আজি ভাৰতৰ জোলোঙালৈ ৩ টাকৈ সোণ অহাৰ সম্ভাৱনা, আশাৰে বাট চাইছে দেশবাসীয়ে
২৮ জুলাই দেওবাৰে পেৰিছ অলিম্পিকত ভাৰতে প্ৰথমটো পদক লাভ কৰে। মহিলা শ্বুটাৰ মনু ভাকৰে ভাৰতৰ প্ৰথম পদক লাভ কৰি ভাৰতৰ পদকৰ জোলোঙা মুকলি কৰে। আজি অৰ্থাৎ ২৯ জুলাই সোমবাৰে ভাৰতে এটা বা দুটা নহয় তিনিটাকৈ সোণৰ পদক লাভ কৰিব পাৰে।
ইয়াৰে দুটা একক খেলুৱৈৰ দ্বাৰা আৰু অটা পদক এটা দলৰ জৰিয়তে লাভ কৰাৰ পূৰ্ণ সম্ভাৱনা। শ্বুটিঙত দুটা ব্যক্তিগত পদক আহিব পাৰে। আন এটা আৰ্চাৰীত পোৱাৰ আশা।
শ্বুটিঙত ৰমিতা জিন্দাল আৰু অৰ্জুন বাবুতাই পদকৰ সংখ্যা বৃদ্ধি কৰাৰ চেষ্টা কৰিব। দেওবাৰে মহিলাৰ ১০ মিটাৰ এয়াৰ ৰাইফলৰ অৰ্হতা ৰাউণ্ডত পঞ্চম স্থান দখল কৰিছিল ৰমিতাই। পুৰুষৰ ১০ মিটাৰ এয়াৰ ৰাইফলৰ অৰ্হতা ৰাউণ্ডত অৰ্জুন বাবুতাই সপ্তম স্থান দখল কৰে। অৰ্হতা ৰাউণ্ডৰ মুঠ ৮ গৰাকী খেলুৱৈয়ে ফাইনেলত স্থান নিশ্চিত কৰিছে। আজি দুপৰীয়া ১ বজাত ৰমিতা জিন্দলক আৰু বিয়লি ৩:৩০ বজাত অৰ্জুন বাবুতাক একচনত দেখা যাব।
ইয়াৰ উপৰিও ধীৰাজ বোম্মাদেৱৰা, তৰুনদীপ ৰায় আৰু প্ৰবীণ জাধৱৰে গঠিত আৰ্চাৰী দলৰ পৰাও পদক লাভৰ আশা কৰা হৈছে।
২৯ জুলাইত পেৰিছ অলিম্পিকৰ বাবে ভাৰতৰ সূচী
বেডমিণ্টন
পুৰুষৰ ডাবলছ গ্ৰুপ চি – সাতৱিকছাইৰাজ ৰেংকিৰেডী/চিৰাগ শ্বেট্টি বনাম মাৰ্ক লেমছফছ/মাৰ্ভিন ছেইডেল – ১২:০০ বজাত
মহিলা ডাবলছ গ্ৰুপ চি – তানিছা ক্ৰাষ্টো/অশ্বিনি পনাপ্পা বনাম নামি মাটছুয়ামা/চিহাৰু শ্বিদা – ১২:৫০ বজাত
পুৰুষৰ একক গ্ৰুপ এল – লক্ষ্য সেন বনাম জুলিয়ান কাৰাগি – সন্ধিয়া ৫:৩০ বজাত
টেবুল টেনিচ
মহিলা একক ৰাউণ্ড অৱ ৩২ – মণিকা বাট্ৰা বনাম পৃথিকা পাভাডে – নিশা ১২:৩০ বজাত
হকী
পুৰুষৰ পুল বি – ভাৰত বনাম আৰ্জেণ্টিনা – ৪:১৫ বজাত।
আৰ্চাৰী
পুৰুষ দলৰ কোৱাৰ্টাৰ ফাইনেল – ধীৰাজ বোম্মাদেৱৰা, তৰুনদীপ ৰায় আৰু প্ৰবীণ জাধৱ – সন্ধিয়া ৬:৩১ বজাত
পুৰুষ দলৰ ছেমি ফাইনেল (অৰ্হতাৰ ওপৰত ভিত্তি কৰি) – ধীৰাজ বোম্মাদেৱৰা, তৰুনদীপ ৰায় আৰু প্ৰবীণ জাধৱ – ৭:১৭ লৈ।
পুৰুষৰ দলীয় ব্ৰঞ্জৰ পদক মেচ – (অৰ্হতাৰ ওপৰত ভিত্তি কৰি) – ধীৰাজ বোম্মাদেৱৰা, তৰুনদীপ ৰায় আৰু প্ৰবীণ জাধৱ – নিশা ৮:১৮ বজাত
পুৰুষৰ দলীয় স্বৰ্ণ পদক মেচ – (অৰ্হতাৰ ওপৰত ভিত্তি কৰি) – ধীৰাজ বোম্মাদেৱৰা, তৰুনদীপ ৰায় আৰু প্ৰবীণ জাধৱ – নিশা ৮:৪১ বজাত
শ্বুটিং
১০ মিটাৰ এয়াৰ পিষ্টল মিক্সড টিম – সৰবজোত সিং/মনু ভাকৰ আৰু অৰ্জুন চিমা/ৰিদম সাংৱান – নিশা ১২:৪৫ বজাত
পুৰুষৰ ট্ৰেপ অৰ্হতা – পৃথ্বীৰাজ টণ্ডাইমান – দুপৰীয়া ১:০০ বজাত
মহিলাৰ ১০ মিটাৰ এয়াৰ ৰাইফলৰ ফাইনেল – ৰমিতা জিন্দল – ১:০০ বজাত
পুৰুষৰ ১০ মিটাৰ এয়াৰ ৰাইফলৰ ফাইনেল – অৰ্জুন বাবুতা – বিয়লি ৩:৩০ বজাত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
