অসম লাইভ২৪ঃ পৃথিৱীৰ এটা কোণত দৈনিক সোণৰ বৰষুণ। এয়া সপোন নহয় বাস্তৱয বৰফে ঢকা এলেকাৰ মাজত আগ্নেয়গিৰি। লাভা আকাৰে ওলাই আছে সোণ। এটুকুৰা দুটুকুৰা নহয় দৈনিক প্ৰায় ৮০গ্ৰামকৈ সোণ ওলাই এই আগ্নেয়গিৰিৰ পৰা। যাৰ দাম ভাৰতীয় মুদ্ৰাত প্ৰায় ৫লাখৰো অধিক।
নিউয়ৰ্ক টাইমছৰ প্ৰতিবেদন অনুসৰি মাউণ্ট এৰিবাছৰ পৰা দৈনিক এনেকৈ ছিটিকি ওলাইছে সোণ। এই দাবী বিজ্ঞানীয়ে কৰিছে। পৃথিৱীৰ অন্যতম সক্ৰিয় আগ্নেয়গিৰিটোৰ পৰা দৈনিক লাভা আকাৰে ওলাই আছে সোণ।
এণ্টাৰ্কটিকাত আছে এই আগ্নেয়গিৰি। পৃথিৱীৰ দক্ষিণ প্ৰান্তত আছে এই আগ্নেয়গিৰি। ৰিপৰ্ট অনুসৰি এই এৰিবাথ আগ্নেয়গিৰিৰ পৰা গেছ, শিল বাষ্পৰ সৈতে ছিটিকি পৰে সোণ। এৰিবাছৰ পৰা ৯৯৯ কিঃমিঃ দূৰত্ব পৰ্যন্ত বিয়পি পৰিছে লাভা। লাভা পৰীক্ষা কৰিয়েই বিজ্ঞানীয়ে দিছে এই তথ্য। সোণ ওলোৱাৰ তথ্য পালেও এতিয়ালৈকে সেই সোণৰ কাষ চাপিব পৰা নাই কোনো ব্যক্তি।
প্ৰায় হাজাৰ কিঃমিঃ দূৰত্বত ৰৈ বিজ্ঞানীয়ে পৰ্যবেক্ষণ কৰিছে এই লাভা। কিন্তু কিয় সেই আগ্নেয়গিৰিৰ কাষ চাপিব পৰা নাই বিজ্ঞানী? বিজ্ঞানীৰ একাংশই প্ৰকাশ কৰা মতে তাপমাত্ৰাৰ বাবেই ইয়াৰ কাষ চাপিব নোৱাৰি। এৰিবাছ আগ্নেয়গিৰি যত আছে তাৰ তাপমাত্ৰা প্ৰায় সময়তে মাইনাছ ৫০ ডিগ্ৰী ছেলচিয়াছৰ তলত থাতে। যাৰ বাবে এই স্থানত মানুহ যোৱা নিৰাপদ নহয়।
এই স্থানত ঠাণ্ডাৰ বাবেই মানুহৰ মৃত্যু পৰ্যন্ত হ’ব পাৰে। ৰস সাগৰৰ মাজত ৰস দ্বীপ। সেই ৰস দ্বীপতেই আছে মাউণ্ট এৰিবাছ। ১৮৪১ চনত কেপ্টেইন ছাৰ জেমছ ক্লাৰ্ক ৰসে এই দ্বীপ আৱিষ্কাৰ কৰিছিল। তেওঁৰ নামেৰেই এই দ্বীপ নামকৰণ কৰা হৈছে। এণ্টাৰ্কটিকাত প্ৰায় ১৩৮ টা আগ্নেয়গিৰি আছে। তাৰ মাজৰেই ৯টা আগ্নেয়গিৰি সক্ৰিয়। তাৰ মাজতেই উচ্চতম হৈছে মাউণ্ট এৰিবাছ। ইয়াৰ উচ্চতা প্ৰায় ৩৭৯৪ মিটাৰ অৰ্থাৎ ১২,৪৪৮ ফুট।নাছাৰ পৃথিৱী পৰ্যবেক্ষণকাৰী উপগ্ৰহে জনোৱা অনুসৰি, পাতল ভূত্বকৰ ওপৰত আছে মাউণ্ট এৰিবাছ আগ্নেয়গিৰি।
বিজ্ঞানীয়ে ধাৰণা কৰা অনুসৰি এই আগ্নেয়গিৰিৰ দৰে আগ্নেয়গিৰি বহু বিৰল। ভিতৰত জ্বলন্ত লাভা অন্যহাতে আগ্নেয়গিৰিৰ চৌপাশ বৰফেৰে ঢকা। ইয়াৰ তাপমাত্ৰা ইমানেই কম যে অভিযানকাৰীয়ে ইয়াৰ কাষ চাপিবলৈ সাহস নকৰে। বিজ্ঞানীয়েও এই স্থানলৈ যাবলৈ সাহস নকৰে। এই ভৌগোলিক অৱস্থানৰ কাৰণে মাউণ্ট এৰিবাছক লৈ গৱেষণাত সমস্যাই দেখা দিছে। এই স্থানত সোণৰ সন্ধান পালেও সেই স্থানত উপস্থিত হৈ সোণ উদ্ধাৰ কৰা সহজ নহয়।
মাউণ্ট এৰিবাছ আগ্নেয়গিৰিৰ ওপৰত নজৰ ৰখাৰ বাবে তৈয়াৰ কৰা হৈছে মাউণ্ট এৰিবাছ ভলকানো অৱজাৰভেটৰি। এণ্টৰ্কটিকাত পৰ্যবেক্ষণ চলাবলৈকে আছে মেকমাৰ্ডো নামেৰে এক ষ্টেচন। সেই ষ্টেচন পৰিচালনা কৰে আমেৰিকাই। তাৰ পৰাই নজৰ ৰখা হৈছে এৰিবাছৰ ওপৰত। এই মাউণ্ট এৰিবাছৰ ওপৰতেই এবাৰ ভাঙি পৰিছিল এখন বিমান। প্ৰাণ হেৰুৱাইছিল ২৫৭জনে। ১৯৭৯ চনৰ ২৮ নৱেম্বৰত সংঘটিত হৈছিল সেই ঘটনা। এয়াৰ নিউজিলেণ্ডৰ বিমান আছিল সেই বিমান। নিউজিলেণ্ডৰ একলেণ্ডৰ পৰা এন্টাৰ্কটিকাৰ বিভিন্ন স্থান পৰিভ্ৰমি আকৌ একলেণ্ডলৈ উভটি অহাৰ সময়তে এই ঘটনা। ১১ঘণ্টীয়া যাত্ৰা পথতেই সেই বিপত্তি। দুপৰীয়া ১ বজাত এই বিমান ভাঙি পৰে।
পাছলৈ উদ্ধাৰকাৰী দলে যাত্ৰীৰ কেমেৰা সেই স্থানৰ পৰা উদ্ধাৰ কৰে। কিন্তু জীৱিত অৱস্থাত এজনো লোকক উদ্ধাৰ কৰিব নোৱাৰিলে। সেই স্থানৰ পৰা উদ্ধাৰ কৰা কেমেৰাত আছিল আগ্নেয়গিৰিৰ অসংখ্য ছবি। এই ছবিতেই উদ্ধাৰ হৈছিল সোণৰ লাভা। চৌদিশে চিটিকি পৰি আছিল সোণ। সেই ছবি দেখিয়েই বিজ্ঞানীয়ে জনাইছিল যে সেই লাভাত সোণ আছে। অৱশ্যে সেই সোণ কেতিয়াবা উদ্ধাৰ কৰিব পৰা যাবনে সেই সম্পৰ্কে কোনো স্পষ্ট মন্তব্য দাঙি ধৰা নাই বিজ্ঞানীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ