মালিগাঁৱত বস্তাৰ ভিতৰত উদ্ধাৰ হোৱা ৰঘুৰ আজি মৰণোত্তৰ পৰীক্ষা, ৰহস্যঘন হৈ পৰিছে ঘটনা
আজি সম্পন্ন হ’ব মালিগাঁৱত বস্তাৰ ভিতৰত উদ্ধাৰ হোৱা ৰঘুৰ মৰণোত্তৰ পৰীক্ষা। পৰিয়ালৰ মতে এইয়া এক হত্যাকাণ্ড। অধিক ৰহস্যঘন হৈ পৰিছে ঘটনা। পত্নীৰ বাৰে বাৰে দাবী এয়া দেখদেখকৈ হত্যাকাণ্ড।
গুৱাহাটীৰ মালিগাঁৱত এটা বস্তাৰ ভিতৰত বৃহস্পতিবাৰে ১১ জুলাই তাৰিখে পুৱা উদ্ধাৰ হৈছিল মৃতদেহটো। পাছত সেই মৃতদেহটো উত্তৰ প্ৰদেশৰ ৰঘুবেন্দ্ৰ কুমাৰ গুপ্ত ওৰফে ৰঘুৰ বুলি পৰিচয় উদ্ধাৰ।
ঘটনা সন্দৰ্ভত পত্নীয়ে কয় যে, কাৰোৰে সৈতে কোনো ধৰণৰ শত্ৰুতা নাছিল ৰঘুবেন্দ্ৰ তথা ৰঘুৰ। স্বভাৱত একেবাৰে শান্ত আছিল। উত্তৰ প্ৰদেশৰ পৰা গুৱাহাটীলৈ ব্যৱসায়ৰ কামত আহিছিল। আৰু গুৱাহাটীতে শেষ হৈ যায়।
মৃত ৩২ বছৰীয়া ৰঘুৰ পৰিয়াল উত্তৰ প্ৰদেশৰ বলিয়া জিলাত থাকে। বিবাহিত ৰঘুৰ এগৰাকী কনমানি কন্যাৰ লগতে অন্তঃসত্ত্বা পত্নী আছিল।
আৰক্ষীয়ে কালি মৃতদেহ উদ্ধাৰৰ পাছতে মৃতদেহ সন্দৰ্ভত দিয়া ভাষ্য অনুসৰি, মৃতদেহটোৰ উৱলি যোৱা অৱস্থা দেখি তিনিদিন পূৰ্বেই মৃত্যু হোৱাৰ সন্দেহ।
অতি নৃশংস অৱস্থাত উদ্ধাৰ হৈছিল ৰঘুৰ মৃতদেহটো। উৱলি যোৱা মৃতদেহটোৰ শৰীৰত নাছিল এখনো কাপোৰ। শৰীৰৰ পৰা উলিয়াই দিয়া হৈছিল চকু। লগতে কাটি পেলোৱা হৈছিল ডাঢ়ি।
আজি মৰণোত্তৰ পৰীক্ষা কৰা হৈছে। লগতে তদন্ত চলাই আছে আৰক্ষীয়ে। ঘটনা সন্দৰ্ভত কেৱল কামাখ্যা জংচনৰ কিছুমান ফুটেজ পাইছে। চিচি টিভিত ৰঙা ৰঙৰ স্কুটি চলাই যোৱা দেখা পোৱা গৈছিল ৰঘুক। তাৰ বাহিৰে বৰ্তমানলৈ অন্য কোনো ক্লু উদ্ধাৰ কৰিব পৰা নাই আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
