সংঘটিত হয় এই ভয়ংকৰ পথ দুৰ্ঘটনা। পাণবাৰীৰ পৰা ধুবুৰী অভিমুখী চাৰিচকীয়া বাহনখনে নিয়ন্ত্ৰণ হেৰুৱাই এডাল প্ৰকাণ্ড গছত খুন্দা মৰা বুলি সন্দেহ।
ঘটনাস্থলীৰ পৰা আৰক্ষীয়ে মৃতদেহ উদ্ধাৰ কৰি ধুবুৰী মেডিকেল কলেজ হাস্পতাললৈ নিয়ে। সম্প্ৰতি ঘটনা সন্দৰ্ভত গৌৰীপুৰ আৰক্ষীয়ে তদন্ত অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
