চিনি পাইনে ‘শ্ৰী বিজয়পুৰম’ নামৰ ঠাই, মোদী চৰকাৰে সলাই পেলালে নাম
শুকুৰবাৰে প’ৰ্ট ব্লেয়াৰ সন্দৰ্ভত কেন্দ্ৰীয় মোদী চৰকাৰে এক বৃহৎ সিদ্ধান্ত গ্ৰহণ কৰে। ভাৰত চৰকাৰে আন্দামান আৰু নিকোবৰৰ ৰাজধানী প’ৰ্ট ব্লেয়াৰৰ নাম সলনি কৰে। এতিয়াৰ পৰা প’ৰ্ট ব্লেয়াৰক শ্ৰী বিজয়পুৰম নামেৰে পৰিচিত হ’ব। কেন্দ্ৰীয় গৃহমন্ত্ৰী অমিত শ্বাহে এক্সত পোষ্ট কৰি এই সন্দৰ্ভত তথ্য সদৰি কৰে।
কেন্দ্রীয় মন্ত্রী অমিত শ্বাহে টুইটাৰযোগে প’ষ্ট কৰি কয় যে প্রধানমন্ত্রী নৰেন্দ্র মোদীয়ে দেশখনক দাসত্বৰ সকলো প্রতীকৰ পৰা মুক্ত কৰাৰ সংকল্পৰ পৰা অনুপ্ৰাণিত হৈ আজি গৃহ মন্ত্র্যালয়ে প’র্ট ব্লেয়াৰৰ নাম শ্রী বিজয়াপুৰম নামেৰে নামাকৰণ কৰাৰ সিদ্ধান্ত লৈছে৷
পোষ্টটোত লগতে ইয়াকো উল্লেখ কৰে যে, শ্ৰী বিজয়পুৰম নামটোৱে ভাৰতৰ স্বাধীনতাৰ সংগ্ৰাম আৰু তাত আন্দামান আৰু নিকোবৰৰ অৱদানৰ প্ৰতিফলন ঘটায়।
https://x.com/ANI/status/1834557483618308259
এই সন্দৰ্ভত আৰু কয় যে ভাৰতৰ স্বাধীনতা আৰু ইতিহাসত এই দ্বীপটোৰ এক অনন্য স্থান আছে। চোলা সাম্ৰাজ্যত নৌসেনাৰ ঘাটিৰ ভূমিকা পালন কৰা এই দ্বীপটো আজি দেশৰ নিৰাপত্তা আৰু উন্নয়ন ত্বৰান্বিত কৰিবলৈ সাজু হৈছে।
এই দ্বীপতো নেতাজী সুভাষ চন্দ্ৰ বসুৱে প্ৰথমে ত্ৰিৰংগ উত্তোলন কৰিছিল আৰু বীৰ সাৱৰকাৰ আৰু অন্যান্য স্বাধীনতা সংগ্ৰামীসকলে চেলুলাৰ জেলত ভাৰত মাতাৰ স্বাধীনতাৰ বাবে যুঁজি দিছিল।
উল্লেখ্য যে ইয়াৰ পূৰ্বে কেন্দ্ৰীয় চৰকাৰে আন্দামান আৰু নিকোবৰৰ বহু দ্বীপৰ নাম সলনি কৰিছে। ইয়াৰ পূৰ্বে ভাৰত চৰকাৰে ৰছ দ্বীপৰ নাম সলনি কৰি নেতাজী সুভাষ চন্দ্ৰ বসু দ্বীপ কৰিছিল। চৰকাৰে নীল দ্বীপক শ্বহীদ দ্বীপ আৰু হেলৱাক দ্বীপক স্বৰাজ দ্বীপ নামেৰে নামাকৰণ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
