গোৱালপাৰাত অতিকে শোকাৱহ ঘটনা, বিদ্যুৎস্পৃষ্ট হৈ পিতা-পুত্ৰৰ কৰুণ মৃত্যু
গোৱালপাৰা জিলাৰ পৰা আহিছে এক অতিকে শোকাৱহ ঘটনা। একেলগে দুৰ্ঘটনা সংঘটিত হৈ প্ৰাণ হেৰুৱালে পিতা-পুত্ৰই। কান্দোনত ভাঙি পৰিছে পৰিয়াল। গোৱালপাৰা জিলাৰ লক্ষীপুৰত সংঘটিত হৈছে এই ঘটনা।
ঘটনা সন্দৰ্ভত জানিব পৰা অনুসৰি লক্ষীপুৰ ধামৰ ৰুপুকুৰা গাঁৱত নিশা প্ৰায় ১১ মান বজাত এই দুৰ্ঘটনা সংঘটিত হয়। নিশা বিৰেশ্বৰ হাজঙৰ ঘৰত সৌৰ প্লেট বেয়া হোৱাৰ বাবে নিশাই সেয়া ঠিক কৰিবলৈ বুলি ঘৰৰ চালত উঠি যায়।
পিতা বিৰেশ্বৰ হাজং আৰু পুত্ৰ ৰমেন হাজং একেলগে যায় সেই বেয়া হৈ থকা সৌৰ প্লেট ঠিক কৰাৰ বাবে। কিন্তু দুৰ্ভাগ্যৰ কথা যে, সৌৰ প্লেট ঠিক কৰি থকাৰ সময়তে ঘৰৰ ওপৰেৰ যোৱা ১১০০০ ভল্টৰ বৈদ্যুতিক তাৰত লাগি বিদ্যুৎস্পৃষ্ট হৈ গুৰুতৰভাৱে আহত হয় দুয়ো পিতা পুত্ৰ।
স্থানীয় ৰাইজে দুয়োকে ততাতৈয়াকৈ লক্ষীপুৰ চিকিৎসালয়ত ভৰ্তি কৰে যদিও চিকিৎসকে পিতা-পুত্ৰ ক্ৰমে বিৰেশ্বৰ হাজং আৰু ৰমেন হাজঙৰ মৃত্যু বুলি ঘোষণা কৰে। উক্ত ঘটনাই সমগ্ৰ লক্ষীপুৰ অঞ্চলত বাৰুকৈয়ে শোঁকৰ ছাঁ পেলাইছে । ৰাইজে বিৰেশ্বৰ হাজঙৰ পৰিয়ালক ক্ষতি পুৰণৰ দাবী জনায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
