অতিকে শোকাৱহ, একেটা দিনতে একেটা কোঠাতে উদ্ধাৰ পৰিয়ালৰ ৯ জন লোকৰ নিথৰ দেহ
এক অতিকে শোকাৱহ ঘটনা পোহৰলৈ আহিছে, এখন ঘৰৰে ৯ গৰাকী লোকৰ একেটা দিনতে মৃত্যু। একেটা কোঠাতে উদ্ধাৰ হয় লোককেইগৰাকীৰ নিথৰ দেহ। আৰক্ষীয়ে মৃতদেহকেইটা উদ্ধাৰ কৰাৰ পাছতে পোহৰলৈ আহে এই ঘটনা। এই ঘটনা সংঘটিত হৈছে মধ্যপ্ৰদেশত।
ৰাজ্যখনৰ ছিণ্ডৱাৰা জিলাৰ অন্তিম সীমান্তত অৱস্থিত জনজাতীয় প্ৰধান অঞ্চলৰ মহুলঝিৰ থানাৰ অন্তৰ্গত গাঁও বোদালাকছাৰত এটা জনজাতীয় পৰিয়ালৰ ৮ জন লোকক গণহত্যা কৰা হৈছে। পৰিয়ালটোৰ পুত্ৰই কুঠাৰেৰে হত্যা কৰে কেউজন সদস্যক। পিছত হত্যাকাৰী পুত্ৰই ফাঁচী দি নিজেও নিজৰ জীৱন শেষ কৰি দিয়ে।
হত্যাৰ কাৰণ বৰ্তমানলৈ জানিব পৰা হোৱা নাই, সূত্ৰৰ পৰা পোৱা তথ্য অনুসৰি, জনজাতীয় পৰিয়ালৰ এজন যুৱকে নিজৰ পিতৃ-মাতৃ, পত্নী, সন্তান আৰু ভাতৃকে ধৰি পৰিয়ালৰ ৮ জন সদস্যক কুঠাৰেৰে হত্যা কৰে, আৰু হত্যাকাণ্ড সংঘটিত কৰাৰ পিছত, নিজেও নিজকে শেষ কৰি দিয়ে।
ঘটনা কালি নিশা প্ৰায় ২ – ৩ মান বজাত সংঘটিত হোৱা বুলি আৰক্ষীৰ পৰা জানিব পৰা গৈছে। আৰক্ষীয়ে ঘটনা সন্দৰ্ভত খবৰ লাভৰ পাছতে মহুলঝিৰ আৰক্ষীয়ে ঘটনাস্থলীত উপস্থিত হয়। উপস্থিত হোৱাৰ পাছতে সমগ্ৰ গাঁওখন আৰক্ষীয়ে ছীল কৰিছে।
আৰক্ষীৰ পৰা জানিব পৰা অনুসৰি মাথো এটা সপ্তাহ পূৰ্বে ২১ মে’ত অভিযুক্তই বিবাহপাশত আবদ্ধ হৈছিল। কালিৰ ঘটনাত অভিযুক্তই প্ৰথমে পত্নীক হত্যা কৰে, তাৰ পাছত ৫৫ বৰ্ষীয় মা, ৩৫ বৰ্ষীয় ভাতৃ, ৩০ বৰ্ষীয় বৌয়েক, ১৬ বৰ্ষীয় ভগ্নী, ৫ বছৰীয়া ভতিজা আৰু দুগৰাকী কনমানি ভতিজীক কুঠাৰেৰে কাটি হত্যা কৰে।
আৰক্ষীয়ে ঘটনাস্থলীৰ পৰা কুঠাৰখন উদ্ধাৰ কৰে। লগতে ঘটনা সন্দৰ্ভত সন্দেহ কৰা অনুসৰি, হত্যাকাৰী যুৱক মানসিক বাৱে সুস্থিৰ নাছিল। তথাপি তদন্ত আব্যাহত ৰাখিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
