ছুপাৰ ৮ ত স্থান মেন ইন ব্লুৰ, বিশ্বকাপ জয়ৰ দিশে আৰু এখোজ, গ্ৰুপ এৰ দ্বিতীয়টো দল কোন ছুপাৰ ৮ত
টি-২০ বিশ্বকাপ জয়ৰ দিশে অগ্ৰসৰ হৈছে ভাৰত। কালি নিশাৰ খেলত জয় লাভ কৰাৰ পাছতে ছুপাৰ ৮ ত গ্ৰুপ এৰ পৰা প্ৰথমটো দল হিচাপে স্থান নিশ্চিত কৰিলে ভাৰতীয় ক্ৰিকেট দলে। গ্ৰুপ পৰ্যায়ৰ তৃতীয়খন মেচত আমেৰিকাৰ বিৰুদ্ধে ৭ উইকেট জয়ী হয় ভাৰতীয় দলটো।
আমেৰিকাৰ বিৰুদ্ধে বেটে-বলে দুৰ্দান্ত প্ৰদৰ্শন দাঙি ধৰে। প্ৰথম বেটি কৰি আমেৰিকাৰ সংগ্ৰহ কৰিছিল মাত্ৰ ১১০ ৰাণ। ভাৰতীয় বলিং বিক্ৰমত তাচপাতৰ দৰেকৈ খহি পৰিছিল আমেৰিকাৰ বেটিং লাইন আপ।
পৰৱৰ্তী সময়ত ভাৰতে বেটিং কৰি প্ৰথম ৮ অ’ভাৰতে ৩টা উইকেট হেৰুৱাই যদিও সূৰ্য কুমাৰ যাদৱ আৰু শিৱম ডুবেৰ দৰ্শনীয় বেটিঙৰ ফলত ভাৰতে ১০টা বল বাকী থাকোতে নিৰ্ধাৰিত লক্ষ্যত উপনীত হয়।
ভাৰতৰ হৈ সূৰ্য কুমাৰ যাদৱে ৪৯টা বলত ৫০ ৰাণৰ দুৰ্দান্ত অৰ্ধশতক অৰ্জন কৰে। শিৱম ডুবেও ৩৫টা বলত ৩১ ৰাণ প্ৰয়োজনীয় ৰাণ সংগ্ৰহ কৰে।
পাছে এতিয়া গ্ৰুপ এৰ পৰা আৰু কোনটো দলে ছুপাৰ ৮ ত স্থান লাভ কৰে সেয়াহে লক্ষ্য কৰিব লগীয়া। কিয়নো এফালে যদি এইবাৰৰ বিশ্বকাপত অভিষেক ঘটোৱা আমেৰিকা , আনফালে পাকিস্তান। অৱশ্যে এই ক্ষেত্ৰত আমেৰিকাৰ নাম অধিক উচ্চাৰিত হৈ আছে। নতুন হলেও সুন্দৰ ফৰ্মত আছে আমেৰিকা, লগতে পাকিস্তানতকৈ ২ পইণ্ট আগত আছে।
অৱশ্যে এতিয়াও কব নোৱাৰি কোন দলে ছুপাৰ ৮ত স্থান লাভ কৰে। এতিয়াও কেইখন মান খেল বাকি। ইয়াত সমীকৰণো আছে ভিন্ন। ছুপাৰ ৮ত স্থান পাবলৈ হলে পাকিস্তানে বাকি থকা খেলত জয়ী হব লাগিব। লগতে অন্য দলৰ জয়-পৰাজয়ৰ ওপৰতো নিৰ্ভৰ কৰিব ইয়াৰ সমীকৰণ।
কিন্তু যদিহে এইবাৰ আমেৰিকাই ছুপাৰ ৮ত স্থান লাভ কৰে তেন্তে সেয়া হৈ পৰিব এক ইতিহাস। অভিষেক খেলতে এই সফলতা পাব দলটোৱে। উল্লেখ্য যে, আমেৰিকাৰ দলটোত অধিক সংখ্যক ভাৰতীয় খেলুৱৈ।
এতিয়ালৈকে ছুপাৰ ৮ত স্থান লাভ কৰা দল কেইটা হৈছে- গ্ৰুপ এৰ পৰা ভাৰত, গ্ৰুপ বিৰ পৰা অষ্ট্ৰেলিয়া, গ্ৰুপ ডিৰ পৰা দক্ষিণ আফ্ৰিকা। পাছে এতিয়ালৈকে গ্ৰুপ চিৰ পৰা কোনো এটা দলে ছুপাৰ ৮ত স্থান পোৱা নাই। দৌৰত আছে আফগানিস্তান আৰু ৱেষ্ট ইণ্ডিজ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
